Ylmy-tejribe seminary geçirildi
«Türkmengaz» döwlet konserniniň Ylmy-barlag tebigy gaz institutynyň binasynda internet wideoaragatnaşyk arkaly halkara Nebitçi inženerçilik jemgyýeti (Society of Petroleum Engineers — SPE) bilen «Uly gazly karbonat gatlakly känleri işläp geçmekligiň tejribesi» atly mowzuk bilen ylmy-tejribe seminary geçirildi.
Onuň meýilnamasyna laýyklykda, Nebitçi inženerçilik jemgyýetiniň (SPE) sebitleýin direktory Ignatiý Wolnow, känleri işläp geçmek bölüminiň başlygy Denis Fomin, esasy utgaşdyryjysy Ýaraslawa Orlowa dagy «Işläp geçmegiň dürli tapgyrlarynda çylşyrymly karbonat gatlakly gaz guýularyny özleşdirmegiň tejribesi», «Çözgütleri kabul etmek üçin esasy faktor hökmünde gatlagy modelirlemegiň ähtimallyklary», SPE halkara jemgyýetiniň elektron kitaphanasynda makalalaryň saýlanylyşy, ýakyn wagtda geçirilmeli çäreler» atly mowzuklar bilen çykyş etdiler.
«Türkmengaz» döwlet konserniniň we Ylmy-barlag tebigy gaz institutynyň alymlary, hünärmenleri tarapyndan «Society of Petroleum Engineers» halkara jemgyýeti bilen tebigy gaz ýataklaryny ylmy taýdan öwrenmek we esaslandyrmak, barlaglaryň has netijeli ugurlaryny kesgitlemek, tebigy gazy gaýtadan işlemek, gazhimiýa pudagyny ösdürmek we innowasion tehnologiýalary ornaşdyrmak hem-de häzirki zaman programma üpjünçiligini ulanmak bilen känleri rejeli işläp geçmek boýunça özara pikir alyşmalar beýan edildi.
Seminaryň ahyrynda oňa gatnaşyjylar ýurdumyzyň bilim ulgamyny belent ösüşlere ýetiren Arkadag Prezidentimiziň janynyň sag, belent başynyň aman bolmagyny, il-ýurt bähbitli, dünýä ähmiýetli alyp barýan işleriniň rowaçlyga beslenmegini arzuw etdiler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
