Ýaş sazandalara ajaýyp sowgat
08:18 04.07.2023
Berkarar döwletiň täze eýýamynyň Galkynyşy döwründe hormatly Prezidentimiz Arkadagly Serdarymyzyň taýsyz tagallalary bilen ýaşlaryň terbiýesine we düýpli bilim almagyna uly üns berilýär.
Şonuň bilen bilelikde, «Arkadag Serdarly bagtyýar ýaşlar ýylynda» hem Türkmen döwlet neşirýat gullugy «Türkmen saz edebiýaty» atly taýýarlan kitaby täze okuw ýylyna niýetlenip 3130 nusgada bilen çapdan çykdy. Täze kitabyň awtorlary Maýa Kulyýewa adyndaky Türkmen milli konserwatoriýasynyň «Sazyň taryhy» kafedrasynyň uly mugallymy Tatýana Litwina we Marynyň Ýolaman Hummaýew adyndaky ýörite sazçylyk mekdebiniň «Sazyň taryhy we nazaryýeti» bölüminiň mugallymy Meýlis Çaryýew uly işi ýerine ýetirdiler.
Kitabyň mazmunyna Türkmenistanyň sazynyň taryhyndan gymmatly maglumatlary girizilipdir, bu ýerde häzirki zaman milli kompozitorçylyk mekdebiniň emele gelişi we ösüş ýollary yzarlanylýar. Şeýle-de meşhur kompozitorlaryň ömri we döredijiligi we olaryň meşhur saz eserleriniň saz derňewi berilipdir. Bu babatda tanymal kompozitorlar Daňatar Öwezowyň «Leýli we Mejnun» operasy hem «Kamera-wokal döredijiligi»; Aşyr Kulyýewiň «Skripka we orkestr üçin konserti» hem «Fortepiano üçin sonatasy»; Welimuhammet Muhadowyň «Simfoniki orkestr üçin Türkmen sýuitasy» hem «Magtymgulynyň ýadygärligine» atly birinji simfoniýasy; Durdy Nuryýewiň «Fortepiano üçin «Çagalar albomy» hem «Nusaý» atly baleti; Nury Halmämmedowyň «Simfoniýasy», «Fortepiano eserleri» hem «Kamera-wokal döredijiligi»; Çary Nurymowyň «Fortepiano we orkestr üçin konserti» hem «Indira Gandiniň ýadygärligine» atly ikinji kwarteti»; Rejep Allaýarowyň «Skripka we orkestr üçin konsert-poemasy»; Amandurdy Agajykowyň «Wiolonçel we orkestr üçin konserti» hem «Dabaraly simfonik eseri» ýaly temalary ýerleşdirilipdir. Başga-da, aýry bap hökmünde «Türkmenistanyň kompozitorlarynyň döredijiligi Garaşsyzlyk ýyllarynda» atly bapda häzirki zaman professional sazynyň ösüş ýollary barada giň maglumatlary berilipdir.
Kitabyň owadan bezegleri, taryhy fotosuratlary we nota mysallary ýaş okyjylarda aýratyn gyzyklanma döreder. Şeýle-de, Türkmenistanyň taryhynda ýaş sazanda niýetlenip, türkmen dilinde ýazylyp, çap edilen bu ilkinji kitaby Türkmenistanyň häzirki zaman saz sungaty bilen gyzyklanýan okyjylar köpçüligine gyzykly bolar diýip ynam bildirýäris.
Mähri SUWHANOWA,
Maýa Kulyýewa adyndaky Türkmen milli konserwatoriýasynyň «Kirişli saz gurallary» kafedrasynyň mugallymy.
Türkmenistanyň Prezidenti: Jemi içerki önümiň ösüş depgini ýanwar-aprel aýlarynda 6,3% boldy
2024-nji ýylyň ýanwar-aprel aýlarynda Türkmenistanda jemi içerki önümiň ösüş depgini 6,3%-e deň boldy. Bu barada Prezident Serdar Berdimuhamedow 3-nji maýda sanly ulgam arkaly geçirilen Hökümet mejlisinde aýtdy.
Türkmenistanyň Prezidentiniň ýanyndaky Döwlet gullugy akademiýasynyň diňleýjileri döwlet dolandyrylyşy boýunça Hytaýda okuw geçerler
Türkmenistanyň Prezidentiniň ýanyndaky Döwlet gullugy akademiýasynyň deňleýjileri HHR-iň Pekin uniwersitetiniň döwlet dolandyrylyşy boýunça gysga möhletleýin okuwyna gatnaşarlar diýip, Türkmenistan Habarlar merkezi habar berýär.
Nebitgaz toplumynda ýylyň dört aýynyň jemlerine garaldy
4-nji maýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň dört aýynda ýerine ýetirilen işleriň jemlerine bagyşlanan hasabat ýygnagy geçirildi.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
