HNGU-nyň wekilleri Pekinde halkara foruma gatnaşdylar
Türkmenistanyň wekiliýeti 1-2-nji oktýabrda Pekinde Hytaýyň nebit uniwersitetiniň 70 ýyllygyna bagyşlanyp geçirilen «Uglerod bitaraplygyna ýetmegiň ugrunda: Bilim, tehnologiýalar, zehinler» atly halkara maslahatyna gatnaşdylar.
Foruma milli we halkara energetika uniwersitetleriň, energetika uniwersitetleriniň, ylmy-barlag institutlarynyň wekilleri ýygnandylar. Türkmen wekiliýetiniň düzümine Ýagşygeldi Kakaýew adyndaky Halkara nebit we gaz uniwersitetiniň wekilleri girdi.
Maslahatyň barşynda bilim bermekligiň uglerod-bitarap ulgamlary we ylmyň hem tehnologiýanyň geljegi boýunça tematiki mejlisler geçirildi, şeýle hem uglerod-bitarap ulgamlary ösdürmek boýunça hünärmenler çykyş etdiler. Mejlisleriň çäklerinde uglerod bitaraplaryny gazanmak we «ýaşyl» energetika geçmek boýunça gazanylanlar bilen bagly meseleler maslahatlaşyldy. Forumyň barşynda Ýagşygeldi Kakaýew adyndaky Halkara nebit we gaz uniwersitetiniň rektory Baýrammyrat Atamanow «Türkmenistanyň nebitgaz ulgamynda ylym, bilim we innowasion tehnologiýalar» temasy boýunça çykyş etdi.
Halkara forumyň geçirilmegi uglerod bitaraplygyny üpjün etmek we adamzadyň durnukly ösüşi üçin ählumumy energetikada ylym, bilim we tehnologiýalar ulgamynda ýaş zehinleriň arasynda pikir alyşmalary ösdürmäge, bilimleri artdyrmaga ýardam etdi.
Pekinde geçirilen duşuşyklaryň netijeleri boýunça Ýagşygeldi Kakaýew adyndaky Halkara nebit we gaz uniwersiteti hem-de Hytaýyň nebit uniwersiteti Ylym we bilim ulgamynda hyzmatdaşlyk etmekde Özara düşünişmek hakynda Ähtnama gol çekdiler.
Hytaýyň nebit uniwersiteti (China University of Petroleum) HHR-iň Bilim ministrliginiň garamagynda bolan iri milli uniwersitetdir. Ol ýokary hilli hünärmenleri taýýarlamaklyga gönükdirilen «Taslama 211» atly milli uniwersitetleriň we kollejleriň taslamasyna gatnaşýar.
Ýagşygeldi Kakaýew adyndaky Halkara nebit we gaz uniwersiteti ýokary hünär taýýarlykly hünärmenleri taýýarlamak boýunça işleri alyp barýar, dünýäniň ylym we bilim giňişligine işjeň gatnaşýar, dünýäniň abraýly ýokary okuw mekdepleri we iri pudaklaýyn kompaniýalary bilen hyzmatdaşlyk edýär.
Hytaý bilen hyzmatdaşlyk Ýagşygeldi Kakaýew adyndaky Halkara nebit we gaz uniwersiteti bilen Hytaýyň nebit uniwersitetiniň arasynda şeýle hem Hytaýyň milli nebitgaz korporasiýasy bilen baglaşylan Ähtnamanyň esasynda alnyp barylýar. Hyzmatdaşlygyň çäklerinde ylmy we bilim häsiýetli dürli çäreler geçirilýär.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
