ÝAŞLAR SIZE ALKYŞ AÝDÝAR, ARKADAG!
Halypamyň: «Üstünligiň açary başarnykdadyr» diýen dür-däne jümlesi durmuşda özüňe bolan ynamyňy artdyrýar. Ynam bolsa adamy diňe öňe tarap ymtylmaga iterýär. Özüňde höwesiň, zehiniň, ukyp-başarnygyň bar bolsa üstünlige ýetmäge mümkinçilik döreýär. Ýüregiňe diň salsaň ýaşlyk hyjuwyň isleg-arzuwlaryňa ganat baglaýar, seni belentlige tarap alyp gidýär.
Berkarar döwletimiziň bagtyýarlyk döwründe hormatly Prezidentimiziň ýaşlar baradaky her bir aladasy biz – ýaşlara döwrebap ylym-bilim almaga, öwrenmäge, döretmäge, gurmaga giň mümkinçiliklere ýol açýar. Türkmenistan – parahatçylygyň we ynanyşmagyň Watany ýylynda Türkmenistanyň Magtymguly adyndaky Ýaşlar guramasynyň döredilmeginiň 30 ýyllygynyň dabara edilýän günlerinde meniň hem durmuşymda ýatdan çykmajak taryhy waka boldy. Bu şanly ýylda maňa üstünligiň eýesi bolmak bagty miýesser etdi. Ýagny, men Türkmenistanyň Ýaşlar baýragyna mynasyp boldum. Bu dereje meni has-da yhlasly ylym-bilim almaga, höwesli öwrenmäge, joşgunly döretmäge ruhlandyrýar.
Bu belent at geljekde-de hormatly Prezidentimiziň alyp barýan içeri we daşary syýasatyny wasp edip, eziz Watanymyzyň ösüşine mynasyp goşant goşmaga uly güýç berýär. Men bularyň ählisini öňümdäki borç diýip hasaplaýaryn.
Goý, bagtyýar halkymyzy ýagty geljege alyp barýan, ýaşlara uly ynam bilen garaýan Arkadag Prezidentimiziň jany sag, ömri uzak, belent başy aman bolsun!
Eziz Watan diýip urýarka ýürek,
Watany özgertmek, ösdürmek gerek.
Ganatly göwnümiz mydam janserek,
Ýaşlar Size alkyş aýdýar, Arkadag!
Ýaşlardyr Watany beýgeldip biljek,
Ýaşlardyr Watany gülledip biljek,
Biz bilen şöhrata beslener geljek,
Ýaşlar Size alkyş aýdýar, Arkadag!
Nepes SAPARNAZAROW.
Türkmenistanyň döwlet Energetika institutynyň talyby,
Türkmenistanyň Ýaşlar baýragynyň eýesi.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
