Türkmenistanda energetikany durnukly ösdürmek üçin döwrebap maglumat-seljerme merkezi açyldy
26-njy martda «Türkmengaz» döwlet konserniniň Tebigy gaz ylmy-barlag institutynda Maglumat-seljerme merkeziniň açylyş dabarasy boldy. Merkez iň täze IT-enjamlar bilen enjamlaşdyryldy, olar Ýewropa Bileleşiginiň maliýeleşdirýän hem-de Germaniýanyň Daşary işler ministrligi tarapyndan goldanylýan «Türkmenistanyň ýaşyl ösüşi: 2024-2028-nji ýyllar üçin syýasy gepleşikler we howa hereketleri» taslamasynyň çäklerinde satyn alyndy we GIZ tarapyndan durmuşa geçirilýär.
Bu çäre Türkmenistanda durnukly we ekologiýa taýdan arassa energetikany ösdürmek ugrunda möhüm ädim bolup, Ol Metan boýunça ählumumy borçnama hem-de Pariž ylalaşygy bilen kesgitlenen borçnamalary ýerine ýetirmäge gönükdirilendir.
Maglumat-seljerme merkezi «Türkmengaz» döwlet konserniniň hem-de Tebigy gaz ylmy-barlag institutynyň hünärmenleriniň bilim derejesini ýokarlandyrmak we kämilleşdirmek üçin mümkinçilik döreder. Bu maksat bilen, merkezde seminarlary, hünär derejesini ýokarlandyryjy maksatnamalary geçirmek hem-de täze tehnologiýalary ornaşdyrmak meýilleşdirilýär.
Merkez häzirki zaman enjamlar, şol sanda gaz syzmalaryny anyklamak üçin LDAR ulgamy bilen üpjün edildi. Bu ulgam metanyň zyňyndylary boýunça dürli halkara hemra çeşmelerinden alnan maglumatlary ýygnamak, gaýtadan işlemek we barlamak boýunça hünärmenleriň başarnyklaryny ýokarlandyrmaga ýardam eder.
Merkeziň açylmagy, şeýle hem Türkmenistanda «ýaşyl» ykdysadyýete geçiş üçin öňdebaryjy Ýewropa tejribelerini we ylmy usullary ornaşdyrmak meseleleriniň ara alnyp maslahatlaşylmagyna şert döretdi. Bu bolsa ýurduň durnukly energetiki geljegine tarap öňe gitmegine mümkinçilik berer.
Maglumat-seljerme merkeziniň açylyş dabarasyna Ýewropa Bileleşiginiň Aşgabatdaky wekilhanasynyň başlygynyň orunbasary hanym Renata Wrobel, Germaniýanyň Halkara hyzmatdaşlyk jemgyýetiniň maksatnama direktory doktor Karolina Milow, Germaniýanyň Türkmenistandaky ilçihanasynyň wekili, diplomat Kubilaý Topal we «Türkmengaz» döwlet konserniniň Tebigy gaz ylmy-barlag institutynyň direktory Baýrammyrat Pirniýazow gatnaşdylar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
