Rus dilinde neşir edilen “Türkmeniň döwletlilik ýörelgesi” atly kitabyň tanyşdyryş dabarasy
Paýtagtymyzda Türkmenistanyň Bitaraplygynyň 25 ýyllygyna bagyşlanyp geçirilýän Halkara serginiň nobatdaky gününiň çäklerinde, Söwda-senagat edarasynda hormatly Prezidentimiz Gurbanguly Berdimuhamedowyň rus dilinde neşir edilen “Türkmeniň döwletlilik ýörelgesi” atly kitabynyň tanyşdyryş dabarasy geçirildi.
Daşary işler ministrligi tarapyndan guralan çärä Russiýa Federasiýasynyň Türkmenistanaky ilçihanasynyň, ýurdumyzyň jemgyýetçilik we döredijilik guramalarynyň, ýokary okuw mekdepleriniň hem-de köpçülikleýin habar beriş serişdeleriniň wekilleri gatnaşdylar.
Tanyşdyryş dabarasynda çykyş edenler Türkmen döwletiniň Baştutanynyň häzirki şanly ýylda çapdan çykan täze eseriniň medeni-ynsanperwer hyzmatdaşlygy, ýurtlaryň we halklaryň arasyndaky dostluk hem-de özara düşünişmek gatnaşyklaryny pugtalandyrmak maksadyny özünde jemleýändigini nygtadylar.
Russiýa bilen Türkmenistanyň arasyndaky özara bähbitli hyzmatdaşlygyň, şol sanda ylym, medeniýet we bilim ulgamlarynda gatnaşyklaryň kökleri bardyr. Şu günki waka hem taryhyň, ruhy gymmatlyklaryň umumylygy bilen baglanyşykly bolan halklarymyzyň özara islegleriniň subutnamasy bolup durýar, dostlugy berkidýär hem-de köptaraply gatnaşyklary hil taýdan täze mazmun bilen baýlaşdyrýar.
Çünki hut medeniýet rowaçlygyň, abadançylygyň we häzirki hem-de geljekki nesilleriň gülläp ösmeginiň bähbidine dürli milletleriň wekillerini birleşdirýän, üstünlikli hem-de netijeli döwletara hyzmatdaşlygynyň binýady bolup hyzmat edýän baglanyşdyryjy halkadyr.
“Türkmeniň döwletlilik ýörelgesi” atly kitabyň rus diline terjime edilmegi rus halkyna türkmen halkynyň baý medeni mirasy, asylly maksatlary hem-de ahlak ýörelgeleri bilen has-da ýakyndan tanyşmaga, öwrenilmegi, goralyp saklanylmagy we giňden wagyz edilmegi hormatly Prezidentimiz Gurbanguly Berdimuhamedowyň döwlet syýasatynyň ileri tutulýan ugurlarynyň biri bolup durýan milli däplere oňat düşünmäge mümkinçilik berer.
Şonuň bilen birlikde, giň okyjylar köpçüligine niýetlenen kitap medeniýeti öwrenijiler we bu ugurda ylmy barlaglary alyp barýanlar üçin aýratyn gymmatlyga eýedir. Bu eseriň milli medeniýetiň taryhy hakynda maglumatlaryň diňe bir ulgamlaşdyrylan ýygyndysy bolman, durmuşy wakalardan we söýgüden doly ösen jemgyýetiň esasyny emele getirýän halkyň ynsanperwerligi baradaky ýiti duýgulara beslenen gürrüňleriň jemidigini bellemek gerek.
Kitap eýýäm dünýäniň halklarynyň ençeme dillerine terjime edildi. Bu bolsa adamzat ösüşiniň gazananlarynyň genji-hazynasyna ägirt uly goşant goşan halkymyzyň taryhyna, däp-dessurlaryna hem-de baý medeni gymmatlygyna ählumumy gyzyklanmanyň barha artýandygyna şaýatlyk edýär.
Tanyşdyryş dabarasyna gatnaşyjylar hormatly Prezidentimiz Gurbanguly Berdimuhamedowa Türkmenistanyň abadançylygyna we rowaçlygyna, giň halkara hyzmatdaşlygynyň ösdürilmegine gönükdirilen köptaraply işlerinde täze ajaýyp üstünlikleri arzuw etdiler.
Ussat news
Aşgabat şäherinde, «Zenan we tebigat» atly döredijilikli duşuşyk geçirildi
Paýtagtymyzdaky Halkara ylmy-tehnologiýa parkynda «Ýaş tebigatçy» jemgyýetçilik guramasynyň gurnamagynda Halkara zenanlar güni mynasybetli «Zenan we tebigat» atly döredijilikli duşuşyk geçirildi.
BÄSDEŞLIGE UKYPLY AÝAKGAPLAR
Türkmenistanyň Dokma senagaty ministrliginiň, Türkmenistanyň Senagatçylar we telekeçiler birleşmesiniň agzasy bolan «Röwşen aýakgaplary» kärhanasynyň paýly gatnaşygy esasynda Mary şäheriniň ozalky Gön kärhanasynyň binýadynda esaslandyrylan «Maryderi-aýakgap» açyk görnüşli paýdarlar jemgyýetiniň önümçilik bölümlerinde döwletimiziň harby we hukuk goraýjy edaralarynyň sargytlary esasynda aýakgaplar, egin-eşikler, emeli sütükli gulakjynlar we beýleki önümler öndürilýär.
Zähmetkeşleriň zähmetini goramak döwlet syýasatynda ileri tutulýar
«Türkmengeologiýa» döwlet korporasiýasy tarapyndan «Türkmengaz» DK-nyň Ylmy-barlag tebigy gaz institutynda «2025-nji ýylda «Türkmengeologiýa» döwlet korporasiýasynyň edara-kärhanalarynda zähmeti goramaklygyň, tehniki howpsuzlygyň düzgünleriniň berjaý edilişi we 2026-njy ýylyň wezipeleri» atly maslahat geçirildi.
Prezident “Türkmengaz” DK-nyň netijeliligini ýokarlandyrmak boýunça teklibi goldady
27-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Balkanabatda zehinli ýaşlaryň intellektual bäsleşigi geçirildi
«Kämil bilim» okuw merkeziniň Balkanabat şäherindäki şahamçasynda ýaşlaryň arasynda üç tapgyrdan ybarat bolan «Brain-ring» intellektual bäsleşigi geçirildi. Bu çäre Balkan welaýat Baş bilim müdirligi, Magtymguly adyndaky Ýaşlar guramasynyň welaýat geňeşi hem-de «Kämil bilim» okuw merkeziniň Balkanabat şäherindäki şahamçasy tarapyndan bilelikde guraldy.
