Täze awtomobiller
Ýylyň ahyrynda dünýä belli önümçilik kompaniýalarynyň birnäçesi täze önümleri bilen tanyşdyrarlar. Täze ulaglaryny tanyşdyrmaga taýýarlanýan brendleriň arasynda Porsche, Mercedes-Benz, McLaren we beýlekiler bar. Bu barada naavtotrasse.ru belläp geçýär.
Italýan awtoönümçilik kompaniýasy Alfa Romeo şu aýda Jeep ulaglarynyň platformasyna esaslanýan Tonale krossowerini hödürlemäge taýýarlanýar. Bu awto özüniň yşyk diodly optikasy we baý üpjünçiligi bilen tapawutlanyp biler, ýöne muňa garamazdan, onuň bahasynyň gymmat bolmazlygyna garaşylýar. Nemes brendi Alpina şu aýda 4,4 litr göwrümli 600 at güýji bolan iki turbo hereketlendirijili täze XB7 modelini tanyşdyrar, McLaren bolsa häzirki wagtda Nýurburgringde synagdan geçýän täze 750LT sportkaryny hödürlär. 2021-nji ýylyň ahyryna niýetlenen täze awtomobil 600LT-niň üýtgedilen görnüşidir.
Şeýle-de, bu aýda Mercedes-Benz EQA elektrokarynyň tanyşdyrylyşyna garaşylýar. Bu täze awto barada jikme-jiklikler heniz az, ýöne onuň akkumulýatorynyň 400 kilometr ýoly üpjün edip bilýändigi belli. Mitsubishi ýapon awtoöndürijisi Eclipse Cross krossowerini, Porsche bolsa Panamera uniwersalynyň täze görnüşini tanyşdyrmaga taýýarlanýar. Şu aýda garaşylýan täze awtomobil önümleriniň ýene biri 1,5 litr göwrümli 166 at güýji bolan turbo hereketlendirijili we 100 at güýji bolan kuwwatly elektrik hereketlendirijili MG HS PHEV gibrid krossoweridir. Deslapky maglumatlar boýunça, MG HS krossoweri 100 km/sag çenli bat almak üçin 5,8 sekunt wagt alýar.
Mäne ORAZMYRADOW,
Türkmen döwlet binagärlik - gurluşyk institutynyň talyby.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
