TEIF 2025 forumyna GECF-niň Baş sekretarynyň gatnaşmagy energetika hyzmatdaşlygyny ösdürmekde nobatdaky ädim bolar
Türkmenistanyň ykdysadyýetine daşary ýurt maýa goýumlaryny çekmek boýunça halkara forumyna (TEIF 2025) taýýarlyk işleriniň ýokary depginde dowam edýär. Bu forum 2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriler. “Türkmengaz” we “Türkmennebit” döwlet konsernleri hem-de Türkmenistanyň Söwda-senagat edarasy “Turkmen Energy Forum” hojalyk jemgyýeti bilen bilelikde guramagynda geçiriljek foruma gatnaşjak wekilleriň sany gün-günden artýar.
“Turkmen Energy Forum-yň” habar bermegine görä, TEIF 2025 forumyna Gaz eksport ediji ýurtlaryň forumynyň (GECF) Baş sekretary Mohammed Hamel hem gatnaşar. Ol birinji sessiýanyň – “Türkmenistanyň energetika pudagyndaky täze maýa goýum mümkinçilikleri – tebigy gaz we onuň girdejili peýdalanylyşy” atly maslahatyň çäklerinde çykyş eder. Mohammed Hamel Türkmenistanyň energetika bazaryndaky mümkinçilikleri we maýa goýumlary üçin açylýan täze mümkinçilikleri ara alyp maslahatlaşar.
Bu iri halkara guramanyň ýolbaşçysynyň foruma gatnaşmagy Türkmenistanyň we GECF-niň energetika hyzmatdaşlygyny has-da berkitmek isleginiň aýdyň subutnamasydyr.
Şu ýylyň 19-njy martynda Mohammed Hamel ýurdumyza gelip, “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahata gatnaşdy. Mundan başga-da, ol Türkmenistanyň hökümetiniň ýokary derejeli wekilleri bilen duşuşyklary geçirdi.
GECF-iň metbugat beýanatynda Mohammed Hameliň Türkmenistanyň sebit we dünýä energetika pudagyndaky öňdebaryjy ornuna ýokary baha berendigi, ýurdumyzy tebigy gaz üpjünçiligi babatda dünýäde strategik ähmiýete eýe döwletleriň biri hökmünde görýändigi beýan edilýär. Şeýle-de, ol ýurduň energetika howpsuzlygyna, bazaryň durnuklylygyna we ykdysady hyzmatdaşlyga ygrarlylygyny belläp geçdi. Tebigy gazyň adalatly we hemmelere elýeterli energetika geçişini gazanmakda möhüm orny eýeleýändigini nygtady.
Şeýle hem GECF-niň Baş sekretary Türkmenistanyň energetika strategiýasyna bu guramanyň hemişelik goldaw berýändigini, bilim we tejribe alyşmak arkaly mümkinçilikleriň giňeldilmegine hem-de sebit we dünýä derejesinde hyzmatdaşlygyň pugtalandyrylmagyna ýardam berjekdigini belledi.
Duşuşyklaryň dowamynda iki tarap hem özara gatnaşyklary mundan beýläk-de ösdürmäge ygrarlydyklaryny beýan etdiler. Türkmenistanyň GECF bilen hyzmatdaşlygynyň çuňlaşdyrylmagy üçin uly mümkinçilikleriň bardygy nygtaldy.
GECF – hökümetara gurama bolup, öz agza ýurtlarynyň arasynda tejribe alyşmak we hyzmatdaşlygy ösdürmek üçin meýdança bolup hyzmat edýär. Guramanyň doly hukukly agzalary: Alžir, Boliwiýa, Müsür, Ekwatorial Gwineýa, Eýran, Liwiýa, Nigeriýa, Katar, Russiýa, Trinidad we Tobago, BAE hem-de Wenesuela bolup durýar. Mundan başga-da, Angola, Azerbaýjan, Yrak, Malaýziýa, Mawritaniýa, Mozambik, Peru we Senegal synçy derejesinde guramada çykyş edýärler.
GECF dünýä energiýa bazarlaryna uly täsir ýetirýän gurama bolup, dünýäniň tebigy gaz ätiýaçlyklarynyň 69%-ine, önümçiliginiň 39%-ine, gaz eksportynyň 40%-ine we suwuklandyrylan tebigy gaz (LNG) eksportynyň 51%-ine eýedir. Şeýlelikde, GECF halkara gaz senagatynda esasy oýunçylaryň biri bolup durýar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
