Türkmenistan kuwwatly energetika döwletidir
Mukaddes Garaşsyzlygymyzyň 30 ýyllygy bellenilen şanly ýylda nebitgaz senagatyndaky desgalaryň we kärhanalaryň önümçilik kuwwatynyň artmagyna mümkinçilik döredildi. Ýylyň başynda «Malaý» gaz gysyjy desgasynyň ulanylmaga berilmegi ýurduň gündogar sebitiniň ilatynyň we edara-kärhanalarynyň gaz üpjünçiligini artdyrmaga, şeýle hem Türkmenistan — Hytaý gaz geçirijisiniň kuwwatyny güýçlendirmäge şertleri gowulandyrdy. Munuň özi Malaý ýatagynda alnyp barylýan guýularyň buraw we özleşdirmek işlerini hem tijedi, netijede önümli guýular çig mal binýadynyň artmagynda amatly ýagdaýy emele getirdi.
Daşary ýurt kompaniýalary bilen nebit pudagynda hyzmatdaşlygyň pugtalandyrylmagynyň netijesinde «Türkmennebit» döwlet konserniniň düzümlerinde çig malyň çykarylyşyny artdyrmaga we ýokary netijeler gazanmaga gönükdirilen işler ilerleýär, ýagny guýularyň önüm berşi, işleýjilik möhleti gowulandyrylýar.
Hormatly Prezidentimiziň tagallasy bilen işleriň sazlaşykly alnyp barylmagy, önümçiliklere ylmyň gazananlarynyň ornaşdyrylmagy amala aşyrylmagy meýilleşdirilen Prezident maksatnamalaryny çözmekde we nebitgaz pudagynyň toplumlaýyn ösmeginde, hususan hem, nebit we gazhimiýa senagatynda garaşylýan netijeleri almakda binýatdyr. Şu binýadyň esasynda önümçilik düzümleri giňelýär we içerki hem-de daşarky bazarlar üçin öndürilýän önümleriň sanawy köpelýär. Bu babatda Türkmenbaşydaky nebiti gaýtadan işleýän zawodlar toplumynda amala aşyrylýan işler hem bellenilmäge mynasypdyr. Zawodlar toplumynda ýurdumyza daşarky bazarlardan getirilýän harytlaryň ornuny tutýan önümleri öndürmek boýunça çäreler görlüp, şol önümleriň hatarynda awtoulaglar üçin niýetlenen ýarym sintetik çalgy ýaglary, gämiler üçin niýetlenen ýangyç, azyk, saglygy goraýyş, senagat önümlerini gaplamak we bezeg işleri üçin niýetlenen alýumin çaýylan polipropilen örtügi bar.
«Türkmennebit» DK-nyň önümçiliginiň ýokarlandyrylmagynyň nebithimiýa senagatyna giň ýol açyşy ýaly, gaz pudagynda «mawy ýangyjyň» çykarylyşynyň köpeldilmegi ýurduň ykdysady kuwwatyna öwrüljek iri önümçilikleriň döredilmegine getirýär. Bu ugurda hem hormatly Prezidentimiziň tagallasy bilen dyngysyz işler durmuşa geçirilýär. Üstümizdäki ýylyň iýulynda hormatly Prezidentimiziň Kararyna laýyklykda, «Galkynyş» gaz känindäki «Türkmengaz» döwlet konserniniň aýratyn çylşyrymly guýularyň üçüsiniň gurluşygyny tamamlamak hem-de ulanmaga bermek barada «СNPС Сhuanqing Drilling Engineering Сompany Limited» (HHR) kompaniýasy bilen şertnama baglaşylmagy gazyň eksportyny artdyrmak bilen birlikde gazhimiýa senagatynda hem ygtybarlylygy üpjün edýär.
Bir söz bilen aýdylanda, Türkmenistanda nebitgaz pudagynyň doly güýjünde ösdürilmegi üçin ähli mümkinçilikler bar. Bu amatlyklaryň üstünlikli amala aşyrylmagy ýurdumyzy dünýäniň iň ösen döwletleriniň ilkinjileriniň hataryna goşar.
Ata ATAÝEW,
Türkmen döwlet binagärlik - gurluşyk institutynyň talyby.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
