OPEC+-yň önümçiligi artdyrmak kararyndan soň, nebit az-owlak arzanlady
Nebitiň dünýä boýunça bahalary anna güni irden az-kem arzanlap, barreliniň bahasy 117 dollardan sähel geçdi. Muňa söwda maglumatlary şaýatlyk edýär diýip, Report azerbaýjan habarlar agentligi habar berýär.
Bir gün öň ýany, OPEC+-yň önümçiligi artdyrmak kararyndan soň, nebit gymmatlady, indi bolsa, maýadarlar bu kararyň netijelerine gaýtadan düşünýärler. Muňa analitikleriň synlary we söwda maglumatlary şaýatlyk edýär.
Şeýlelikde, Brent söwda belgili nebitiň awgustdaky fýuçersleriniň bahasy 0,34% aşaklap, 117,21 dollara, WTI-niň iýul fýuçersleriniň bahasy 0.49% aşaklap – 116,3 dollara deň boldy.
Bir gün öň ýany, OPEC+ ýurtlarynyň awgust we iýul aýlarynda nebit önümçiligini artdyrmak kararyna gelenlerinden soň, nebitiň bahasy ýokarlandy. Her aýda meýilleşdirilen 432 müň b/g derek, günde 648 müň b/g nebit öndüriler.
OPEC+ bu kararyny Russiýada önümçiligiň peselmegi bilen däl-de, dünýäde nebite bolan islegiň artmagy bilen düşündirdi.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
