Hormatly Prezidentimiz BMG-niň Baş sekretary Antoniu Gutterişe hat ýollady
Siziň Alyhezretiňiz!
1992-nji ýylyň 2-nji marty Birleşen Milletler Guramasyna biziň ýurdumyzyň kabul edilmegini aňladýan, Türkmenistanyň häzirki taryhynda şanly sene bolup durýar.
Geçen 30 ýylda Türkmenistan BMG bilen netijeli we bähbitli hyzmatdaşlygy ýola goýdy, bu gurama, biziň pikirimizçe, ähli adamzadyň bähbidine hyzmat edýän üýtgewsiz ählumumy gurama bolup galýar.
Birleşen Milletler Guramasynyň Baş Assambleýasynyň 1995-nji ýylyň 12-nji dekabrynda biziň döwletimiziň özboluşly halkara hukuk ýagdaýyny dünýä tejribesinde ilkinji gezek tassyklaýan “Türkmenistanyň hemişelik Bitaraplygy” atly Kararnamany biragyzdan kabul etmegi örän özboluşly waka bolup durýar. Munuň özi biziň döwletimiziň daşary syýasatynyň ugurlaryny we mazmunyny kesgitledi, sebitde durnuklylygy üpjün etmäge, içerki ösüşi höweslendirmäge hem-de ykdysadyýetde giň gerimli milli maksatnamalary ýerine ýetirmäge oňyn täsir etdi.
Biziň ysnyşykly hyzmatdaşlygymyz netijesinde, 2007-nji ýylda Aşgabatda BMG-niň Merkezi Aziýa üçin öňüni alyş diplomatiýasy boýunça sebit merkezi açyldy. Bu merkeziň işi BMG-niň taýýarlan syýasy-hukuk usulyny nazara almak hem-de Bitarap Türkmenistanyň mümkinçiliklerini ulanmak bilen, syýasy gepleşikleri höweslendirmäge gönükdirilendir.
Türkmenistan dürli ýyllarda BMG-niň belent münberinden energetika howpsuzlygy, ulag hyzmatdaşlygy, ekologiýa we durnukly ösüşi üpjün etmäge hem-de adamzadyň hal-ýagdaýyny gowulandyrmaga gönükdirilen köp sanly beýleki başlangyçlar ýaly, ählumumy ösüşiň strategik ugurlarynda ençeme teklipleri öňe sürdi. Şu gün bolsa men biziň başlangyçlarymyzy goldandyklary we kabul edendikleri üçin, ähli döwletlere tüýs ýürekden minnetdarlyk bildirýärin, şeýle hem netijeli işleri alyp barandyklary üçin BMG-niň Sekretariatynyň ähli işgärlerine hoşallyk sözlerini ýollaýaryn.
Hormatly Baş sekretar!
Birleşen Milletler Guramasy bilen hyzmatdaşlyk Türkmenistan üçin dünýä giňişligindäki işimizde hemişe ileri tutulýan ugur bolar. Türkmenistan BMG we onuň ýöriteleşdirilen edaralary bilen hyzmatdaşlyk etmäge berk eýerer. Parahatçylygy gorap saklamagyň, pandemiýanyň netijelerini ýeňip geçmegiň, ykdysady, ekologik, ynsanperwer we beýleki ugurlarda maksatnamalary durmuşa geçirmegiň bähbidine syýasy-diplomatik tagallalara işjeň gatnaşar.
Sözümiň ahyrynda Size berk jan saglyk we jogapkärli halkara işiňizde täze uly üstünlikleri arzuw edýärin.
Çuňňur hormatlamak we uly sylag bilen,
Türkmenistanyň Prezidenti
Gurbanguly Berdimuhamedow.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
BOTAŞ Hazarüsti gaz geçirijisi arkaly türkmen gazyny Türkiýä we Ýewropa ibermegi ýola goýmagy maksat edinýär
BOTAŞ kompaniýasy üçin türkmen gazyny Hazarüsti turba geçirijisi arkaly Türkiýä daşamak we soňra ony Ýewropa ibermek strategik maksat bolmagynda galýar.
«Türkmengaz» DK-nyň başlygy gaz pudagynyň ösüşiniň esasy ugurlary barada gürrüň berdi
Türkmenistanyň Döwlet ministri — “Türkmengaz” döwlet konserniniň başlygy Maksat Babaýew OGT 2026 halkara maslahatynda Türkmenistanyň gaz pudagynyň ösüşiniň esasy ugurlaryny beýan etdi.
