Nebitgaz toplumynda hoşallyk maslahaty geçirildi
4-nji sentýabrda Türkmenistanyň Nebitgaz toplumynyň merkezi binasynyň mejlisler zalynda hormatly Prezidentimiziň 1-nji sentýabrda paýtagtymyzyň Maslahat köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy okuw sapagy mynasybetli hoşallyk maslahaty geçirildi.
Oňa nebitgaz toplumynyň ýolbaşçylary, hünärmenleri, Ýagşygeldi Kakaýew adyndaky halkara nebit we gaz uniwersitetiniň professor-mugallymlary we ýaşlar gatnaşdylar.
Maslahatyň dowamynda çuň mazmunly çykyşlara giň orun berildi. Hormatly Prezidentimiz Gurbanguly Berdimuhamedowyň asylly başlangyçlary esasynda ýurdumyzda milli bilim, ylym ulgamy dünýä derejesinde ösdürilýär, ýaşlaryň döwrebap şertlerde okamagy, öwrenmegi, sport bilen meşgullanmagy üçin ähli mümkinçilikler döredilýär. Milli bilim, ylym ulgamynyň maddy-enjamlaýyn binýadynyň yzygiderli pugtalandyrylmagy, bu ugurda halkara gatnaşyklarynyň ösdürilmegi, okuw-terbiýeçilik işiniň döwrebaplaşdyrylmagy netijesinde türkmen ýaşlary dünýä derejesinde geçirilýän ylmy bäsleşiklere, olimpiadalara gatnaşyp, öňdäki orunlary eýeleýärler.
Bular dogrusynda «Türkmengeologiýa» döwlet korporasiýasynyň başlygynyň orunbasary Bezirgen Berdiýewiň, Ýagşygeldi Kakaýew adyndaky halkara nebit we gaz uniwersitetiniň uly mugallymy Jemal Sapargulyýewanyň, «Türkmengaz» döwlet konserniniň Ylmy-barlag tebigy gaz institutynyň laboratoriýasynyň müdiri Hatyja Çopanowanyň, «Türkmengeologiýa» döwlet korporasiýasynyň geologiki maglumatlar merkeziniň guýy maglumatlary toparynyň başlygy Arslan Annamyradowyň we beýleki gatnaşyjylaryň çykyşlarynda giňişleýin bellenip, Berkarar döwletimiziň bagtyýarlyk döwründe milli bilim, ylym ulgamyny halkara derejesine ýetiren Gahryman Arkadagymyza tüýs ýürekden hoşallyk sözleri aýdyldy.
Türkmenistanyň halk bagşysy Sahy Jepbarowyň 120 ýyllygyna
Türkmenistanyň milli saz medeniýeti aýdym-saz medeniýetiniň däp-dessurlaryna baýlygy bilen tapawutlanýar. Türkmenistanyň bagşyçylyk sungaty özünde aýdym aýtmak ussatlygyny we dutar ýerine ýetirijilik sungatyny birleşdirýär.
Türkmenistanyň Prezidenti we Sankt-Peterburgyň gubernatory hyzmatdaşlyk meselelerini maslahatlaşdy
Türkmenistanyň Prezidenti Serdar Berdimuhamedow we Sankt-Peterburgyň gubernatory Aleksandr Beglow 25-nji dekabrda gysga wagtlyk söhbetdeşlikde Peterburg bilen Türkmenistanyň ykdysady we medeni hyzmatdaşlyk meselelerini maslahatlaşdy.
«Türkmennebit» DK SNGIZ-niň maddy-üpjünçilik binýadyny pugtalandyrmak üçin degişli işleri geçirmäge ygtyýar berildi
21-nji dekabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň gün tertibine döwlet durmuşynyň birnäçe möhüm meseleleri girizildi.
Gazçylaryň ýaş türgenleri ynamly ýeňiş gazandy
Ähli ugurlar boýunça uly üstünliklere beslenýän «Pähim-paýhas ummany Magtymguly Pyragy» ýylynyň 19-njy noýabryndan 5-nji dekabry aralygynda Türkmenistanyň Bedenterbiýe we sport baradaky döwlet komitetiniň Sport mekdebi tarapyndan Halkara bitaraplyk güni mynasybetli 2010 — 2014-nji ýyllarda doglan ýetginjekleriň arasynda şaýbaly hokkeý boýunça sport mekdebiniň açyk birinjiligi geçirildi.
USAID-iň Häzirki zaman hünärleri ösdürmek taslamasy (YDA) frilanser bolup uzakdan Işlemek başarnyklary boýunça trening geçirdi
USAID-iň Häzirki zaman hünärleri ösdürmek taslamasy (YDA) frilanser bolup uzakdan işlemek başarnyklary boýunça gatnaşyjylar üçin trening meýilnamasyny üstünlikli tamamlady. Trening meýilnamasy 2-7 dekabr aralygynda "Ynamly Kepil" koworking merkezinde geçirildi.
