Ýewropanyň täze çäklendirmeleriniň mümkinliginiň çäginde nebit gymmatlaýar, Brent-iň bahasy 123 dollardan geçdi
Ýewropa Bileleşigi ýurtlarynyň liderleriniň rus nebitine bölekleýin gadaganlyk girizmek hakynda ylalaşandyklary baradaky habardan soň, sişenbe güni nebitiň bahalary ýokarlanýar diýip, Interfaks habar berýär.
Brent nebitiniň iýul aýyndaky fýuçersleriniň bahasy Londonyň ICE Futures biržasynda sişenbe güni 1,36% gymmatlap, 123,32 dollara deň boldy. Iýul şertnamalary boýunça söwdalar sişenbe güni tamamlanýar, has işjeň bolan awgust fýuçersleri bolsa 1,53% gymmatlap, 119,40 dollara deň. Duşenbe güni söwdalaryň netijesinde iýul şertnamalary 2,23 dollar gymmatlap – 119,43 dollara ýetdi.
WTI fýuçersleriniň bahasy Nýu-Ýorkuň haryt biržasynda 3,12% gymmatlap, 118,66 dollara ýetdi. Anna güni bu şertnamalaryň bahasy 0,9% ýokarlanyp, 115,07 dollara bardy. Duşenbe güni söwdalar ABŞ-da baýramçylyk zerarly geçirilmedi.
Ýewropa Bileleşigi ýurtlarynyň döwlet we hökümet Baştutanlary RF-den getirilýän nebitiň üçden iki bölegine gadaganlyk girizmegi ylalaşdylar diýip, Ýewropa Geňeşiniň başlygy Şarl Mişel belledi.
«ÝB-de rus nebitiniň importyna gazaganlyk girizmäge ylalaşyk bar. Bu gadaganlyk import edilýän rus nebitiniň bada-bat üçden iki bölegine degişli bolar» - diýip, ol twitter sahypasynda belledi.
Doly däl-de, bölekleýin gadaganlyk girizmek karary kompromis karar boldy, çünki rus nebitiniň importyna güýçli bagly bolan Wengriýa oňa garşy çykdy. Öň JPMorgan-yň analitikleriniň ýazmagyna görä, RF-niň nebitinden doly el çekmeklik onuň bahasyny 185 dollara çenli çykaryp biler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
