OPEC+ dünýä wada edilenden artyk nebit bermedi
OPEC+ ýurtlarynyň ministrleri penşenbe güni öň bellenilen meýilnama eýermek hem-de meýilleşdirilenden artyk nebit önümçiligini ýokarlandyrmazlyk babatda biragyzdan çözgüt kabul etdiler. Sarp edijileriň goşmaça nebit möçberleri baradaky ýüz tutmalary jogapsyz galdy. OPEC+ muny geljekde islegiň peselmegi baradaky çaklama bilen düşündirýär diýip, Interfaks habar berýär.
Nebitiň bahasy ýylyň başyndan bäri 1,6 esse — barreli üçin 50 dollardan 80 dollara çenli artdy. Bu bolsa pandemiýadan soň ykdysady ösüşi dikeltmekde sarp edijileriň arasynda biynjalyklyk döredýär. Nebiti iri sarp edijiler — Hytaý, Hindistan, ABŞ bazary deňagramlaşdyrmak üçin nebit önümçiligini kadalaşdyrýan OPEC+ ýurtlaryna önümçiligi artdyrmak barada haýyş bilen ýüz tutdular.
OPEC+ iýul aýyndan başlap, nebit önümçiligini her aýdan günde 400 müň barrele çenli yzygiderli ýokarlandyrýar. Bu COVID-19 pandemiýasynyň ösen döwründe öz üstüne alnan günde 9,7 mln barrel çäklendirmede saklanmak üçin edilýär. Şeýle hem ylalaşyga agza ýurtlar bazar ýagdaýlaryna laýyklykda, her aýda duşuşyk geçirýärler.
Interfaksyň maglumatlaryna görä, nebit önümçiligi artdyrmak mümkinçiligi OPEC+ agzalary tarapyndan işjeň maslahatlaşyldy, emma nebite islegiň peselmek howpy, hususan-da, delta ştammynyň ýaýramagy bu hili hereketlere garşy şertler bolup çykyş etdi.
Emma bazara doňýürek görünmezlik üçin OPEC+ metbugat maslahatyny gurady. Onda Russiýanyň we Saud Arabystanynyň wekillerinden başga-da, BAE-niň, Nigeriýanyň, Kuweýtiň, Meksikannyň, Azerbaýjanyň nebit ministrleri çykyş etdi. Olaryň her biri bitewilik hem-de sarp edijileriň isleglerini kanagatlandyrmaga ýol bermedik şertler barada aýtdylar.
Nigeriýanyň nebit ministri Timipre Silwanyň beýan etmegine görä, bazarda teklibiň ýetmezçiligi ýok we OPEC+ ýurtlaryna öz meýilnamalaryny üýtgetmek zerurlygy ýok. Onuň aýtmagyna görä, meýilnamany saklap galmak bu «iň gowy çözgüt» we bazara syn etmegi dowam etmeli.
Kuweýtiň ministri Mohammed Al-Faresiň aýtmagyna görä, çaklamalara görä, 2022-nji ýylda nebit bazary nebit artykmaçlygynda bolar.
Öz gezeginde, BAE-niň nebit ministri Mohammed Al-Mazrui nebit bazarynda artykmaçylygynyň eýýäm 2022-nji ýylyň birinji ýarymynda ýüze çykyp biljekdigini belledi. «Şonuň üçin hem dekabrda önümçiligi dikeldiş depginlerini saklap galmak çözgüdi dogrudyr» - diýip ol aýtdy.
Nusaý galasynda gezelenç talyp ýaşlarda milli buýsanjy artyrdy
Talyp ýaşlary Watançylyk ruhunda terbiýelemek maksatly yzygiderli guralýan medeni çäreleriň çäklerinde bu gün Halkara senagatcylar we telekeçiler uni wersitetiniň professor-mugallymlarynyă we talyp ýaşlarynyă gatnaşmagynda Nusayyň Parfiýa galalary döwlet medeni-taryhy ýadygärligine gezelenç guraldy.
YLMY ÖSÜŞLER DABARALANÝAR
Maýa Kulyýewa adyndaky Türkmen milli konserwatoriýasynda Türkmenistanyň Ylymlar akademiýasy bilen bilelikde nobatdaky ylmy-usuly maslahaty geçirildi.
«Ýaş tebigatçy» jemgyýetçilik guramasynyň resmi web-saýty işe girizildi
Tebigatyň janlanýan, daş-töweregiň al-elwan güllere beslenýän günlerinde «Ýaş tebigatçy» jemgyýetçilik guramasynyň resmi web-saýty — tebigatchy.co.tm işläp başlady. Bu sanly platformanyň işe girizilmegi guramanyň işini döwrebaplaşdyrmakda nobatdaky ädim bolup, ol amala aşyrylýan ekologiýa başlangyçlary baradaky maglumatlaryň elýeterliligini ýokarlandyrmaga gönükdirilendir.
Uzynadadaky täze önümli guýy
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynda» göz öňünde tutulan belent wezipeleri üstünlikli durmuşa geçirmek ugrunda tutanýerli zähmet çekýän «Türkmennebit» döwlet konserniniň önümçilik düzümleri «Garaşsyz, baky Bitarap Türkmenistan — bedew batly at-myradyň mekany» ýylynyň ruhuna mynasyp işleri bitirmegiň hötdesinden gelýärler.
Okuw maslahaty geçirildi
Türkmenistanyň Jemgyýetçilik guramalarynyň merkezinde kärdeşler arkalaşyklarynyň işini kämilleşdirmek, döwrüň talabyna laýyk guramak, işleriň dogry alnyp barylmagyny üpjün etmek bilen baglanyşykly amaly-usuly okuw maslahaty geçirildi.
