Gyrgyz Respublikasynyň Baştutanynyň Türkmenistanyň Prezidentine ýazan haty

Habarlar

Gyrgyz Respublikasynyň Baştutanynyň Türkmenistanyň Prezidentine ýazan haty

13:32 09.07.2021

https://ussatnews.com/storage/posts/1515/original-160e808d1984ec.jpeg

Onuň Alyhezreti, Türkmenistanyň Prezidenti jenap Gurbanguly BERDIMUHAMEDOWA

Hormatly Gurbanguly Mälikgulyýewiç!

Türkmenistana bolan resmi saparymyň ýokary derejede guralandygy hem-de gyrgyz wekiliýetine bildirilen myhmansöýerlik üçin tüýs ýürekden hoşallyk bildirýärin.

Saparyň çäklerinde guralan çäreleriň, hususan-da, Siziň bilen ikitaraplaýyn duşuşyklaryň netijeli hem-de özara ynanyşmak ýagdaýynda geçmegi gyrgyz-türkmen doganlyk gatnaşyklarynyň ösüşinde ýene-de bir taryhy tapgyr boldy. Gepleşikleriň barşynda gazanylan ylalaşyklaryň käbiriniň eýýäm durmuşa geçirilip başlandygyna örän şatdyryn.

Gyrgyz Respublikasy bilen Türkmenistanyň arasyndaky doganlyk gatnaşyklarynyň hem-de strategik hyzmatdaşlygyň iki halkyň abadançylygynyň bähbidine mundan beýläk-de giňeldiljekdigine we ösdüriljekdigine ynanýaryn.

Pursatdan peýdalanyp, Sizi Gyrgyz Respublikasyna özüňiz üçin islendik amatly wagtda jogap sapary bilen gelmäge çagyrýaryn.

Hormatly Gurbanguly Mälikgulyýewiç, Size berk jan saglyk, döwlet işiňizde uly üstünlikleri, doganlyk türkmen halkyna bolsa parahatçylyk we rowaçlyk arzuw edýärin!

Hormatlamak bilen,

Sadyr ŽAPAROW, Gyrgyz RespublikasynyňPrezidenti.

Başga habarlar

Türkmenistanly kiçijik pianinoçynyň ilkinji ýeňişi

Berkarar döwletiň täze eýýamynyň Galkynyşy döwründe Garaşsyz, baky Bitarap Türkmenistan dünýä döwletleri bilen medeni hyzmatdaşlygyň gerimini barha giňeldýär.

Türkmenistanyň halk bagşysy Sahy Jepbarowyň 120 ýyllygyna

Türkmenistanyň milli saz medeniýeti aýdym-saz medeniýetiniň däp-dessurlaryna baýlygy bilen tapawutlanýar. Türkmenistanyň bagşyçylyk sungaty özünde aýdym aýtmak ussatlygyny we dutar ýerine ýetirijilik sungatyny birleşdirýär.

Türkmenistanyň Prezidenti we Sankt-Peterburgyň gubernatory hyzmatdaşlyk meselelerini maslahatlaşdy

Türkmenistanyň Prezidenti Serdar Berdimuhamedow we Sankt-Peterburgyň gubernatory Aleksandr Beglow 25-nji dekabrda gysga wagtlyk söhbetdeşlikde Peterburg bilen Türkmenistanyň ykdysady we medeni hyzmatdaşlyk meselelerini maslahatlaşdy.

«Türkmennebit» DK SNGIZ-niň maddy-üpjünçilik binýadyny pugtalandyrmak üçin degişli işleri geçirmäge ygtyýar berildi

21-nji dekabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň gün tertibine döwlet durmuşynyň birnäçe möhüm meseleleri girizildi.

Gazçylaryň ýaş türgenleri ynamly ýeňiş gazandy

Ähli ugurlar boýunça uly üstünliklere beslenýän «Pähim-paýhas ummany Magtymguly Pyragy» ýylynyň 19-njy noýabryndan 5-nji dekabry aralygynda Türkmenistanyň Bedenterbiýe we sport baradaky döwlet komitetiniň Sport mekdebi tarapyndan Halkara bitaraplyk güni mynasybetli 2010 — 2014-nji ýyllarda doglan ýetginjekleriň arasynda şaýbaly hokkeý boýunça sport mekdebiniň açyk birinjiligi geçirildi.