Ýaşulylaryň halkara gününe we Halkara saz gününe bagyşlanan baýramçylyk konserti geçirildi
1973-nji ýylda ÝUNESKO-nyň ýanyndaky Halkara saz geňeşiniň teklibi bilen Halkara saz güni döredildi, onuň esasy maksady professional saz sungatyny ýaýratmak, halkaryň arasynda parahatçylyk we dostlyk gatnaşyklaryny durmuşa geçirmek, medeniýetleri ösdürmek, tejribe alyşmak we biri-biriniň ahlak gymmatlyklaryna hormat goýmakdyr. 1990-njy ýylyň 14-nji dekabrynda Birleşen Milletler Guramasynyň Baş assambleýasynyň kararnamasy bilen Ýaşulylaryň halkara güni yglan edildi. Bu iki baýramçylyk biri-biri bilen sazlaşýar.
«Arkadag Serdarly bagtyýar ýaşlar ýyly» ýaş neslimiziň hünär derejesini ösdürmekde, şeýle hem ahlak terbiýesini bermekde ýaşuly halypalaryň ähmiýeti ulydyr.
Bu iki baýramçylyga bagyşlap Maýa Kulyýewa adyndaky türkmen milli konserwatoriýasynyň uly zalynda baýramçylyk konserti geçirildi. Konserti kamera ansambly we konsertmeýsterlik ussatlygy kafedrasynyň uly mugallymy, Halkara bäsleşikleriniň Laureaty we Diplomanty Stella Wladimirowna Faramazowa tarapyndan guramaçylyk işleri ýerine ýetirildi.
Baýramçylyk konsertine konserwatoriýanyň zehinli talyp ýaşlary we ussat mugallymlary gatnaşdylar, olaryň ýerine ýetirmeklerinde nusgawy professional sazynyň dürli žanrlarynda türkmen we daşary ýurt kompozitorlarynyň sazlary ýerine ýetirildi.
Konserti Türkmenistanyň sungatda at gazanan medeniýet işgäri Osman Güjimowyň dutar milli saz guralynda ýerine ýetirmeginde «Hajygolak» türkmen halk sazy bilen açdy.
Ýaş zehinli sazandalaryň arasynda Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň 11-nji synp okuwçysy, Halkara bäsleşikleriniň laureaty Aýnur Otuzowanyň ýerine ýetirmeginde F. Listiň «Konsert etýudy № 3» we konserwatoriýanyň 3-nji ýyl talyby Erjel Ýagşymyradowyň ýerine ýetirmeginde S. Prokofýewyň «Tokkata» atly eserleri fortepiano saz guralynda ýekelikde juda ussatlyk bilen çykyş etdiler.
Konserwatoriýanyň 1-nji ýyl talyby Sapargül Mürzäýewa P.Çaýkowskiniň «Вальс-скерцо» we 2-nji ýyl talyby Seýran Atanýazow W. Mosartyň «Skripka we orkestr üçin konsertini» ýerine ýetirdiler, olara fortepiano saz guralynda Stella Faramazowa sazandarlyk etdi.
Türkmenistanyň at gazanan artisti Wladimir Mkrtumow fortepiano saz guralynda S. Rahmaninowyň «Etýud – suratlar» atly eserini juda ussatlyk bilen ýerine ýetirdi.
«Türkmeniň Altyn asyry» bäsleşiginiň ýeňijisi Bahar Durdyýewa L. Ardittiniň «Öpmek» we N. Halmämmedowyň «Geler» atly wokal eserlerini ýerine ýetirdi, oňa fortepiano saz guralynda Wladimir Mkrtumow sazandarlyk etdi.
«Türkmeniň Altyn asyry» bäsleşiginiň ýeňijisi Begenç Moşşyýewiň aýtmagynda M. Glinkanyň «Aýt näme üçin» we N. Halmämmedowyň «Gyz», şeýle-de Maýa Gullaýewanyň aýtmagynda A. Werstowskiniň «Goja ýan ýoldaşy» we W. Wlasowyň «Bahçisaraý köşgüniň suw çüwdürimleri” atly wokal eserleri ýerine ýetirildi, olara fortepiano saz guralynda Stella Faramazowa sazandarlyk etdi.
Dabaraly konsertiň soňunda konserte gatnaşan ähli sazandalaryň ýerine ýetirmeklerinde Ç. Nurymowyň «Toý aýdymy» ýerine ýetirildi.
Diňleýjiler artistleri joşgunly el çarpyşmalary bilen golladylar we sazandalara ýürekden minnetdarlyk duýgularyny beýan etdiler. Şonuň bilen konserwatoriýanyň professional sazandalarynyň ýatdan çykmajak ýokary derejede ýerine ýetiren çykyşlaryny bellediler we ähli konserte gatnaşyjylara döredijilik üstünliklerini arzuw etdiler.
Jemal AGAJANOWA,
Maýa Kulyýewa adyndaky Türkmen milli konserwatoriýasynyň «Orkestr saz gurallary» fakultetiniň 5-nji ýyl talyby.
Nusaý galasynda gezelenç talyp ýaşlarda milli buýsanjy artyrdy
Talyp ýaşlary Watançylyk ruhunda terbiýelemek maksatly yzygiderli guralýan medeni çäreleriň çäklerinde bu gün Halkara senagatcylar we telekeçiler uni wersitetiniň professor-mugallymlarynyă we talyp ýaşlarynyă gatnaşmagynda Nusayyň Parfiýa galalary döwlet medeni-taryhy ýadygärligine gezelenç guraldy.
YLMY ÖSÜŞLER DABARALANÝAR
Maýa Kulyýewa adyndaky Türkmen milli konserwatoriýasynda Türkmenistanyň Ylymlar akademiýasy bilen bilelikde nobatdaky ylmy-usuly maslahaty geçirildi.
«Ýaş tebigatçy» jemgyýetçilik guramasynyň resmi web-saýty işe girizildi
Tebigatyň janlanýan, daş-töweregiň al-elwan güllere beslenýän günlerinde «Ýaş tebigatçy» jemgyýetçilik guramasynyň resmi web-saýty — tebigatchy.co.tm işläp başlady. Bu sanly platformanyň işe girizilmegi guramanyň işini döwrebaplaşdyrmakda nobatdaky ädim bolup, ol amala aşyrylýan ekologiýa başlangyçlary baradaky maglumatlaryň elýeterliligini ýokarlandyrmaga gönükdirilendir.
Uzynadadaky täze önümli guýy
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynda» göz öňünde tutulan belent wezipeleri üstünlikli durmuşa geçirmek ugrunda tutanýerli zähmet çekýän «Türkmennebit» döwlet konserniniň önümçilik düzümleri «Garaşsyz, baky Bitarap Türkmenistan — bedew batly at-myradyň mekany» ýylynyň ruhuna mynasyp işleri bitirmegiň hötdesinden gelýärler.
Okuw maslahaty geçirildi
Türkmenistanyň Jemgyýetçilik guramalarynyň merkezinde kärdeşler arkalaşyklarynyň işini kämilleşdirmek, döwrüň talabyna laýyk guramak, işleriň dogry alnyp barylmagyny üpjün etmek bilen baglanyşykly amaly-usuly okuw maslahaty geçirildi.
