Türkmenistan-BMG: energetika ulgamynda hyzmatdaşlyk
Ýakyn wagtda Nýu-Ýorkda Birleşen Milletler Guramasynyň Baş Assambleýasynyň nobatdaky, 76-njy mejlisi açylar, omuň gün tertibi halkara gatnaşyklarynyň ähli ugurlaryna diýen ýaly degişli meseleleri gurşap alýar. Bütindünýä forumynda ýurdumyzyň parahatçylygy we howpsuzlygy üpjün etmek, pandemiýa garşy göreşmek, ählumumy howplara we wehimlere garşy durmak, daşky gurşawy goramak ýaly möhüm ugurlarda halkara bileleşiginiň tagallalaryny birleşdirmäge gönükdirilen daşary syýasy başlangyçlary öňe sürler.
Baş Assambleýanyň bu mejlisinde Türkmenistan energiýanyň ygtybarly, durnukly, maliýe taýdan netijeli we döwrebap çeşmelerine ählumumy elýeterliligi üpjün etmek meselelerine aýratyn berer. Munuň üçin BMG-niň Baş Assambleýasynyň “Energiýa serişdeleriniň ygtybarly we durnukly üstaşyr geçirilmegi hem-de durnukly ösüşi we halkara hyzmatdaşlygyny üpjün etmekde onuň hyzmaty” hakynda 2008-nji we 2013-nji ýyllarda kabul eden Rezolýusiýalary esas bolup hyzmat eder.
Bu ugurda köptaraplaýyn gepleşikleri dowam etmek maksady bilen, ýurdumyz 2022-nji ýylda “Hemmeler üçin durnukly energetika” başlangyjy bilen bilelikde Durnukly ösüşiň maksatlaryna ýetmekde ösüşi çaltlandyrmak boýunça Halkara forumyny çagyrmagy teklip edýär. şunda energetika serişdelerini durnukly üstaşyr geçirmek hem-de şunuň bilen baglylykda, BMG-niň döwrebap halkara-hukuk gurallarynyň döredilmegine aýratyn üns berilmelidir.
Hormatly Prezidentimiz Gurbanguly Berdimuhamedowyň belleýşi ýaly, dünýäniň energo üpjünçilik ulgamy ählumumy ykdysady ösüş işine, adamlaryň abadançylygyna, özara bähbitli hyzmatdaşlygy höweslendirnäge hyzmat etmelidir. Ýurdumyzyň garaýşy dünýä bazaryna energetika serişdeleriniň deňhukuklylyga esaslanan adalatlylyk we açyklyk ýörelgelerinde, bu işe gatnaşyjylaryň hemmesiniň bähbitleriniň ykrar edilmegi we hasaba alynmagy, nyrhlaryň oýlanyşykly döredilmegi bilen iberilmeginde jemlenýär.
Türkmenistan energiýa serişdeleriniň howpsuz üstaşyr geçirilmeginiň halkara kepilliklerini güýçlendirmek baradaky başlangyçlar bilen çykyş etmek bilen, olary iş ýüzünde amala aşyrmak boýunça anyk çäreleri görýär. Tebigy gazy dünýä bazaryna ibermegiň eksport ugurlaryny giňeltmek babatda ýurdumyzyň durmuşa geçirýän taslamalary munuň aýdyň mysaly bolup durýar. Olaryň hatarynda – hereket edýän Türkmenistan-Hytaý transmilli gazgeçiriji, şeýle hem gurluşygy dowam edýän Türkmenistan-Owganystan-Pakistan-Hindistan gazgeçirijisi bar.
Ýurdumyzyň ýaş robot tehnikaçylary Astana ugradylar: Maksat — ABŞ-daky dünýä finaly
Ýurdumyzyň zehinli mekdep okuwçylarynyň 10-sy Gazagystanyň Astana şäherine ugradylar. Olar 2026-njy ýylyň 10-13-nji fewraly aralygynda geçiriljek FTC (FIRST Tech Challenge) çempionatynyň sebitleýin tapgyryna toparlaýyn esasda gatnaşarlar.
Ýanwar aýynyň jemlerine garaldy
7-nji fewralda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň ýanwar aýynda ýerine ýetirilen işleriň jemine bagyşlanan hasabat ýygnagy geçirildi.
Hökümet mejlisinde ýangyç-energetika toplumynyň 2026-njy ýylyň ýanwar aýynyň jemleri maslahatlaşyldy
6-njy fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň ýanwar aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Kitap - bilimiñ açary
Halkara senagatçylar we telekeçiler euniwersitetinde Hormatly Prezidentimiz Arkadagly Gahryman Serdarymyzyň “Türkmenistanyň Bitaraplygy – parahatçylygyň we ynanyşmagyň aýdyň ýoly” hem-de türkmen halkynyň Milli Lideri Gahryman Arkadagymyzyň “Ömrümiň manysynyň dowamaty” atly ajaýyp gymmatly eserleriniň ähmiýeti barada “Kitap – bilimiň açary” atly wagyz-nesihat duşuşygy geçirildi.
Behişdi bedewleriñ waspy
Halkara senagatçylar we telekeçiler uniwersitetinde 2026-njy ýyly “Garaşsyz, baky Bitarap Türkmenistan – bedew batly at-myradyň mekany” diýlip yglan edilmegi mynasybetli “Behişdi bedewleriň döredijilikde we sungatda waspy” atly aýdym-sazly medeni çäresi geçirildi.
