Türkmenistan Hytaýyň ygtybarly uzak möhletleýin gaz hyzmatdaşy bolup durýar — CNPC-niň wise-prezidenti
— Türkmenistan bilen Hytaýyň arasyndaky energetiki hyzmatdaşlyk berk aragatnaşygy ýola goýdy we öz aýdyň netijelerini berdi diýip, Hytaýyň milli nebitgaz korporasiýasynyň (CNPC) wise-prezidenti Huan Ýunçžan «Türkmenistanyň nebiti we gazy - 2022» Halkara forumynda eden çykyşynda belledi.
— Biz tebigy gazy işläp taýýarlamak ulgamyndaky işimizi mundan beýläk hem ilerlederis we iki ýurduň nebitgaz toplumynyň giň gerimde ösmegine ýardam ederis. Geljekde ekologiýa taýdan arassa energiýa bilen durnukly üpjün etmekde ünsi jemläp, täze energiýanyň, täze materiallaryň we täze işjeňligiň tiz wagtda ösmegine ýardam edip, CNPC tebigy gazy energetika ulgamynyň geljeginde möhüm serişde hasaplaýar – diýip işewür belledi.
Onuň nygtamagyna görä, «Türkmenistan tebigy gazyň ägirt uly goruna eýe bolmak bilen, Hytaýyň uzak möhletli ygtybarly gaz hyzmatdaşy bolup durýar. Iki döwletiň Baştutanlarynyň hut özleriniň tagallalary netijesinde uzak ýyllaryň dowamynda tebigy gazy ulgamynda türkmen-hytaý hyzmatdaşlygy oňyn netijelerini berdi».
Häzirki wagtda CNPC Türkmenistandan 300 milliard kub metrden gowrak tebigy gaz satyn aldy. U bolsa iki ýurduň ykdysady taýdan netijeli ösmegine we ilatyň durmuş derejesiniň ýokarlanmagyna ýardam etdi.
Şol bir wagtda, wise-prezidentiň belleýşi ýaly, CNPC we türkmen hyzmatdaşlary innowasion tehnologiýalar ulgamynda, ýokary hünärli hünärmenleri taýýarlamakda hyzmatdaşlygyny yzygiderli çuňlaşdyrýarlar. Bu bolsa iki ýurduň arasyndaky medeni gatnaşyklaryň berkemegine ýardam edýär.
«Geljekde iki ýurduň strategik ýolbaşçylygynda biz tebigy gaz ulgamynda hyzmatdaşlygy mundan beýläk hem berkideris, özara bähbitlilik ýörelgelerine eýereris, Hytaýyň uly bazaryna girmegi üçin Türkmenistana mümkinçilikleri dörederis, Türkmenistanyň nebitgaz toplumynyň ösüşine giň gerimli goşant goşarys, söwdanyň möçberini artdyrarys we Türkmenistan bilen Hytaýyň gatnaşyklarynyň taryhyna täze bölümi ýazarys», diýip, hytaýly işewür belledi.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
