Türkmenistan GDA döwletlerinden ilkinji bolup awtomobil ýangyjynyň ýokary oktanly görnüşleriniň önümçiligini artdyrdy
Garaşsyz Türkmenistan GDA döwletlerinden ilkinji bolup etilirlenen benzini öndürmegi bes etmek bilen, awtomobil ýangyjynyň ýokary oktanly görnüşleriniň önümçiligini artdyrdy. Ýurt üçin täze önümiň — propileniň gomopolimerleriniň, çalgy ýaglarynyň önümçiligi özleşdirildi.
Häzirki wagtda nebithimiýa senagatynyň sebitde iri Türkmenbaşydaky nebiti gaýtadan işleýän zawodlar toplumynda nebit önümleriniň täze görnüşlerini öndürmek ýola goýulýar. Bu babatda TNGIZT-de A-98 kysymly awtobenziniň önümçiliginiň ýola goýulmagy bellenilmäge mynasypdyr. Ýangyjyň bu görnüşi dünýä ölçeglerine laýyk gelýär. Ony Niderlandlar Patyşalygynyň «Saybolt» kompaniýasynyň daşary ýurtdaky barlaghanasynda geçiren barlaglary hem tassyklaýar. Barlaglaryň netijesine görä, Türkmenistanda öndürilen A-98 kysymly awtobenziniň degişli ekologik talaplara doly laýyk gelýändigi subut edildi. Bu ýerde awtobenziniň düzümindäki benzolyň, aromatik uglewodorodlaryň we olefinleriň mukdary barlanyldy. Ondan öň TNGIZT-niň hünärmenleriniň we «Türkmenstandartlary» döwlet gullugynyň Türkmenbaşy şäher bölüminiň wekilleriniň gatnaşmagynda synag üçin täze önümiň nusgasy alnyp, ol «Türkmenhimiýa» döwlet konserniniň Ahaldaky gazdan benzin öndürýän zawodyna ugradyldy.
Synagyň netijeleri hem A-98 kysymly awtobenziniň ГОС 32513 — 2013 döwletara standartynyň K5 ekologik we Euro-6 talaplaryny kanagatlandyrýandygyny kepillendirdi. Ýeri gelende aýtsak, benziniň bu görnüşini öndürmekde zawodlar toplumynyň inžener-tehniki işgärleri Ýewropanyň ykrar edilen ösen talaplaryny esas edindiler. Netijede, etilirlenmedik awtoulag benzini üçin 1 müň 400 tonnadan gowrak ýörite taýýarlanylan çig maldan 14 tonna 360 kilogram A-98 kysymly benziniň senagat tapgyry alyndy. Ol ýokarda agzalan standartyň talaplaryna laýyklykda pasportlaşdyryldy we sertifikatlaşdyryldy. Önümiň hil görkezijilerini Ýewropa standartlarynyň ekologik talaplaryna laýyk getirmek üçin toplumyň awtoulag benzinleriniň komponentlerini öndürýän desgalarynyň iş düzgünleri üýtgedildi we komponentleriň hil görkezijileri berk gözegçilikde saklandy. Barlaghana şertlerinde ýörite synaglar geçirilip, täze önümiň komponent düzümi kesgitlenildi.
Merdan ORAZSÄHEDOW,
Türkmen döwlet binagärlik-gurluşyk institutynyň mugallymy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
