USAID-iň YDA taslamasy we Telekeçiler mekdebi Türkmenistanda telekeçilik başarnyklaryny okatmak usulýetini kämilleşdirýärler
USAID-iň Häzirki zaman hünärleri ösdürmek taslamasynyň (YDA) we Türkmenistanyň Senagatçylar we telekeçiler birleşmesiniň Telekeçiler Mekdebiniň hyzmatdaşlygy Türkmenistanda ýaş telekeçiligi ösdürmekde başlangyçlaryň biri bolup durýar. Bu başlangyç häzirki zaman işewürlik dünýäsinde üstünlikli işi alyp barmak üçin zerur bolan amaly başarnyklaryny ýaş telekeçilere öwretmek usullaryny we tejribesini kämilleşdirmäge gönükdirilen.
Bu hyzmatdaşlygyň çäginde USAID-iň YDA taslamasy we Telekeçiler mekdebi telekeçilik boýunça okuw kursyny has-da döwrebaplaşdyrdylar. Ony interaktiw we berilýän bilimleri hakyky şertlerde ulanmaga gönükdirilen edip kämilleşdirdiler. Okuw meýilnamasyna okuwy has gyzykly we amaly etmek üçin täze öwrediş usullary girizildi. Bu bolsa telekeçilik işinde üstünlik gazanmak üçin zerur bolan başarnyklaryny, ýagny mesele çözmek we döredijilikli pikirlenmek ýaly ukyplary ösdürmäge mümkinçilik berýär.
2024-nji ýylyň 30-njy sentýabryndan 4-nji oktýabry aralygynda USAID-iň YDA taslamasy Telekeçiler mekdebi bilen bilelikde telekeçilik boýunça okuwyň kämilleşdirilen maksatnamasyň usulýeti boýunça trening geçirdi. Bu treninge Telekeçiler mekdebiniň mugallymlary, şol sanda Mekdebiň welaýatlardaky şahamçalaryndan, gatnaşdy. Trening telekeçilik ukyplaryny okatmagyň amaly usullaryna, şol sanda keýslere, toparda işlemäge we okatmagyň beýleki interaktiw görnüşlerine we usullaryna gönükdirildi. Bu mugallymlar telekeçiligi okatmagyň öz tejribelerine täze usullary ornaşdyrarlar.
Maksatnamanyň indiki tapgyrynda Telekeçiler mekdebiniň Aşgabatdaky we welaýatlardaky şahamçalarynda özüniň telekiçilik ideýasy bolan ýaşlary okatmak göz öňünde tutulýar. Bu bolsa ýaşlaryň öz telekeçilik taslamalaryny ösdürmäge we kämilleşdirmäge mümkinçilik döreder.
Maksatnama USAID-iň YDA taslamasynyň Türkmenistanyň Senagatçylar we telekeçiler birleşiginiň Telekeçiler mekdebi bilen bilelikde gurnajak telekeçilik taslamalarynyň bäsleşigi bilen jemlener. Bäsleşikde gatnaşyjylar okuw döwründe özleriniň taýýarlan biznes-taslamalary bilen çykyş ederler. Netijede iň gowy biznes-ideýalar ýüze çykarylar. Bäsleşigiň ýeňijilerine öz ideýalaryny durmuşa geçirmek üçin halypa kömegini, maýa we beýleki goldawlary almak mümkinçilikleri beriler.
Bu başlangyç ýaşlaryň telekeçilik başarnyklaryny ösdürmekde möhüm ädim bolup ýurdumyzyň ykdysadyýetine ähmiýetli goşant goşup biljek ýaş telekeçileri taýýarlamaga itergi berer.
BÄSDEŞLIGE UKYPLY AÝAKGAPLAR
Türkmenistanyň Dokma senagaty ministrliginiň, Türkmenistanyň Senagatçylar we telekeçiler birleşmesiniň agzasy bolan «Röwşen aýakgaplary» kärhanasynyň paýly gatnaşygy esasynda Mary şäheriniň ozalky Gön kärhanasynyň binýadynda esaslandyrylan «Maryderi-aýakgap» açyk görnüşli paýdarlar jemgyýetiniň önümçilik bölümlerinde döwletimiziň harby we hukuk goraýjy edaralarynyň sargytlary esasynda aýakgaplar, egin-eşikler, emeli sütükli gulakjynlar we beýleki önümler öndürilýär.
Zähmetkeşleriň zähmetini goramak döwlet syýasatynda ileri tutulýar
«Türkmengeologiýa» döwlet korporasiýasy tarapyndan «Türkmengaz» DK-nyň Ylmy-barlag tebigy gaz institutynda «2025-nji ýylda «Türkmengeologiýa» döwlet korporasiýasynyň edara-kärhanalarynda zähmeti goramaklygyň, tehniki howpsuzlygyň düzgünleriniň berjaý edilişi we 2026-njy ýylyň wezipeleri» atly maslahat geçirildi.
Prezident “Türkmengaz” DK-nyň netijeliligini ýokarlandyrmak boýunça teklibi goldady
27-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Balkanabatda zehinli ýaşlaryň intellektual bäsleşigi geçirildi
«Kämil bilim» okuw merkeziniň Balkanabat şäherindäki şahamçasynda ýaşlaryň arasynda üç tapgyrdan ybarat bolan «Brain-ring» intellektual bäsleşigi geçirildi. Bu çäre Balkan welaýat Baş bilim müdirligi, Magtymguly adyndaky Ýaşlar guramasynyň welaýat geňeşi hem-de «Kämil bilim» okuw merkeziniň Balkanabat şäherindäki şahamçasy tarapyndan bilelikde guraldy.
Türkmen halkynyñ Milli Lideri Gurbanguly Berdimuhamedowyñ “Al-Arabiýa” teleýaýlymyna interwýusy
Hormatly Prezidentimiz Serdar Berdimuhamedowyň parasatly ýolbaşçylygynda üstünlikli durmuşa geçirilýän syýasatyň netijesinde ýurdumyzyň dünýäniň syýasy-ykdysady giňişliginde eýeleýän orny barha pugtalandyrylýar, dünýä ýurtlary we halkara guramalar bilen hyzmatdaşlyk gatnaşyklar işjeňleşdirilýär.
