«Bagtyýarlyk» gaz käninde täze taslama badalga berildi
Hormatly Prezidentimiziň baştutanlygynda barha ösüşleriň täze belentliklerine çykýan eziz Watanymyzyň Garaşsyzlygynyň 30 ýyllyk şanly baýramçylygyny sowgatly garşylamak ugrundaky asylly maksat ýurdumyzyň nebitgaz pudagynyň edara-kärhanalarynyň her birinde zähmet joşgunyny emele getirdi. «Türkmengazüpjünçilik» birleşiginiň Gazlaşdyrmak boýunça gurluşyk-gurnaýyş müdirliginiň Mary welaýaty boýunça gurluşyk-gurnaýyş ülşüniň gaz gurluşykçylary hem halkymyzyň baş baýramynyň öň ýanyndaky günlerde her bir iş gününi üstünlikli jemleýärler.
Olaryň «Marygazüpjünçilik» müdirliginiň buýurmalary esasynda Mary welaýatynyň obalarynda hem-de şäherlerinde ýokary we orta basyşly gaz geçirijilerini gurmak boýunça ýerine ýetirýän işleri möhüm ähmiýete eýedir.
Gaz gurluşykçylar Milli maksatnama esasynda ýokary hem-de orta basyşly gaz geçirijilerini gurmak, ozaldan ulanylýan gaz geçirijileriň durkuny täzelemek, abatlamak boýunça bellenilen meýilnama laýyklykda, şu ýylyň geçen ýedi aýynda umumy uzynlygy ýigrimi dört müň ýedi ýüz segsen metr bolan gaz geçirijilerini gurup, degişli ýerlerde durkuny täzeläp, abatlap, dokuz million ýedi ýüz ýigrimi sekiz müň manatlyk gurluşyk-gurnaýyş işlerini ýerine ýetirdiler. Munuň özi obalaryň ençemesiniň ilatynyň tebigy gaz bilen üpjünçiliginiň has-da gowulanmagyna ýardam berdi.
Gazçylar şu ýylyň başyndan bäri welaýatyň Ýolöten etrabynyň «Bereket» daýhan birleşiginde bir müň on alty metr, Türkmengala etrabynyň «Zähmet» daýhan birleşiginde bir müň alty ýüz segsen üç metr, Wekilbazar etrabynyň Goňur daýhan birleşiginde bir müň dokuz ýüz bäş metr uzynlygy bolan gaz geçirijileri gurdular hem-de ozaldan ulanylýan gaz geçirijileriň durkuny täzelediler.
Munuň özi şol obalaryň ýaşaýjylarynyň begenjini hem-de buýsanjyny artdyrdy. Döwletimiz tarapyndan halkymyza berilýän eşretleriň biri bolan tebigy gazyň hözirini görýän bagtyýar raýatlaryň her biri Gahryman Arkadagymyzyň adyna alkyş sözlerini aýdýar.
Täzelikde ülşüň hünärmenleridir işçileri welaýatyň Murgap etrabynyň Gylyç Sähetmyradow geňeşliginiň obalarynda uzynlygy üç müň üç ýüz metr bolan ýokary basyşly gaz geçirijisiniň durkuny täzeläp, ulanmaga berdiler.
— «Marygazüpjünçilik» müdirligi tarapyndan gerekli turbalar, beýleki materiallar bilen bökdençsiz üpjün edilip durulmagy biziň şu gaz geçirijiniň durkuny täzelemek işlerini bellenilen möhletinde ýokary hilli ýerine ýetirmegimize mümkinçilik berdi. Bu işde aýry-aýry gaz gurluşykçylarymyz has tapawutlanyp zähmet çekdiler. Olardan ýokary hünär derejeli elektrik we gaz bilen kebşirleýjilerimiz Annageldi Hojaberdiýew, Döwran Ataýew, slesar Akmyrat Baýramgulyýew, awtokranyň sürüjisi Rejep Aýdogdyýew, mehanizatorlar Allamyrat Gurbanow, Sapargylyç Annaýew dagynyň atlaryny görkezmek bolar.
Biz häzirki günlerde welaýatymyzyň Ýolöten etrabynyň «Döwletli» maldarçylyk hojalygynda hem-de Tagtabazar etrabynyň «Daýhan» daýhan birleşiginde orta we ýokary basyşly gaz geçirijileriniň durkuny täzelemek işlerini ýokary depgin bilen alyp barýarys. Nesip bolsa, şol işleri ýakyn günlerde doly tamamlarys. Bu bolsa Watanymyzyň Garaşsyzlygynyň 30 ýyllyk şanly toýuna biziň zähmet sowgadymyz bolar — diýip, Mary welaýaty boýunça gurluşyk-gurnaýyş ülşüniň hünärmeni Borjak Hommadow gürrüň berýär.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
