Köňül päkliginiň baýramy
Şu gün eziz Diýarymyzyň ähli künjeklerinde Oraza baýramy giňden bellenip geçiler. Remezan aýynyň her güni mübärek hasap edilýär. Magtymguly atamyz: «Eý, ýaranlar ýat ediň haýry dogada bizni» diýýär. Oraza aýynyň edim-gylymlary nesillerden nesillere geçirilmeli mukaddes ýörelgedir. Bir aýyň dowamynda agyz bekläp, ýagşy doga-dileglere beslenen halkymyz ertir hormatly Prezidentimiziň Permany esasynda dynç alyp, agzybirlikde Oraza baýramyny belläp geçer. Oraza baýramynyň ir säheri metjitlere üýşülip, baýram namazy okalyp, Watanymyzyň mundan beýläk hem gülläp ösmegi üçin ýagşy doga-dilegler ediler.
Remezan aýynyň dowamynda her bir ynsan agzyny bekläp, gözüni, gulagyny, dilini, tenini synagdan geçirýär. «Diliň diňe ýagşyny sözlesin, gulagyňy gybat-ýalany eşitmekden sakla, gözüň görjegi gowluk bolsun!» diýlip sargalan öwüt-ündewler ynsanlaryň erkini synaýar. Ýagşy işleri hem-de kalby päkligi amala aşyrmaga çagyrýan bu mukaddes aýyň her bir güni adamlar beden we ruhy-ahlak taýdan saplanmaga ýykgyn edýärler.
Gadyr gijesi bu aýyň serweri hasaplanýar. Halkymyz «Her gijäni Gadyr bil, her kimsäni Hydyr bil» diýip, bu gijäni has-da sarpalaýar. «Bu gijede Ýere perişdeler düşläp, ynsan oglunyň edýän doga-dileglerini Allatagala ýetirýärler» diýen ynançdan ugur alynýar. Şeýle-de Gadyr gijesinde her bir türkmen maşgalasy tagam taýýarlap, agzaçar wagtynda goňşokara paýlaýar. Bu mübärek aýyň Gadyr gijesi köňüllere nur-şuglasyny bolluk bilen eçildi. Hormatly
Prezidentimiz Arkadagly Gahryman Serdarymyz asylly däbimize eýerip, Gadyr gijesi mynasybetli 356 sany raýaty tussaglykdan boşatmak baradaky Permana gol çekdi. Ynha, «Pähim-paýhas ummany Magtymguly Pyragy» ýylynda garşy alnan Gadyr gijesinde-de şunça ynsanyň maşgala ojaklaryna nur çaýyldy. Arkadagly Gahryman Serdarymyz bu gijäniň türkmen halkynyň durmuşyndaky haýyr-şepagatyny beýik sahawaty bilen has-da artdyrýar. Halk arasynda «Günleriň serweri — juma, aýlaryň serweri — Remezan, gijeleriň serweri — Gadyr» diýlen belent düşünje bardyr.
Oraza bütin musulman ymmatynyň baýramydyr. Musulman senenamasynyň dokuzynjy aýy bolan «Aýlaryň soltany» adyny alan Oraza aýy haýyr-sahawata, ynanç-ygtykatlara, ýagşy niýet-pällere, alkyş-dileglere, mähir-muhabbete, sogaplara beslenen aýdyr. Bu aýda däp-dessurlarymyza laýyklykda agyz beklenip, her bir ojakda agzaçar sadakalary berilýär. Birek-birege, goňşy-golama gadyr-gymmatyň alamaty bolan agzaçarlaryň agzybirligi saklamakda uly ähmiýeti bar. Orazanyň beden saglygyna-da peýdalydygyny bolsa Muhammet pygamberiň: «Oraza tutuň, saglyk taparsyňyz» diýen sözleri hem tassyklaýar. Ynsanlaryň kalbyny tämizläp, olary biri-birine mähriban edýän, agzybirlige çagyrýan bu mukaddes aýyň tamamlanmagy bilen ertir halkymyz Baýram namazyny okap, Oraza baýramyny giňden bellär. Goý, bu mübärek Remezan aýynda edilen ýagşy dilegler, berlen sadaka-pitreler, her bir päk arzuw-niýetler Hakyň dergähinde kabul bolsun!
Ýazgül ANNAÝEWA,
Ussatnews.com.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
Döwrebap işler bitirilýär
Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr.
