Uzynadadaky täze guýy
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» üstünlikli amala aşyrylmagyna saldamly goşant goşýan «Türkmengeologiýa» döwlet korporasiýasynyň «Marynebitgazgözleg» ekspedisiýasynyň hünärmenleri mukaddes Garaşsyzlygymyzyň 32 ýyllyk baýramçylygyna mynasyp zähmet sowgatly geldiler.
Olar Balkan welaýatynyň çäginde ýerleşýän Uzynada baýlyklar känindäki 11 belgili gözleg guýynyň gazuw işlerini üstünlikli tamamlamagy başardylar. Bu täze guýuda aşaky gyzylreňk gatlaklarynyň 6 müň 736 — 6 müň 734 metr we 6 müň 728 — 6 müň 726 metr çuňluklaryndan senagat ähmiýetli nebit kondensatynyň hem-de tebigy gazyň akymy alyndy. Munuň özi Uzynada baýlyklar mesgenini özleşdirmegiň uly geljeginiň bardygyna ýene bir gezek güwä geçdi. Häzirki wagtda bu täze guýyny «Türkmennebit» döwlet konserniniň «Gumdagnebit» nebit-gaz çykaryş müdirligine tabşyrmak işleri guramaçylykly alnyp barylýar.
— Garaşsyzlyk toýunyň öň ýanyndaky günlerde gazuw işlerini tamamlan guýymyzdan nebit kondensatynyň we tebigy gazyň senagat ähmiýetli akymynyň alynmagy burawlaýjylarymyzyň buýsançly başlaryny hasam belende göterdi. Gazanylan üstünlige burawlaýjy Baýramgeldi Annaýew, burawlaýjynyň kömekçisi Begmyrat Sapargylyjow, dizelçi Arslan Rejebow ýaly halypalarymyz önjeýli goşant goşmagy başardylar. Şu günler bu ýatakda gazyljak 20 belgili täze guýyny burawlamaga ykjam taýýarlyk görýäris. Mukaddes Garaşsyzlygymyzyň 32 ýyllyk baýramçylygyna mynasyp zähmet sowgatly gelmegi başarandygymyza buýsanjymyzyň çägi ýok. Bize döwrüň ösen talaplaryna laýyk zähmet çekmäge dünýä nusgalyk mümkinçilikleri döredip berýän Arkadagly Serdarymyza alkyş aýdýarys — diýip, «Marynebitgazgözleg» ekspedisiýasynyň buraw başlygy Berdimyrat Agajanow aýdýar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
