Nebitiň çykarylyşyny artdyrmak möhüm wezipe
Hormatly Prezidentimiz Gurbanguly Berdimuhamedow 10-njy sentýabrda geçiren Ministrler Kabinetiniň mejlisinde ýurdumyzyň nebitgaz senagatynyň işini durnuklaşdyrmak boýunça möhüm wezipeleri kesgitledi. Döwlet Baştutanymyz nebitiň çykarylýan möçberini artdyrmagyň, nebiti gaýtadan işleýän zawodlaryň kuwwatlyklaryny doly ulanmagyň, suwuklandyrylan gazyň we beýleki önümleriň öndürilişini artdyrmagyň, şeýle hem nebitgaz toplumyna maýalary çekmegiň möhümdigini belledi.
Şu ýylyň sekiz aýynda nebitiň we gaz kondensarynyň çykarylan möçberi Türkmenistanda 5,8 million tonnadan gowrak boldy. Şu ýylyň ahyryna çenli “Türkmennebit” döwlet konserniniň ýataklarynda täze guýularyň 8-ni burawlamak we ulanmaga bermek meýilleşdirilýär. Uglewodorod çig malynyň çykarylyşyny artdyrmak işleýän guýularyň öndürijiligini ýokarlandyrmaga ýardam edýän netijeli usullary we döwrebap tehnologiýalary ulanmagyň hasabyna hem üpjün ediler.
Şeýlelikde, geçen ýyl gol çekilen ylalaşyga laýyklykda “Türkmennebit” döwlet konserniniň russiýaly hyzmatdaşlary işiň önümçilik maksatnamasyny giňeltdiler. Goturdepe ýatagynda guýulary abatlamak bilen bir hatarda “Tatnebit” kompaniýasy guýularyň gapdal sütünlerini burawlamaga girişdi. Bu tehnologiýanyň esasy artykmaçlygy onuň täze önümli ýerlerden çig malyň çykarylyşyny artdyrmaga ýardam edýär. Şunda işleriň bahasy täze dik guýyny gurmak üçin edilýän çykdajylardan ep-esli arzan düşýär.
Türkmenbaşydaky nebiti gaýtadan işleýän zawodlar toplumynda nebitiň 3,3 million tonnasy gaýtadan işlenildi. Hususan-da, dürli görnüşli awtomobil benzinleriniň 1,16 million tonnadan gowragy, dizel ýangyjynyň 1,4 million tonna golaýy, polipropileniň 49 müň tonna golaýy öndürildi.
Şu ýylyň iýul-awgust aýlarynda TNGIZT-de Önümi paýlaşmak hakynda ylalaşyklaryň esasynda ýurdumyzda işleýän daşary ýurt kompaniýalaryndan satyn alynan nebitiň 80 müň tonnasy gaýtadan işlenildi. Deslapky hasaplamalar boýunça daşarky bazarlara satylan nebit önümleriniň bahasy ABŞ-nyň 1,17 million dollaryndan gowrak bolar. Mundan başga-da, TNGIZT-niň kuwwatlyklaryny doly ulanmak üçin goňşy döwletlerde çykarylýan nebiti Türkmenistanda gaýtadan işlemek mümkinçilikleri öwrenilýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
