«Iran Khodro» Türkmenistana iki ýangyçda işleýän awtomobilleri getirmäge taýýar
Tähranda «Iran Khodro Industrial Group» iri awtomobilgurluşyk kompaniýasynyň baş direktory Farşad Mogimi Türkmenistanyň awtomobil ulaglary agentliginiň (“Türkmenawtoulaglary”) ýolbaşçysy G.Akmämmedow bilen bolan duşuşykda kompaniýanyň türkmen bazaryna iki ýangyçda işleýän (benzin+gaz) täjirçilik we ýeňil awtomobilleri getirmäge taýýardygyny beýan etdi diýip “Türkmenistan: altyn asyr” saýty habar berýär.
G.Akmämmedow öz nobatynda «Iran Khodro» kompaniýasynyň önümleriniň hilini we görnüşlerini nazara almak bilen türkmen bazarynyň belli kompaniýanyň önümlerini goldajakdygyny aýtdy.
Duşuşygyň dowamynda awtomobilgurluşyk kompaniýasynyň ýolbaşçysy «Iran Khodronyň» dag-magdan, nebitgaz, nebithimiýa, inženerçilik ulgamlarda we beýleki pudaklarda hem türkmen senagat kompaniýalary bilen hyzmatdaşlyk etmäge taýýardygyny belledi.
Ýeri gelende ýatlasak, «Iran Khodro» Eýranyň awtomobilgurluşyk kompaniýalarynyň hatarynda ilkinji bolup özüniň «Iran Khodro – Ashgabat» wekilhanasyny açdy hem-de Aşgabatda Işewürlik merkezinden, awtomobiller üçin salon-sergiden, awtoulag şaý sepleriniň dükanyndan, ammarlardan, awtomobilleri abatlaýyş’ we tehiki hyzmat ediş merkezinden ybarat bolan döwrebap toplumy gurdurdy.
Kompaniýa Türkmenistana ozal hem ýeňil awtoulaglary we awtobuslary getirýärdi.
Türkmenistanda «ÝAŞYL ENERGIÝA — ÝAGTY GELJEK» bäsleşigi yglan edilýär
2025-nji ýylyň “Halkara parahatçylyk we ynanyşmak ýyly” diýlip yglan edilmeginiň çäklerinde “Türkmengaz” döwlet konserni, "Nebit-gaz" gazetiniň redaksiýasy, Germaniýanyň Halkara hyzmatdaşlyk jemgyýeti (GIZ) GmbH we “Ussatnews” elektron gazetiniň redaksiýasy bilelikde “ýaşyl energiýa”, gaýtadan dikeldilýän energiýa çeşmeleri, energotygşytlylyk we Türkmenistanda energiýa netijeliligini ýokarlandyrmak meselelerine, şeýle hem Türkmenistanyň Prezidenti Serdar Berdimuhamedowyň bu ugurda alyp barýan işlerine bagyşlanan iň gowy makalalaryň bäsleşigini yglan edýär.
Türkmenistanyň TEIF 2025 halkara maýa goýum forumy öz işine başlady
2025-nji ýylyň 23-nji aprelinde günüň ikinji ýarymynda Malaýziýanyň paýtagtynda Kuala-Lumpur maslahat merkezinde (KLCC) Türkmenistanyň ykdysadyýetine daşary ýurt maýa goýumlaryny çekmek boýunça halkara forumy – TEIF 2025-iň açylyş dabarasy geçirildi.
Kuala-Lumpurda Türkmenistanyň ykdysadyýetine daşary ýurt maýa goýumlaryny çekmek boýunça halkara forum öz işine başlaýar
Şu gün Malaýziýanyň paýtagty Kuala-Lumpurda Türkmenistanyň ykdysadyýetine daşary ýurt maýa goýumlaryny çekmek boýunça halkara forum başlaýar. Forumyň guramaçylary bolup, “Türkmengaz”, “Türkmennebit” döwlet konsernleri we Türkmenistanyň Söwda-senagat edarasy “Türkmen energiýa forum” HJ bilen hyzmatdaşlykda çykyş edýär.
Serdar Berdimuhamedow TEIF 2025 halkara forumyna gatnaşyjylara gutlag iberdi
Prezident Serdar Berdimuhamedow 23-nji aprelde Kuala-Lumpur şäherinde öz işine başlan Türkmenistanyň ykdysadyýetine daşary ýurt maýa goýumlaryny çekmek boýunça halkara foruma gatnaşyjylara gutlag iberdi.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy.
