Bagajaly baýlyk öndürijiler
Ymgyr Garagumuň bu sebitinde ýurt Garaşsyzlygynyň ýyllary içinde kuwwatly senagat düzümi peýda boldy. Türkmen topragynyň astyndan tebigy gaz gazylyp alynsa, Bagaja meýdançasynda ony gaýtadan işleýän häzirki zaman desgalary gurlup, işe girizildi. Şonuň netijesinde «Türkmengaz» döwlet konserniniň «Suwuklandyrylan gazy öndürmek boýunça Lebap önümçilik» müdirliginiň Bagajadaky suwuklandyrylan gazy öndürýän desgalar toplumynda indi birnäçe ýyllardan bäri içerki we daşarky bazarlarda uly islege eýe bolan ýangyç üznüksiz öndürilýär.
— Bizde dürli hünärli işgärleriň iki ýüzüsi bolup, olar çylşyrymly enjamlar oturdylan desgalarda arman-ýadaman zähmet çekýärler. Hünärmenlerimiz hormatly Prezidentimiziň özleri hakynda edýän aladalaryna, berýän ýardam-hemaýatyna päk zähmet çekmek bilen jogap berýärler. Döwlet Baştutanymyz bolsa zähmet adamlarynyň bitirýän işlerine hemişe mynasyp baha berýär. Bu diýýänlerime Türkmenistanyň Garaşsyzlygynyň şanly 30 ýyllygy mynasybetli işgärlerimiziň ikisiniň döwlet sylagyna mynasyp bolandygy hem aýdyň şaýatlyk edýär. Şeýle üns-alada has joşgunly we ýokary netijeli zähmet çekmäge ruhlandyrýar — diýip, toplumyň ýolbaşçysy Farhat Saidow buýsanç bilen gürrüň berýär.
Hakykatdan-da, ak ýürekden işleseň, gujur-gaýrat bilen, başarnykly zähmet çekseň, il tanaýar, döwlet sylagyňy ýetirýär. Beýik senäniň baýram edilýän günlerinde desganyň operatorlary Myrat Ýazyýewe we Atabaý Töräýewe «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly dabaraly ýagdaýda gowşuryldy. Ýokary döwlet sylagy ussat hünärmenleri has-da tutanýerli zähmet çekmäge ruhlandyrdy. Olaryň işdeşleri hem işine ussat kärdeşleriniň görkezýän gowy göreldesine eýerýärler. Şeýle agzybir adamlaryň birleşen tagallalary arkaly toplum boýunça önümçilik meýilnamalary aýba-aý üstünlikli berjaý edilýär. Muňa göz ýetirmek üçin üstümizdäki ýylyň geçen dokuz aýynyň görkezijilerine ser salmak hem ýeterlik. Toplum boýunça dokuz aýda 7783 tonnanyň ýerine 9713 tonna suwuklandyrylan gaz öndürilip, meýilnama artygy bilen berjaý edildi. Gaz kondensatyny öndürmekde hem ýokary sepgitlere ynam bilen ýetilýär. Has takygy, geçen döwürde gymmatly çig malyň 23850 tonnasy öndürildi. Munuň özi Seýdiniň nebiti gaýtadan işleýän zawody üçin zerur çig mal bolup durýan önümiň 5,5 müň tonna golaýynyň meýilnama goşmaça öndürilendiginden habar berýär.
Toplumyň başlygy işgärleriň öndürijilikli zähmet çekmekleri, kadaly ýagdaýda dynç almaklary üçin gaz käninde zerur şertleriň döredilýändigini aýratyn nygtaýar. Şeýle üns-alada edilýän köptaraply tagallalarda özüniň anyk beýanyny tapýar. Ylmyň we tehnikanyň soňky gazananlaryna daýanýan önümçilikde işleriň aglaba bölegi kämil kompýuterler arkaly döwrebap awtomatik serişdeleriň üsti bilen dolandyrylýar.
Gaz käniniň golaýynda işgärleriň ýaşamaklary, dynç almaklary, nobatdaky iş çalşygynda öndürijilikli zähmet çekmäge güýç toplamaklary üçin ähli şertler döredilen wahta şäherçesi ýerleşýär. Müdirligiň ýolbaşçylygy we kärdeşler arkalaşygy guramasy adam hakyndaky möhüm meseläni gün tertibinde saklaýar. Şeýle üns-alada bagajaly baýlyk öndürijileri ýeneki üstünliklere ruhlandyrýar. Ýeri gelende olaryň ýyllyk meýilnamany möhletinden ep-esli öň berjaý etmek ugrunda gujur-gaýrata beslenip zähmet çekýändiklerini-de sözümiziň üstüne goşasymyz gelýär.
Mämmetgylyç KÜTIÝEW,
Ussatnews.com.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
