Azerbaýjanyň «Socar» Döwlet nebit kompaniýasynyň wise-prezidenti Elşat Nasirow
— Pursatdan peýdalanyp, «Türkmenistanyň nebiti we gazy» (OGT 2022) Halkara maýa goýum forumynyň ýokary guramaçylyk derejesini bellä geçmek isleýärin. Bu çäre sebitiň energetiki senenamasynda her ýylda geçirilýän möhüm çäreleriň biri boldy.
Plenar mejlisde öz çykyşymy men Türkmenistanyň Prezidentini saýlawlarda gazanan ynamly ýeňşi bilen gutlamakdan başladym. Serdar Berdimuhamedowyň ýokary döwlet wezipesine saýlanylmagy türkmen halkynyň parasatlylygy hem-de ýurduň ösüşiniň hatyrasyna häkimiýete berk ynamyny barada habar berýär.
Hazarýaka döwletleriniň biri bolan Azerbaýjan sebitiň döwletleri bilen hyzmatdaşlygy giňeltmäge elmydama gyzyklanma bildirýär. Hazar deňziniň hukuk derejesi hakynda Konwensiýa gol çekilmegi bilen bolsa, özara gatnaşyklarymyzda täze eýýam başlandy. Bu günki gün biziň ilkinji nobatdaky wezipämiz Hazar sebitiniň ykdysady mümkinçiliklerini doly derejede açyp görkezmek bolup durýar. Bu maksada ýetmek üçin Hazar deňziniň dünýäniň energetika kartasynda eýeleýän ornuny göz öňünde tutup, bize energetika ulgamynda sebit hyzmatdaşlygyny bilelikde ösdürmek zerur. Şu jähtden Azerbaýjan Respublikasy bilen Türkmenistanyň arasyndaky gatnaşyklar ösen energetika ulgamy bilen häsiýetlendirilýär, has ähmiýetli derejä eýe bolýar.
Azerbaýjan bilen Türkmenistanyň arasyndaky häzirki gatnaşyklar gadymy döwürlerden gözbaş alýan umumy medeni gymmatlyklara we dil köklerine, dine, şeýle hem geografiki goňşuçylyga esaslanýar. Soňky ýyllarda ikitaraplaýyn hyzmatdaşlygy giňeltmekde iki döwletiň Liderleriniň dostlukly gatnaşyklary möhüm orun eýeledi. Şunuň bilen baglylykda, Azerbaýjanyň Prezidentiniň 2018-nji ýylyň noýabrynda Türkmenistana saparyny, şeýle hem Gurbanguly Berdimuhamedowyň 2020-nji ýylyň martynda Azerbaýjana saparyny belläp geçmek gerek.
Soňky ýyllarda köp sanly ugurlarda hyzmatdaşlygy ösdürmegi üpjün edýän 100-den gowrak resminamalara barabar bolan berk esasly hukuk binýat emele geldi. «Azerbaýjan Respublikasy bilen Türkmenistanyň strategik hyzmatdaşlygy hakynda Jarnama» we «Azerbaýjanyň Prezidenti Ilham Aliýewiň we Türkmenistanyň Prezidenti Gurbanguly Berdimuhamedowyň bilelikdäki beýannamasy» möhüm resminamalar bolup durýar.
Hemişelik hereket edýän Hökümetara topar dürli ugurlar boýunça özara bähbitli hyzmatdaşlygy ilerletmek üçin möhüm meýdança bolup durýar.
Azerbaýjan we Türkmenistan ýurtlarymyzyň ulag we üstaşyr mümkinçiliklerini doly açmak üçin uly tagallalary edýär. Türkmenistandan harytlary ýurdumyzyň çäginden Ýewropa ibermeklik amala aşyrylýar. Bakunyň halkara deňiz portunyň, Baku-Tbilisi-Kars demir ýolunyň mümkinçilikleri giňden peýdalanylýar. «Lapis-lazuli» ugry boýunça hyzmatdaşlyk amala aşyrylýar. Hazarüstiulag geçelgesini ilerletmek boýunça tagallalar edilýär.
Ikitaraplaýyn gün tertip bilen birlikde, köpugurly esasda hem hyzmatdaşlyk ösdürilýär. Bubabatda Türki döwletleriň guramasynyň çäginde özara gatnaşyklara aýratyn orun degişlidir. 2021-nji ýylyň 12-nji noýabrynda Stambulda geçirilen Türki döwletleriň VIII Sammitiniň çäklerinde guramada Türkmenistana synçy derejesini bermek hakynda karar kabul edildi. Guramanyň çäginde durmuşa geçirilýän maksatnamalara we taslamalara Türkmenistanyň işjeň goşulmagy ähli taraplara peýda getirer.
2021-nji ýylyň 21-nji ýanwarynda Hazar deňzindäki «Dostluk» käniniň uglewodorod serişdelerini bilelikde gözlemek, işläp taýýarlamak we özleşdirmek hakynda Ähtnama gol çekilmegi nebitgaz ulgamynda ikitaraplaýyn gatnaşyklary ösdürmekde möhüm ädim boldy. «Dostluk» taslamasy köpugurly azerbaýjan-türkmen gatnaşyklaryny ösdürmekde möhüm meýdança hökmünde ykrar edildi.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
