Maýa Kulyýewa adyndaky Türkmen milli konserwatoriýasyndaky ylmy-usuly maslahat geçirdi
Maýa Kulyýewa adyndaky Türkmen milli konserwatoriýasy Türkmenistanyň Ylymlar akademiýasy bilen bilelikde “Jemgyýetiň ösüşinde saz sungatynyň orny” atly aspirantlaryň, doktorantlaryň we dalaşgärleriň ylmy-usuly maslahatyny geçirdi. Maslahata Türkmenistanyñ Ylymlar akademiýasynyň wekilleri,Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň aspirantlary, Maýa Kulyýewa adyndaky Türkmen milli konserwatoriýasynyň dalaşgärleri, aspirantlary, doktorantlary, saz-etnografiýa bölüminiň ylmy işgärleri, mugallymlar, ýaş öwreniji mugallymlar şeýle-de talyplar gatnaşdylar.
Çykyşlaryň mowzuklary dürli-dürli boldy. Maýa Kulyýewa adyndaky Türkmen milli konserwatoriýasynyň rektory, sungaty öwreniş ylymlarynyň kandidaty R. Amangeldýewiň giriş sözlerinden soň, Türkmenistanyň Ylymlar akademiýasynyň aspirantura bölüminiň başlygy, filologiýa ylymlarynyň kandidaty G. Annanepesowa “Görogly eposyndaky sazşynaslyga degişli sözleriň many aýratynlyklaryna” bagyşlanan çykyşy diňleýjileriň ünsüni çekdi. Türkmen halk aýdym-sazyny hemme taraplaýyn, toplumlaýyn, çuňňur öwrenmek meselesini Maýa Kulyýewa adyndaky Türkmen milli konserwatoriýasynyň Saz nazaryýeti kafedrasynyň uly mugallymy, sungaty öwreniş ylymlarynyň kandidaty Z. Jumagulyýewa doly açyp görkezdi. XX asyryň görnükli türkmen bagşylarynyň Gurt Ýakubowyň (G.Saryýew, Maýa Kulyýewa adyndaky Türkmen milli konserwatoriýasynyň Bagşyçylyk sungaty kafedrasynyň uly mugallymy) we Sahy Jepbarowyň (A. Mämmetgulyýewiň Maýa Kulyýewa adyndaky Türkmen milli konserwatoriýasynyň saz-etnografiki laboratoriýasynyň uly ylmy işgäri) döredijiligi barada maglumat berýän habarlar, şeýle hem konserwatoriýanyň aspiranty L. Hudaýberdiýewanyň “Mukamçy kompozitorlaryň eserleriniň gurluş aýratynlyklary” atly çykyşy gyzyklanma döretdi. Türkmenistanyň Ylymlar akademiýasynyň Magtymguly adyndaky Dil, edebiýat we golýazmalar institutynyň aspirantlarynyň ýaş filologlar A. Nepesowa we L. Seýytkulyýewanyň lingwistika we edebi tankyt meselelerine bagyşlanan hasabatlary uly üns bilen diňlenildi.
Türkmenistanyň Ylymlar akademiýasynyň we Maýa Kulyýewa adyndaky Türkmen milli konserwatoriýasynyň alymlary bilen bilelikde geçirilen dürli mowzuklar boýunça konferensiýalar eýýäm adata öwrüldi. Her ýyl olara gatnaşyjylaryň sany barha artýar. Şeýle duşuşyklar dürli hünärleriň alymlarynyň gözleri bilen käbir ylmy meselelere seretmäge, ylym wekilleriniň gyzyklanmasyny döreden islendik hadysalara köptaraplaýyn deňeşdirme we tipologiki baha bermäge ajaýyp mümkinçilik döredýär.
Amangözel ESENOWA,
Maýa Kulyýewa adyndaky Türkmen milli konserwatoriýasynyň Aspirantura bölüminiň baş hünärmeni.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
Döwrebap işler bitirilýär
Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr.
