OPEC-iň Baş sekretary 27-nji oktýabrda «Türkmenistanyň nebiti we gazy» halkara maslahatynda çykyş eder
Nebiti eksport ediji ýurtlaryň guramasynyň (OPEC) Baş sekretary Mohammed Sanusi Barkindo 27-28-nji oktýabrda Aşgabatda garyşyk görnüşde geçiriljek «Türkmenistanyň nebiti we gazy» XXVI Halkara maslahatynda onlaýn görnüşde çykyş eder.
Bu barada forumyň guramaçylarynyň saýtynda habar berilýär. Guramaçylaryň hatarynda GaffneyCline britan kompaniýasynyň goldaw bermeginde «Türkmengaz» we «Türkmennebit» döwlet konsernleri, «Türkmengeologiýa» döwlet korporasiýasy «Turkmen Forum» Hojalyk Jemgyýeti bilen bilelikde çykyş edýär.
Forumyň deslapky maksatnamasynda bellenilişi ýaly, Barkindo 27-nji oktýabrda ählumumy energiýa ulgamynyň geljegine bagyşlanylyp geçiriljek plenar mejlisde çykyş eder.
Çykyş etjek beýleki daşary ýurtlularyň hatarynda Ählumumy gaz merkeziniň başlygy Rene Bausyň ady agzalýar. Ol dünýä ykdysadyýetini dikeltmekde tebigy gazyň ähmiýeti baradaky pikirleri bilen paýlaşar, şeýle hem bu ugurda Türkmenistanyň eýeläp biljek orny baradaky garaýyşlaryny beýan eder.
Bu plenar mejlisiň çäklerinde şeýle hem Ýewropa Energetika Hartiýasynyň Sekretarlygynyň sekretary Urban Rusnagyň, Halkara energetika merkeziniň energetika boýunça baş ykdysatçysy Tim Gulduň, CNPC-niň prezidenti Hou Sinszýanyň onlaýn çykyşlary eşitdiriler. Socar Trading SA-nyň ýerine ýetiriji direktory Marýam Almaszade hem foruma gatnaşyjylara wideoýüzlenme bilen çykyş eder.
«Tebigy gaz we energiýanyň dikeldilýän çeşmeleri — az uglerodly geljege geçmekde esasy serişdeler» mejlisiniň çäklerinde Dubai Expo 2020 bilen teleköpri bu ýylky forumyň täzeligi bolar. Bu mejlis 28-nji oktýabrda geçirilip, Aşgabatda geçirilýän maslahata gatnaşyjylary Dubai Expo 2020-de Türkmenistanyň powilýony bilen baglaşdyrar.
Koronawirus pandemiýasy sebäpli halkara gatnawlaryna çäklendirmeler zerarly Aşgabat maslahaty garyşyk görnüşde — ýüzbe-ýüz hem onlaýn görnüşde geçiriler. Bu çemeleşme maslahatyň çäklerinde Türkmenistanyň nebitgaz toplumynyň ýolbaşçylary bilen işewür gepleşikleri guramakda hem ulanylar.
OGT 2021-e onlaýn gatnaşmak mugtdur. Onlaýn gatnaşmak üçin 22-nji oktýabrda çenli bellige alynmaly. Maslahat barada şu salgydan has köp maglumatlary alyp bilersiňiz: www.ogt-turkmenistan.com
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
