Türkmenistanyň we Hytaýyň gatnaşyklary netijeli hyzmatdaşlygyň nusgasy bolup durýar
Türkmenistanyň gaz ulgamynda taslamalary amala aşyrmak üçin Hytaýyň beren karzlaryny doly gaýtaranlygy baradaky habar daşary ýurtlaryň işewür toparlarynyň we dünýä metbugatynyň wekillerinde uly gyzyklanma döretdi.
Bu baradaky habarlary ABŞ-nyň, Russiýanyň, Fransiýanyň, Beýik Britaniýanyň, Hindistanyň, Ýakyn Gündogaryň we GDA girýän ýurtlaryň habar beriş serişdeleri – «Illinoisnewstoday», Barron's, Agence France Press, «Le Monde de L”Energie», Nebitgaz habarlar agentligi, AKIPRESS, Asharq Al-Awsat, Lebanonnews, The Times of India, Akchabar, Eurasia Today, Naharnet, Interfaks-Azerbaýjan, «Report.az», «Trend», «CentralAsia.news», «SNGToday» we beýleki habarlar agentlikleri, gazetler, belli internet-neşirler çap etdiler.
«Daşary ýurt karz serişdeleriniň doly we özwagtynda gaýtarylmagy öz borçnamalarynyň ýerine ýetirilmegine jogapkärçilikli çemeleşýän Türkmenistanyň ykdysady taýdan kuwwatly döwlet bolup durýandygyna şaýatlyk edýär» – diýip, žurnalistler Türkmenistanyň Prezidenti Gurbanguly Berdimuhamedowyň sözlerini mysal getirýärler.
Bu waka aýratyn-da Hytaý Halk Respublikasynyň habar beriş serişdeleri üns berdiler. Köpsanly elektron neşirleriň - «Halkara energetika ulgamy (in-en.com)», «Hytaýyň gaz ulgamy (chinagas .org.cn)», «Sina. News» we beýlekileriň habarlarynda häzir Hytaýyň Türkmenistandan uly möçberde tebigy gaz satyn alýandygy bellenilýär. Şeýle hem biziň ýurdumyzyň tebigy gaza baý bolup, Galkynyş gaz käniniň bolsa, gaz gorlarynyň möçberi boýunça dünýäde ikinji ýatak bolup durýandygy nygtalýar.
Bulardan başga-da, Türkmenistanyň dünýäniň batly depginler bilen ösýän ýurtlarynyň hataryna girýändigi bellenilýär. Şunuň bilen baglylykda hytaý neşirleri Türkmenistanyň Prezidenti Gurbanguly Berdimuhamedowyň “Mir” döwletara teleradiokompaniýasyna beren interwýusynda getiren sanlaryny we maglumatlaryny bellediler. Milli Liderimiziň belleýşi ýaly, dünýäde emele gelen çylşyrymly ýagdaýa garamazdan, 2020-nji ýylyň jemleri boýunça jemi içerki önümiň ösüşi 5,9 göterim derejede üpjün edildi. Tutuş garaşsyzlyk ýyllarynda bolsa Türkmenistanyň JIÖ 8,4 esse ýokarlandy.
Soňky 30 ýylyň dowamynda strategik taýdan möhüm hasaplanýan ýangyç-energetika pudagynda düýpli özgertmeler bolup geçdi diýip, hytaý habar beriş serişdeleri belleýärler. Türkmenistandan Hytaýa we Eýrana uzalyp gidýän gazgeçirijileri guruldy. Türkmenistan-Owganystan-Pakistan-Hindistan gazgeçirijisiniň gurluşygy batly depginlerde dowam edýär.
Umuman, halkara synçylarynyň pikirine görä, Türkmenistanyň we Hytaýyň gaz ulgamyndaky gatnaşyklary iki ýurduň hem-de tutuş Merkezi Aziýa sebitiniň bähbitlerine kybap gelýän netijeli hyzmatdaşlygyň nusgasy bolup durýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
