Türkmenistanda Sergeý Rahmaninowyň ýubileýi mynasybetli «Rahmaninowyň bahary» atly konsertler toplumy geçiriler
2023-nji ýylyň 1-nji aprelinde bütin dünýäniň sungat ussatlary Sergeý Wasilýewiç Rahmaninowyň dogulan gününiň 150-ýyllygy mynasybetli dabaralary geçirer. Baýramçylyk çäreleri Türkmenistanda, Russiýa federasiýasynda, Germaniýa, Serbiýa, Fransiýa, Wengriýa, Finlýandiýa, Şweýsariýa ýaly döwletlerinde geçirilmegi meýilleşdirildi.
Maýa Kulyýewa adyndaky Türkmen milli konserwatoriýasy Sergeý Rahmaninowyň 150 ýyllyk ýubileýi mynasybetli «Rahmaninowyň bahary» atly konsertler toplumyny taýýarlady. Konsertleri aprel aýynyň dowamynda geçirmek meýilnamalaşdyryldy.
Segeý Rahmaninowyň ýubileýine bagyşlap onuň eserleriniň ýygyndylary çap edildi. Sazçylyk okuw jaýlarynda ylmy maslahatlar we konsertler, muzeýlerde kompozitoryň saz mirasyna bagyşlanan leksiýalar we sergiler geçirilýär.
Segeý Rahmaninowyň XIX-XX asyrlaryň çäklerinde kompozitor, ussat pianist we zehinli dirižýor hökmünde uly meşhurlyga eýe bolýar. Ol Russiýada, Amerikanyň Birleşen Ştatlarynda şeýle-de ýewropanyň dürli döwletlerinde konsertler bilen çykyş edýär. Kompozitoryň döreden saz eserleri professional sazandalaryň konsert hem pedagogik repertuaryna girýär.
Maýa Kulyýewa adyndaky Türkmen milli konserwatoriýasy Uly zalynda 1-njy aprelde “Kamera ansambly” kafedrasynyň uly mugallymy, Halkara bäsleşikleriň Laureaty we Diplomanty Stella Wladimirowna Faramazowa «Gala konsert» meýilnamalaşdyrdy. Konsert maksatnamasy Sergeý Rahmaninowyň saz eserlerinden düzülen.
Konsertde meşhur kompozitoryň Fortepiano we orkestr üçin Birinji we Ikinji konsertleriniň birinji bölümleri, fortepiano üçin «Etýud-kartinalary», Skripka we fortepiano üçin «Wokaliz» we «Romans» eserleri, «Aleko» operasyndan aýry nomerleri we «Весенние воды», «О, не грусти по мне», «Дитя! Как цветок, ты прекрасна», «Здесь хорошо» ýaly romanslary ýerine ýetiriler.
Sahnada Türkmenistanyň halk artistleri Orazgül Annamyradowa we gülnar Nuryýewa, Türkmenistanyň at gazanan artistleri Wladimir Mkrtumow, leýli Okdirowa we Bibijemal Amanowa, Türkmenistanyň Prezidentiniň «Altyn asyr» bäsleşiginiň ýeňijileri Bahar Durdyýewa we Amangeldi Amanow, Halkara basleşikleriniň Laureatlary Aşyr Aşyrow we Jemal Agajanowa we başgalar çykyş ederler.
Türkmenistanyň at gazanan artisti Wladimie Sergeýewiü Mkrtumow 7-nji aprelde türkmenistanyň Mukamlar köşgüniň Medeniýet merkeziniň («Aşgabat» Birinji (1-njy) park) konsert zalynda çykyş eder.
Konsert maksatnamasynda Sergeý Rahmaninowyň fortepiano saz guraly üçin döreden «Pýes-fantaziýalary», «Ýedi prelýudiýalary», «Dört etýud-kartinalary» we «Sonata» № 2 si-bemol minor toplumlary ýerine ýetiriler.
Maýa Kulyýewa adyndaky Türkmen milli konserwatoriýasy Uly zalynda 14-nji aprelde onuň okuwçysy Şaislam Komiljanow ýekelikde solo konserti bilen çykyş eder.
Onuň konsert maksatnamasynda: «Iki etýud-kartinalary», «Sonata» № 2 üç bölümi we üç bölümli «Konsert № 2 do minor» ýerine ýetiriler.
18-nji aprelde Maýa Kulyýewa adyndaky Türkmen milli konserwatoriýasy Uly zalynda «Kamera ansambly» и «Sazyň taryhy» kafedralary bilelikde rus kompozitoryň döredijiligine bagyşlanan «Sergeý Rahmaninowyň döredijilik keşbi» temasy boýunça çykyş ederler. Leksiýa-konsertiň maksatnamasynda konserwatoriýanyň mugallymlary hem talyplary çykyş ederler.
19-njy aprelde Maýa Kulyýewa adyndaky Türkmen milli konserwatoriýasy Uly zalynda «Kamera ansambly» kafedrasy «Romanslar agşamy» atly konsert geçirýär. Konsert maksatnamasynda Türkmenistanyň at gazanan artisti Leýli Okdirowa «Здесь хорошо», «У моего окна», «Сирень», «Сон» we «Они отвечали» romanslary bilen çykyş eder.
Türkmenistanyň halk artisti Gülnar Nuryýewa «Как мне больно», «О. не грусти по мне», «Весенние воды», «На смерть чижика» ýaly romanslaryny ýerine ýetirer.
Fortepiano partiýasyny Halkara bäsleşikleriň Laureaty we Diplomanty Stella Wladimirowna Faramazowa sazandarlyk eder.
Konsertlere giriş mugt.
Mähri SUWHANOWA,
Maýa Kulyýewa adyndaky Türkmen milli konserwatoriýasnyň “Kirişli saz gurallary” kafedrasynyň mugallymy.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
Döwrebap işler bitirilýär
Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr.
