Türkmenistanyň Mejlisiniň Başlygy hem-de Russiýa Federasiýasynyň Federal Ýygnagynyň Federasiýa Geňeşiniň Başlygynyň arasynda telefon arkaly söhbetdeşlik geçirildi
Türkmenistanyň Mejlisiniň Başlygy G.Mämmedowanyň hem-de Russiýa Federasiýasynyň Federal Ýygnagynyň Federasiýa Geňeşiniň Başlygy W.Matwiýenkonyň arasynda şu gün geçirilen telefon arkaly söhbetdeşligiň dowamynda parlamentara gatnaşyklarynyň ileri tutulýan ugurlary ara alnyp maslahatlaşyldy.
Federasiýa Geňeşiniň spikeri hormatly Prezidentimiz Gurbanguly Berdimuhamedowa hem-de ähli türkmenistanlylara türkmen Lideriniň başlangyjy boýunça BMG-niň Baş Assambleýasy tarapyndan Halkara parahatçylyk, we ynanyşmak ýyly diýlip yglan edilen Täze, 2021-nji ýyl mynasybetli gutlaglaryny we iň gowy arzuwlaryny beýan etdi.
Russiýa Federasiýasynyň Federal Ýygnagynyň Federal Geňeşiniň Başlygy Türkmenistanyň şu ýyl 25 ýyllyk senesi giňden bellenilip geçilen Türkmenistanyň Bitaraplyk derejesiniň ähmiýetini nygtap, Bitaraplyk ýörelgeleriniň häzirki zaman dünýä gatnaşyklaryndaky ägirt uly ornuny belledi.
Söhbetdeşligiň dowamynda Türkmenistanyň we Russiýanyň gadymdan gelýän dostluk gatnaşyklaryna ygrarlydygynyň hem-de hyzmatdaşlygyň iki döwletiň Baştutanlarynyň daşary syýasy strategiýasynyň baş ugurlarynyň biri bolandygy we şeýle bolmagynda galýandygy bellenildi. .
W.Matwiýenkonyň nygtaýşy ýaly, Prezidentler Gurbanguly Berdimuhamedowyň we Wladimir Putiniň parlamentleriň derejesindäki aragatnaşyklary ösdürmäge berýän ägirt uly ähmiýeti netijesinde, bu gün GDA agza döwletleriň Parlamentara assambleýasynyň çäklerinde özara ýakyn gatnaşyklar amala aşyrylýar.
Taraplar ikitaraplaýyn hyzmatdaşlygyň wajyp ugurlary boýunça pikir alyşmagyň barşynda gatnaşyklary mundan beýläk-de çuňlaşdyrmak barada pikir aýtdylar hem-de onuň geljegi uly ugurlaryny anyklaşdyrdylar.
Parlamentleriň ýolbaşçylary gatnaşyklaryň bar bolan mümkinçiliklerini herekete girizmäge hem-de däp bolan netijeli gatnaşyklary berkitmäge gönükdirilen täze bilelikdäki taslamalary durmuşa geçirmegiň möhümdigi belläp, anyk teklipleriň birnäçesini beýan etdiler.
Türkmenistanyň ýokary kanun çykaryjy hem-de wekilçilikli edarasynyň iki palataly ulgama geçmegi bilen baglylykda, ikitaraplaýyn gatnaşyklary giňeltmek üçin uly mümkinçilikler açylýar. Şunuň bilen baglylykda, taraplar parlamentleriň dostluk toparlarynyň ornuny nygtap, iki dostlukly ýurduň deputatlar toparlarynyň arasynda tejribe alyşmagy guramagyň zerurdygyny bellediler.
Nusaý galasynda gezelenç talyp ýaşlarda milli buýsanjy artyrdy
Talyp ýaşlary Watançylyk ruhunda terbiýelemek maksatly yzygiderli guralýan medeni çäreleriň çäklerinde bu gün Halkara senagatcylar we telekeçiler uni wersitetiniň professor-mugallymlarynyă we talyp ýaşlarynyă gatnaşmagynda Nusayyň Parfiýa galalary döwlet medeni-taryhy ýadygärligine gezelenç guraldy.
YLMY ÖSÜŞLER DABARALANÝAR
Maýa Kulyýewa adyndaky Türkmen milli konserwatoriýasynda Türkmenistanyň Ylymlar akademiýasy bilen bilelikde nobatdaky ylmy-usuly maslahaty geçirildi.
«Ýaş tebigatçy» jemgyýetçilik guramasynyň resmi web-saýty işe girizildi
Tebigatyň janlanýan, daş-töweregiň al-elwan güllere beslenýän günlerinde «Ýaş tebigatçy» jemgyýetçilik guramasynyň resmi web-saýty — tebigatchy.co.tm işläp başlady. Bu sanly platformanyň işe girizilmegi guramanyň işini döwrebaplaşdyrmakda nobatdaky ädim bolup, ol amala aşyrylýan ekologiýa başlangyçlary baradaky maglumatlaryň elýeterliligini ýokarlandyrmaga gönükdirilendir.
Uzynadadaky täze önümli guýy
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynda» göz öňünde tutulan belent wezipeleri üstünlikli durmuşa geçirmek ugrunda tutanýerli zähmet çekýän «Türkmennebit» döwlet konserniniň önümçilik düzümleri «Garaşsyz, baky Bitarap Türkmenistan — bedew batly at-myradyň mekany» ýylynyň ruhuna mynasyp işleri bitirmegiň hötdesinden gelýärler.
Okuw maslahaty geçirildi
Türkmenistanyň Jemgyýetçilik guramalarynyň merkezinde kärdeşler arkalaşyklarynyň işini kämilleşdirmek, döwrüň talabyna laýyk guramak, işleriň dogry alnyp barylmagyny üpjün etmek bilen baglanyşykly amaly-usuly okuw maslahaty geçirildi.
