Gaz geçirijileriň ulanyş möhleti artýar
Döwletimiziň milli ykdysadyýetiniň esasy pudagy bolan ýurdumyzyň nebitgaz ulgamynyň beýleki önümçilik düzümleri bilen birlikde «Türkmengazakdyryş» birleşiginiň «Gündogargazakdyryş» müdirliginiň gazçylary hem Watanymyzyň Garaşsyzlygynyň 30 ýyllyk şanly baýramçylygyna özleriniň zähmet goşantlaryny goşdular.
Halkymyzyň toýa sowgatly barmak baradaky asylly däbini özlerine ýörelge edinýän bu kärhananyň zähmet adamlary sarp edijilere gaz akdyrmak boýunça şu ýylyň dokuz aýy üçin bellenilen meýilnamany üstünlikli berjaý etdiler.
Ýurdumyzyň Mary hem-de Lebap welaýatlarynyň ilatyny, şol welaýatlaryň çäklerinde ýerleşýän edara-kärhanalary ýylyň bütin dowamynda «mawy ýangyç» bilen bökdençsiz üpjün edýän müdirligiň hünärmenleridir işçileri umumy uzynlygy iki müň sekiz ýüz sekiz kilometr bolan ýokary basyşly gaz geçirijilerine hyzmat edýärler.
Sarp edijileriň tebigy gaz bilen bökdençsiz üpjün edilmeginde kärhananyň Gaz geçirijileri ýerasty poslamakdan goramak we energiýa üpjünçilik birinji gullugynyň hünärmenleriniň, işçileriniň mynasyp paýy bar. Tejribeli hünärmen Ruslan Atdaýewiň ýolbaşçylygyndaky bu gullugyň gazçylary Mary welaýatynyň çäginde umumy uzynlygy bir müň ýigrimi sekiz kilometr ýedi ýüz ýigrimi bäş metr bolan ýokary basyşly gaz geçirijilere gözegçilik edýärler. Olaryň ugrunda katod gorag beketleriniň bir ýüz on birisi bar.
Welaýatyň çägindäki ýokary basyşly gaz geçirijilere katod gorag beketleri arkaly tehnologik talaplara laýyk hemişelik elektrik toguny goýberip, gaz geçirijileri poslamakdan goramak, şeýlelikde, olaryň ulanyş möhletini uzaltmak gullugyň işgärleriniň baş wezipesidir. Olar gaz geçirijileriň ugrundaky gaz paýlaýjy beketleriň, gaz sazlaýjy düwünleriň elektrik togy bilen üpjünçiligine-de gözegçilik işlerini birsyhly alyp barýarlar. Hünärmenlerdir işçiler gaz geçirijilere hemişelik elektrik togunyň talabalaýyk berilmegi üçin katod gorag beketleriniň takyk, saz işlemegini birjikde ünsden düşürmeýärler.
Ýokary basyşly gaz geçirijileriň ugrunda her bir kilometrden barlag-ölçeg nokatlary hem goýlupdyr. Olarda gullugyň hünärmenleri hem-de elektrik montýorlary tarapyndan ölçeg işleri yzygiderli geçirilýär.
Gullugyň işgärleri tarapyndan bellenilen meýilnama laýyklykda, talabalaýyk geçirilýän şu we beýleki tehnologik iş çäreleri ýokary basyşly gaz geçirijilerini poslamakdan gorap, olaryň ulanyş möhletini uzaltmaga, geçirijiler boýunça tebigy gazyň howpsuz hem kadaly akmagyna ýardam berýär.
Önümçilik gullugynyň gazçylarynyň işleri hemişe tehnologik talaplara laýyk, sazlaşykly alyp barmaklaryna halypa hünärmenleriň, köpýyllyk iş tejribesi bolan işçileriň saldamly goşant goşýandyklaryny aýtmak diýseň ýakymly. Olardan esasy elektrik inžener Artyk Kakajanow, uly ussa Kakabaý Könäýew, indi otuz ýyldan bäri biregne bir kärde işläp gelýän elektrik montýorlar Sergeý Meleşkewiç, Ýunus Sylabow, Nurýagdy Annadurdyýew dagy diňe bir şu önümçilik gullugynda däl, eýsem, tutuş müdirligiň gazçylarynyň arasynda-da iň hormatlanylýan halypalardyr.
Sapardurdy ÝAÝLYÝEW,
Ussatnews.com.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
Türkmenistanyň sanly mediasy — milli KHBS-niň ösüşinde möhüm faktor
Häzirki zaman dünýäsinde sanly köpçülikleýin habar beriş serişdeleri jemgyýetçilik ösüşiniň iň möhüm bölekleriniň birine öwrülýär. Türkmenistanda bu ugra döwlet derejesinde aýratyn ähmiýeti berilýär, sebäbi sanly media milli bitewüligi pugtalandyrmakda, parahatçylyk, ylalaşyk we ynsanperwerlik ideýalaryny wagyz etmekde, şeýle hem ýurduň oňyn halkara abraýyny kemala getirmekde möhüm orny eýeleýär.
