Azat DÖNMEZOW jigisi Kuwwat bilen täze aýdymlaryň üstünde işleýärler

23:29 18.03.2021

https://ussatnews.com/storage/posts/897/original-160539c025ab95.jpeg

2019-njy ýylda paýtagtymyzda Türkmenistanyň Magtymguly adyndaky Ýaşlar guramasynyň Merkezi geňeşiniň, Medeniýet ministrliginiň hem-de Türkmenistanyň Telewideniýe, radiogepleşikler we kinematografiýa baradaky döwlet komitetiniň bilelikde her ýyl ýurdumyzyň ýaş estrada aýdymçylarynyň arasynda yglan edýän «Ýylyň parlak ýyldyzy — 2019» bäsleşiginiň eminleriniň gelen netijesinde, şeýle-de ildeşlerimiziň ýollan SMS-habarnamalarynyň esasynda Azat DÖNMEZOW «Ýylyň parlak ýyldyzy — 2019» diýen adyň eýesi bolmagy başardy. Biz hem Azat bilen söhbetdeşligimizi şol gazanan üstünliginen başlamagy makul bildik.

— Azat, saňa «Ýylyň parlak ýyldyzy— 2019» bäsleşiginde ýeňiji bolmak bagty miýesser etdi.

— Milli medeniýetimizi, sungatymyzy ösdürjek ýaş zehinleri ýüze çykarmak maksady bilen geçirilýän «Ýylyň parlak ýyldyzy» bäsleşiginde ýeňiji bolmak — ýaş aýdymçylaryň baş arzuwy. Bu bäsleşigiň baş baýragyna, ýagny göçme Kubogyna mynasyp bolmak bagty maňada 2019 ýylda miýesser etdi. Ýaşlar üçin sungat äleminde giň ýoly açýan Gahryman Arkadagymyza tüýs ýürekden alkyş aýdýaryn.

— Çagalyk ýyllary, mekdep döwrüň, ilkinji gezek sahna çykmagyň seniň häzirki gazanan üstünligiň sakasynda duran başlangyçlar bolsa gerek.

— 2009-njy ýylda Ahal welaýatynyň Ak bugdaý etrabynyň 16-njy orta mekdebini tamamladym. Aýdym aýtmak höwesim çagalykda döredi, dokuz ýaşymda çagalaryň arasynda geçirilýän sungat bäsleşiklere gatnaşyp başladym. Ilkinji gezek «Watanym» diýen aýdymy ýerine ýetirdim. Bu aýdymym maňa «Garaşsyzlygyň merjen däneleri» atly bäsleşikde uly üstünlik getirdi. 2005-nji ýylda bolsa Türkmenistanyň Magtymguly adyndaky Ýaşlar guramasynyň Merkezi geňeşi tarapyndan Gulbaba adyndaky çagalar baýragy bilen sylaglandym.

Arkadagly ýurdumyzda ýyllar biri-birinden zyýada gelýär. 2015-nji ýylda Türkmen döwlet medeniýet institutynyň bagtyýar talyby boldum. Şol ýyl hem Türkmenistanyň Prezidentiniň «Türkmeniň Altyn asyry» atly bäsleşiginiň ýeňijisi bolup, hormatly Prezidentimiziň Şa serpaýyna mynasyp bolmak bagty miýesser etdi.

— Saňa üstünlik getiren aýdymlaryň barada hem belläp geçäýseň.

— «Elimden tut», «Saňa, söýgülim», «Ezizim» «Göresim gelýär», «Dag göwher», «Söýgi», «Zyýada», «Asman saňa», «Arkadagly Watan», «Söýeliň», «Aýlanaly Aşgabada» ýaly dürli ýyllarda döreden aýdymlarym diňleýjileriň gyzgyn söýgüsine mynasyp boldy. Elbetde, bu meniň üçin uly mertebe.

— Aýdymyň şowly çykmagynda sözleriniň, sazynyň hem-de owazynyň jüpüne düşmegi gerek diýýärler. Bu babatda pikiriň nähili?

— Aýdym döretmekde köplenç halypa bagşylarymyz bilen maslahatlaşýaryn. Döredijilik dünýäsine içgin aralaşdygyňça, kalbyňda täze eserler döreýär. Ýerine ýetirýän aýdymlarymyň aglabasynyň sözlerini hem-de sazyny özüm döretdim. «Ýylyň parlak ýyldyzy — 2019» bäsleşiginde «Diňle, Aýym» atly aýdymy ýerine ýetirdim. Bu aýdymyň sözleri şahyr Annameret Gurbanowyňky, sazyny bolsa özüm ýazdym.

— Sen daşary ýurt dillerinde hem aýdym aýdýarsyň. Gaýry dillerde aýdym aýtmak kyn düşmeýärmi?!

— Gahryman Arkadagymyz ýaş nesillerimiziň daşary ýurt dillerini içgin öwrenmeklerini sargyt edýär. Men hem şu günki güne çenli türk, arap, rus dillerinde birnäçe aýdymlary diňleýjilerime ýetirdim. Nesip bolsa, geljekde has-da kämilleşip, daşary ýurt dillerindäki täze aýdymlaryň üstünde işläp halk köpçüligine ýetireris diýip ynandyrýaryn.

— Syn edýäs welin, soňky wagtlarda halk aýdymlaryny aýtmaga hem ýykgyn edýärsiň...

— Özüm halk aýdymlaryny diňlemegi gowy görýärin. Halypa bagşylarymyz Sahy Jepbarowyň, Orazgeldi Ylýasowyň, Ödenýaz Nobatowyň, Atabaý Çarygulyýewiň ýerine ýetirmeginde miras galan aýdymlary ýaşulularymyzyň ýanynda ýerine ýetirenimde, halypalar öz maslahatlaryny berýärler. Bu bolsa, kämilleşmäge ýardam edýär. Golaýda «Leýla», «Leýli geregim», «Bolmasa», «Dogrusy», «Aýrylsa», «Ýazgül», «Aýbibi» ýaly halk aýdymlaryndan ybarat ýazgymy diňleýjilere ýetirdim.

— Boş wagtlaryňy nähili geçirýärsiň?

— Boş wagtlarym, esasan, jigim Kuwwat bilen täze sazlaryň, goşgularyň üstünde işleýäris. Maşgalamyzda jigim Kuwwat hem aýdym-saza ýykgyn edýär.

Gözel paýtagtymyza gezelenç etmegi, Köpetdagyň eteginde welosipedli gezim etmegi, sport toplumlarynda bedenterbiýe maşklaryny ýerine ýetirmegi halaýaryn.

Sungat işgärleriniň döredijilikli zähmetine ýokary baha berýän, ýaşlary goldaýan we olara uly ynam bildirýän Gahryman Arkadagymyza tüýs ýürekden hoşallyk bildirýärin. Geljekde-de mähriban Watanymyzy, eziz Arkadagymyzyň asylly işlerini wasp edýän aýdymlary döredip, has-da döredijilikli işlejekdigime ynandyrasym gelýär.

— Azat, saňa sungat äleminde hemişe üstünlikleriň ýaran bolmagyny arzuw edýäris!

Söhbetdeş bolan

Şamyrat MUHAMMETGURBANOW,

                                                     žurnalist.

Başga makalalar
165f9d3ed4c5c0.jpeg
Eserleri — ruhy hazyna

Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.


165f44c5a3a8f1.jpeg
Gaz akdyryjylaryň rowaçly gadamlary

«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.


165dc6a2670a92.jpeg
Türkmenistanda habar beriş serişdeleriniň sanlylaşdyrylmagy täze mümkinçilikleri açýar

Ählumumy sanlylaşdyrma we internet asyry täze habar beriş serişdeleriniň döremegi üçin mümkinçilikleri açmak bilen çäklenmän, eýsem, sanly ulgamdan peýdalanýan okyjylaryň täze neslini kemala getirdi. Olar üçin maglumatlaryň esasy çeşmesi bolup metbugat sahypasy däl-de, kompýuteriň, planşetiň ýa-da smartfonyň multimedia ekrany hyzmat edýär.

165c31806f1f62.jpeg
Magtymguly Pyragynyň kanoniki portretiniň döreýşi

Döwlet şekillendiriş sungaty muzeýiniň zallarynyň birini Türkmenistanyň halk suratkeşi Aýhan Hajyýewiň döreden beýik şahyrymyz Magtymguly Pyragynyň kanoniki portreti bezeýär. Bu portret Magtymgulynyň keşbiniň hut şeýle bolandygyna ynamymyzy berkitdi. Ýogsa, eseriň döredilen wagty suratkeş bary-ýogy 23 ýaşynda eken, ol şonda-da fotosuraty bolmadyk şahyryň keşbini şekillendirmäge ýaýdanmandyr. A.Hajyýewiň ýerine ýetirmeginde Magtymgulynyň asyl keşbiniň emele gelşine düşünmek üçin bu eseriň döreýşiniň taryhyny ýatlamagy makul bildik.


165953ddc0ebdf.jpeg
Sergeý Lazarew joşgunly türkmen tomaşaçysynyň öňünde dyza çökdi (Arhiwdan 2014 ýyl)

Rus estradasynyň ýyldyzy Sergeý Lazarewiň Sportuň gyşky görnüşleri boýunça sport toplumynda guralan çykyşy diýseň uly şowhun döredip, tomaşaçylaryň müňlerçesinde gyzyklanma döretdi.