10-njy iýunda 70 ýaşaýan Annagül GURDOWANYŇ durmuşymdan bir parça
Men: «Ýurtda parahatlyk, asudalyk, agzybirlik höküm sürse, ynsana durmuşda bagt, üstünlik, söýgi, saglyk ýaran bolsa, bu hakyky rowaçlykdyr» diýip düşünýärin.
Eýsem, meniň durmuşymda rowaçlyklar köp boldumyka? Bu barada köp wagtlap oýa batyp oturdym. Şeýle pursatlaryň biri hakynda size gürrüň beresim geldi.
Meniň şu wagtky derejä ýetmegimde bu beýik ynsanyň ornunyň örän uly bolandygyna indi-indiler has-da gowy düşünýän. Halypa — meşhur radiooýunda birbada Göroglynyň hem-de onuň atyny ogurlan kempiriň keşbini döreden Türkmenistanyň halk artisti Juma Ýazmyradowdyr. Ol biziň aramyzda bolmasada hemmemiziň kalbymyzda ýaşaýar.
Meniň radioda diktor bolup gepleşikleri alyp barmagymda halypam Juma Ýazmyradow köp zatlary öwretdi. Ikimiz köplenç radioda «Bahar» radiogepleşigini alyp barýardyk. Şonda ol öz ýany bilen kagyzyň içinde gant böleklerini studiýa alyp girýärdi. Onuň bir-iki düwrüni maňa uzadyp: «Me, iý şu gandy!» diýýärdi. Halypamyň bu sözlerini geň görýärdim. Çünki süýji zat sesiňe ýaramaz täsir edýändir, sesiňi gyrýandyr öýdýärdim. Ýöne, tersine, gant sesiňi açýar ekeni. Halypa maňa: «Sen okaňda-da aýdym edip okaýaň. Beýtmek gerek däl, Annagül!» diýýärdi. Men onuň bu belligini hem geň görýärdim. Sebäbi gepleşigi owadan sesli, owazly edip okamalydyr öýdýärdim.
Talapkär halypam Juma aga bilen işlemek şeýlebir gyzyklydy, ol meniň ýüzümden ähli içki dünýämi, pikirlerimi, aladalarymy okaýardy. Ol wagtlar ýanymda şeýle üýtgeşik, synçy adamyň bardygyny gatybir aňlaman ekenim. Hawa, ussat Juma Ýazmyradow barada näçe aýtsaň, aýdyp oturmaly.
Bu gün özümem halypalyk derejesine ýetip, birnäçe şägirt ýetişdiren hem bolsam, elmydama Juma aga ýaly halypamyň bardygyna buýsanýaryn.
Meniň durmuşymda şeýle rowaçlyklaryň başga-da köp bolup, ýöne olary duýan däl bolmagym mümkin. Indi men geljekde Arkadagly ýurdumda, arzuwlaryň hasyl bolýan döwründe öz ykbalymda boljak täze rowaçlyklara sabyrsyzlyk bilen garaşýaryn. Şonda men ol rowaçlyklar barada uly sesim bilen hemmelere buşlaryn.
Annagül GURDOWA,
«Türkmengaz» döwlet konserniniň Medeni-işewürlik merkeziniň ýokary derejeli aýdymçysy, Türkmenistanyň halk artisti, Türkmenistanyň Halk maslahatynyň agzasy.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
