Milli Liderimiziň “Türkmeniň döwletlilik ýörelgesi” kitaby koreý dilinde neşir edildi
8-nji fewralda, Türkmenistan bilen Koreýa Respublikasynyň arasynda diplomatik gatnaşyklaryň ýola goýulmagynyň 30 ýyllygy bellenilýän gününde, Döwletmämmet Azady adyndaky Türkmen milli dünýä dilleri institutynda hormatly Prezidentimiz Gurbanguly Berdimuhamedowyň “Türkmeniň döwletlilik ýörelgesi” atly kitabynyň koreý dilindäki neşiriniň tanyşdyrylyş dabarasy boldy.
Çärä gazet-žurnallaryň redaktorlary, ýokary okuw mekdepleriniň rektorlary, professorlary we mugallymlary, Koreýa Respublikasynyň Türkmenistandaky ilçihanasynyň işgärleri, talyp ýaşlar, köpçülikleýin habar beriş serişdeleriniň wekilleri gatnaşdylar.
Koreýa Respublikasynyň Türkmenistandaky Adatdan daşary we Doly ygtyýarly ilçisi Sungçul Şin çärede çykyş edip, Türkmenistanyň Prezidentiniň “Türkmeniň döwletlilik ýörelgesi” kitabynyň koreý dilinde neşir edilmeginiň ikitaraplaýyn hyzmatdaşlygyň ýokary derejesini ýene-de bir gezek tassyklaýandygyny hem-de däp bolan özara bähbitli döwletara gatnaşyklarynyň mundan beýläk-de pugtalandyrylmagyna saldamly goşant goşjakdygyny belledi.
Dabara sanly ulgam arkaly “Merkezi Aziýa — Koreýa Respublikasy” hyzmatdaşlyk forumynyň hem-de “Koreýa Respublikasy — Merkezi Aziýa ýurtlary” Dostluk assosiasiýasynyň ýolbaşçylary hem gatnaşdylar. Olar öz çykyşlarynda bu wakanyň halkara hyzmatdaşlygyny giňeltmekde, şol sanda ynsanperwer we ylym-bilim ulgamlaryny ösdürmekde wajypdygyny bellediler.
Tanyşdyrylyş dabarasyna gatnaşyjylar döwlet Baştutanymyz Gurbanguly Berdimuhamedowyň eseriniň türkmen halkynyň taryhy ýoluny has giňişleýin öwrenmäge, onuň milli-medeni özboluşlylygy bilen tanyşmaga, türkmen halkynyň dünýäniň ylmy, ykdysady we medeni ösüşine goşan goşandyna has giňişleýin düşünmäge mümkinçilik berýändigini nygtadylar.
Şeýle hem iki ýurduň däp-dessurlaryny gorap saklamak babatda garaýyşlarynyň gabat gelýändigi hem-de Türkmenistanyň we Koreýanyň gadymy medeniýetli hem-de baý milli däp-dessurlary bolan ýurtlardygy bellenildi. Iki halkyň dünýägaraýşynda däp-dessurlara bolan sylag-hormat hem-de wepalylyk bar. Dostlukly döwletleri mirasa daýanyp, geçen nesilleriň tejribesini we ruhy gymmatlyklaryny gorap saklamak bilen, şol bir wagtyň özünde ösüşiň innowasiýa ýoly bilen öňe gitmäge ymtylma birleşdirýär.
Giň okyjylar köpçüligine niýetlenilen bu kitap, medeniýeti öwrenijiler üçin hem aýratyn gymmatlydyr. Bu eser milli medeniýet baradaky maglumatlaryň ulgamlaşdyrylan jemi däl-de, eýsem, ösen jemgyýetiň esasyny düzýän, onuň ynsanperwerlik binýady baradaky eserdir.
Tanyşdyrylyş dabarasyna gatnaşyjylar hormatly Prezidentimiziň adyna Ýüzlenme kabul etdiler hem-de milli Liderimize alyp barýan köpugurly işleri, şol sanda mähriban halkymyzyň ruhy-ahlak däplerini gorap saklamak we ösdürmek boýunça taýsyz tagallalary üçin hoşallyklaryny beýan etdiler. “Türkmeniň döwletlilik ýörelgesi” ýaş nesli watançylyk ruhunda terbiýelemek işinde gymmatly kitapdyr.
Şu çäräniň çäklerinde ýokary okuw mekdebiniň eýwanynda sergi ýaýbaňlandyryldy. Sergide hormatly Prezidentimiz Gurbanguly Berdimuhamedowyň ýurdumyzda we daşary ýurtlarda uly meşhurlyga eýe bolan düýpli eserleri, şeýle hem talyplaryň ylmy işleri görkezildi. Dabara ýokary okuw mekdebiniň talyplarynyň döredijilik çykyşlary bilen tamamlandy. Talyplar türkmen we koreý halk saz gurallarynda ussatlyk bilen saz çaldylar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
