Gahryman Arkadagymyzyň ajaýyp kitaplary halkymyzyň saglygyny goramakda esasy gollanmalar bolup durýar
Berkarar döwletimiziň bagtyýarlyk döwründe ýurdumyzyň saglygy goraýyş ulgamyny kämilleşdirmek ugrunda beýik işler alnyp barylýar. Saglygy goraýyş edaralarynyň we hassahanalaryň, şypahanalaryň täze hem döwrebap binalary gurlup ulanylmaga berilýär. Häzirki wagtda eziz Watanymyzda Bütindünýä Saglygy Goraýyş Guramasy bilen hyzmatdaşlygyň çäginde keselleriň öňüni almak hem-de olara garşy göreşmek boýunça gowy tejribe toplanyldy. Ýurdumyzyň saglygy goraýyş we derman senagaty ulgamy ösüşleriň täze belentliklerine çykdy. Gahryman Arkadagymyzyň jöwher paýhasyndan dörän “Türkmenistanda saglygy goraýyşy ösdürmegiň ylmy esaslary”, “Türkmenistan-sagdynlygyň we ruhubelentligiň ýurdy”, “Türkmenistan-melhemler mekany” atly ajaýyp kitaplary halkymyzyň saglygyny goramakda esasy gollanmalar bolup durýar. Saglyk hakynda gürrüň edilende ýurdumyzda hereket edýän şypahanalara hem aýratyn orun degişlidir. Gözel Diýarymyzyň “Arçman”, “Mollagara”, “Ýyly suw”, “Baýramaly”, “Berzeňňi”, “Farap”, “Daşoguz”, “Awaza” şypahanalary özleriniň bejerijilik, saglygy dikeltmekdäki ähmiýeti boýunça il içinde uly abraýdan peýdalanýarlar.
Belent mertebeli Prezidentimiz mähriban halkymyzyň saglygyny goramak we bu ulgamynyň işinde mundan beýläkde özgertmelerimizi çuňlaşdyrmak maksady bilen “Türkmenistanda ilatyň psihiki saglygyny goramak boýunça 2018-2022-nji ýyllar üçin Milli maksatnamany tassyklamak hakynda”, “Türkmenistanda ilatyň fiziki işjeňligini ýokarlandyrmak boýunça 2018-2025-nji ýyllar üçin Milli strategiýany tassyklamak hakynda” hem-de “Türkmenistanda 2018-2024-nji ýyllarda alkogolyň zyýanly täsiriniň öňüni almak boýunça Milli maksatnamany tassyklamak hakynda” Kararlara gol çekmegi bizi buýsandyrýar. Kabul edilen resminamalaryň durmuşa geçirilmegi ilatyň sagdyn durmuş ýörelgelerine eýermäge, netijeli zähmet çekmäge, medeniýetli dynç almaga, fiziki işjeňligini ýokarlandyrmaga, saglygyny goramaga we berkitmäge esas döredýär.
Parahat DURDYNAZAROW,
Ýagşygeldi Kakaýew adyndaky halkara nebit we gaz uniwersitetiniň talyby.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
