Eni 2022-nji ýylda nebitiň barreliniň bahasy boýunça çaklamasyny 105 dollara çenli ýokarlandyrdy
Eni kompaniýasynyň ýolbaşçylary Brent nebitiniň 2022-nji ýylda binýatlyk bahasynyň çaklamasyny 80 dollardan 105 dollara çenli ýokarlandyrdy we ýylyň jemleri boýunça öz nebit we gaz önümçiliginiň çaklamasyny ýaramazlaşdyrdy diýip, Interfaks habar berýär.
2022-nji ýylyň birinji ýarymynda Eni kompaniýasy tarapyndan nebitiň we gazyň çykarylyşy günde 1,6 mln barrel nebit ekwiwalentine deň boldy, bu görkeziji geçen ýylyň degişli döwri bilen deňeşdirilende 2% azdyr diýlip, kompaniýanyň hasabatynda aýdylýar.
Pese düşme Hazar turbageçiriji konsorsiumy eksport turba geçirijisindäki adatdan daşary ýagdaý ýaly garaşylmadyk wakalar sebäpli bolup geçdi. Bu hadysalar Gazagystanda önümçiligiň möçberlerine täsir etdi, içerki garşylyklaryň gaýtadan bat almagy zerarly Liwiýada zawodlaryň togtadylmagy, şeýle hem Nigeriýada dawalaryň ösmegi muňa täsir etdi.
Kompaniýa boýunça nebit önümçiligi günde 760 müň barrele deň boldy, bu 2021-nji ýylyň birinji ýarymy bilen deňeşdirilende 5% aşakdyr. Gazagystanda, Nigeriýada we Liwiýada önümçiligiň çäklendirilmegi Angolada, Alžirde we Italiýada önümçiligiň artdyrylmagy bilen üsti ýetirildi, şeýle hem OPEC+ boýunça önümçilige çägiň gowşadylmagy netijesinde amala aşyryldy.
Täzelenen meýilnamalara laýyklykda, Eni tarapyndan ýylyň jemleri boýunça uglerodlaryň çykarylyşy öňki çaklamadaky 1,7 mln b/g bilen deňeşdirilende 1,67 mln b/g derejede bolmagyna garaşylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
