Burawlaýjylarymyzyň baýramçylyk sowgady
Hormatly Prezidentimiziň ýurdumyzyň nebitgaz senagatyny ösdürmek barada öňde goýýan anyk wezipelerinden ugur alyp, tutanýerli zähmet çekýän «Türkmennebit» döwlet konserniniň «Nebitgazburawlaýyş» trestiniň «Nebitdag» buraw işleri müdirliginiň burawlaýjylary hemişelik Bitaraplygymyzyň 30 ýyllyk şanly senesine mynasyp zähmet sowgatly geldiler. Burawlaýjylarymyz şanly ýylymyzyň geçen döwründe önümli guýularyň jemi dokuzysynyň gazuw işlerini üstünlikli tamamladylar. Bu döwürde baýlyk gözleýjiler 24 müň 814 metr ýerasty çuňluk geçmegi başardylar.
Ýakynda müdirligimiziň buraw başlygy Döwletmyrat Gulamsöýünowyň ýolbaşçylyk edýän burawlaýjylar topary Nebitdag känindäki 965-nji guýynyň gazuw işlerini üstünlikli tamamladylar. Taslama çuňlugy 2400 metr bolan bu guýynyň 2235 metr ýerasty çuňlugyndaky gyzyl reňkli gatlagyndan «gara altynyň» senagat akymy alyndy. Täze nebit guýusy tehniki-sazlaýyş işlerinden soň, «Gumdagnebit» nebit-gaz çykaryş müdirliginiň nebitçilerine ulanyşa berildi. Ol guýy häzirki wagtda bir gije-gündizde 50 tonna «gara altynyň» senagat akymyny berýär. Önümli guýynyň gazuw işlerinde Hytaý Halk Respublikasynda öndürilen «ZJ-30-T» kysymly buraw desgasy ulanyldy.
Mundan başga-da, Ezizgeldi Hangeldiýewiň ýolbaşçylyk edýän burawlaýjylar topary hem Goturdepe ýatagyndaky 1847-nji guýynyň önümli gyzyl reňkli gatlagyna ýetmekde tutanýerli zähmet çekdiler. Netijede, bu guýy häzirki wagtda bir gije-gündizde 15 tonna «gara altyn» berýär. Munuň özi burawlaýjylarymyzyň hemişelik Bitaraplygymyzyň 30 ýyllyk şanly baýramçylygyna mynasyp zähmet sowgadydyr.
— Hormatly Prezidentimiziň milli ykdysadyýetimiziň esasy pudagy bolan nebitgaz senagatyna berýän yzygiderli aladasy netijesinde daşary ýurtlardan satyn alynýan iň bir kuwwatly buraw desgalaryna başarjaňlyk bilen erk edýän burawlaýjylarymyz şu günler Goturdepe, Barsagelmez, Nebitdag we Mydar meýdançalarynda has çuň gatlaklara aralaşmagy maksat edinip, gaýratly zähmet çekýärler. Bu ugurda hormatly Prezidentimiziň taýsyz tagallasy bilen önümçilige ornaşdyrylan kuwwatlyklar has-da guwandyryjy sepgitleri eýelemäge ýardam berýär. Kämil buraw desgalary has çuň gatlaklarda ýerleşýän ýangyç çig malynyň baý gorlaryna aralaşmaga mümkinçilik berýär — diýip, «Türkmennebit» DK-nyň «Nebitgazburawlaýyş» trestiniň «Nebitgaz» buraw işleri müdirliginiň başlygy Arslan Mämmedow gürrüň berýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
Döwrebap işler bitirilýär
Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr.
