Türkmenistan 2026 ýyly ruhubelentlik we täze üstünlikler bilen garşylady
Altyn GOŞAÝEWA, Türkmenistanyň halk artisti, «Türkmennebit» döwlet konserniniň «Nebitgazburawlaýyş» trestiniň Aragatnaşyk müdirliginiň Saparmyrat Türkmenbaşy adyndaky Nebitçileriň medeniýet köşgüniň wokal toparynyň müdiri:
— Dana şahyrymyz Magtymguly Pyragynyň «Ile döwlet geler bolsa, bagşy bilen ozan geler» diýen ajaýyp zamany geldi. Çar ýanymyz dabara, aýdym-saz, şatlyk-şowhun. Şeýle dabaralarda, şeýle toýlarda hormat hem sarpa goýulýan bagşylaryň hatarynda çykyş etmek, biziňem nesibämizde bardygyna tüýs ýürekden begenýäris. Halkyň bagşysy bolmak uly bagt hem belent borç. Halk ykrar etmese, aýdymlaryňa el çarpmaýar. Biz hem şol belent ynamy ödejek bolup, gije-gündiz täze döredijilik gözlegleriniň ugrunda irginsiz zähmet çekýäris. Biziň çekýän zähmetimize, edýän yhlasymyza döwletimiz tarapyndan üns berilmegi joşgunymyzy artdyrýar. «Türkmenistanyň hemişelik Bitaraplygynyň 30 ýyllygy» atly ýadygärlik kümüş nyşany bilen sylaglanmagym bolsa kalbyma egsilmez ylham bagyşlady. Gahryman Arkadagymyzyň, Arkadagly Gahryman Serdarymyzyň saýasynda biri-birinden manyly hem owadan gelýän ýyllar Garaşsyz, hemişelik Bitarap Watanymyzyň şöhratyna şöhrat goşýar. Watanyň waspyny etmek bolsa, sungat işgärleriniň, ýagny biziň paýymyza düşýär.
2026-njy — «Garaşsyz, baky Bitarap Türkmenistan — bedew batly at-myradyň mekany» ýylyny garşyladyk. Goý, Täze ýylda arzuw-umytlarymyz hasyl bolsun! Ilimiz hemişe agzybir, ýurdumyz abadan bolsun! Halkymyzyň hem adamzadyň bähbidine gönükdirilen beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlary sag, başlary belent, işleri rowaç bolsun! Täze ýylyňyz düşümli bolsun, eziz watandaşlar!
Aşgabat şäherinde, «Zenan we tebigat» atly döredijilikli duşuşyk geçirildi
Paýtagtymyzdaky Halkara ylmy-tehnologiýa parkynda «Ýaş tebigatçy» jemgyýetçilik guramasynyň gurnamagynda Halkara zenanlar güni mynasybetli «Zenan we tebigat» atly döredijilikli duşuşyk geçirildi.
BÄSDEŞLIGE UKYPLY AÝAKGAPLAR
Türkmenistanyň Dokma senagaty ministrliginiň, Türkmenistanyň Senagatçylar we telekeçiler birleşmesiniň agzasy bolan «Röwşen aýakgaplary» kärhanasynyň paýly gatnaşygy esasynda Mary şäheriniň ozalky Gön kärhanasynyň binýadynda esaslandyrylan «Maryderi-aýakgap» açyk görnüşli paýdarlar jemgyýetiniň önümçilik bölümlerinde döwletimiziň harby we hukuk goraýjy edaralarynyň sargytlary esasynda aýakgaplar, egin-eşikler, emeli sütükli gulakjynlar we beýleki önümler öndürilýär.
Zähmetkeşleriň zähmetini goramak döwlet syýasatynda ileri tutulýar
«Türkmengeologiýa» döwlet korporasiýasy tarapyndan «Türkmengaz» DK-nyň Ylmy-barlag tebigy gaz institutynda «2025-nji ýylda «Türkmengeologiýa» döwlet korporasiýasynyň edara-kärhanalarynda zähmeti goramaklygyň, tehniki howpsuzlygyň düzgünleriniň berjaý edilişi we 2026-njy ýylyň wezipeleri» atly maslahat geçirildi.
Prezident “Türkmengaz” DK-nyň netijeliligini ýokarlandyrmak boýunça teklibi goldady
27-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Balkanabatda zehinli ýaşlaryň intellektual bäsleşigi geçirildi
«Kämil bilim» okuw merkeziniň Balkanabat şäherindäki şahamçasynda ýaşlaryň arasynda üç tapgyrdan ybarat bolan «Brain-ring» intellektual bäsleşigi geçirildi. Bu çäre Balkan welaýat Baş bilim müdirligi, Magtymguly adyndaky Ýaşlar guramasynyň welaýat geňeşi hem-de «Kämil bilim» okuw merkeziniň Balkanabat şäherindäki şahamçasy tarapyndan bilelikde guraldy.
