Daşoguz welaýatynda gaz torlaryny gyş möwsümine taýýarlamak işleri başlandy
S.Türkmenbaşy etrabynda ýerleşen «Daşoguzgazüpjünçilik» müdirliginiň gaz hojalyk kärhanasynyň gazçylary welaýatyň ilatly nokatlaryny gaz bilen üpjün etmek hem-de gaz torlaryna ideg etmek bilen bir hatarda, gyş möwsümine taýýarlyk işlerine hem başladylar.
Abatlaýyş işleriniň maksatnamasynyň ýerine ýetirilmegi gazpaýlaýjy ulgama agram düşýän möwsümde ygtybarly hem-de bökdençsiz gaz üpjünçiligini ýola goýmaga mümkinçilik berer.
Gyş möwsümine taýýarlygyň çäklerinde dürli basyşly 2450 km-den gowrak gaz geçirijileriň, 670-den gowrak gaz paýlaýjy we gaz sazlaýjy desgalaryň anyklaýyş işleri geçirilýär. Kärhanalaradyr edaralara ideg etmekden başga-da, etrabyň çäginde 21 müň 700 töweregi hojalyklar ýerleşýär.
Hünärmenler gaz geçirijileriň meýilnamalaýyn hem-de düýpli abatlaýyş işlerini yzygiderli ýerine ýetirip gelýärler. Işgärleriň baý tejribesi we ýokary hünär taýýarlygy işleriň tutuş toplumyny tehniki kadalary berk berjaý edip ýerine ýetirmäge mümkinçilik berýär.
Netijede, A.Kakabaýew, Gurbansoltan eje, Goşahowly geňeşliklerinde düýpli işler ýerine ýetirildi. Arzuw obasynda 273 mm göwrümli orta basyşly gaz torlaryny düýpli abatlamak işleri tamamlandy. Şular ýaly işleri Kirşenoý obasynda hem ýerine ýetirildi. BU ýerde abatlaýyş işleri 159 mm göwrümli pes basyşly gaz geçirijilerde ýerine ýetirildi.
Mundan başga-da, kärhananyň gazçylary Daşoguz welaýatynyň çet ýerlerinde ýerleşen ilatly nokatlaryny suwuklandyrylan gaz bilen üpjün eetmek boýunça birnäçe işleri geçirýärler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
