ÝHHG-NIŇ AŞGABATDAKY MERKEZINIŇ ÝOLBAŞÇYSY BRIFING GEÇIRDI
8-nji ýanwarda Türkmenistanyň Daşary işler ministrliginiň binasynda ÝHHG-niň Aşgabatdaky Merkeziniň ýolbaşçysy Natalýa Drozd brifing geçirdi. Çärä türkmen diplomatlary we Türkmenistanyň Daşary işler ministrliginiň Halkara gatnaşyklary institutynyň mugallymlary gatnaşdylar, diýip Türkmenistanyň DIM-niň web-saýty habar berýär.
Brifingiň esasy temasy, geçen ýylyň 12-nji dekabrynda Türkmenistanyň hemişelik Bitaraplygynyň şanly 25 ýyllygy mynasybetli geçirilen «Bitaraplyk syýasaty we onuň halkara parahatçylygy, howpsuzlygy we durnukly ösüşi üpjün etmekdäki ähmiýeti» atly halkara maslahatyň jemleri boýunça kabul edilen Aşgabat jemleýji resminamasy boldy. Mälim bolşy ýaly, bu resminama BMG-niň Baş Assambleýasynyň 75-nji mejlisiniň hem-de Howpsuzlyk Geňeşiniň resminamasy hökmünde ýaýradyldy.
N.Drozd çykyşynyň başynda Türkmenistanyň hemişelik Bitaraplygynyň halkara derejesinde ykrar edilmeginiň 25 ýyllygynyň bellenilip geçilen ýylyň möhüm wakalara baý bolandygyny nygtap geçdi.
Ol bitaraplyk derejesiniň syýasy, ykdysady we ynsanperwer taraplarynyň sebit hem-de global howpsuzlygy hem-de durnuklylygy berkitmekde möhümdigini aýtdy. Bu nukdaýnazardan, hanym Drozd bitaraplyk düşünjesini ösdürmäge, şeýle hem parahatçylygyň we özara düşünişmegiň goralmagyna gönükdirilen halkara tagallalarynda bitaraplygyň wajyplygyny öňe sürýän Aşgabat jemleýji resminamasynyň ähmiýetine ünsi çekdi.
Şeýle hem N.Drozd bu resminamanyň ÝHHG-nyň esasy düzüm böleklerinden biri bolan öňüni alyş diplomatiýasynyň gurallarynyň işjeň ulanylmagyny talap edýändigini nygtady. Şu nukdaýnazardan, Guramanyň Türkmenistanyň öňüni alyş diplomatiýanyň ýörelgelerine ygrarlydygyny belläp geçdi.
«Aşgabat resminamasynyň parahatçylyk, howpsuzlyk we durnukly ösüş üçin Bitaraplyk dostlarynyň toparynyň döredilmegini goldaýandygyny aýratyn bellemelidiris. Türkmenistanyň Hökümetiniň bu başlangyjy aýratyn ähmiýete eýe bolup durýar, çünki bu Topar halkara syýasy hyzmatdaşlygy gowulandyrmak üçin bitaraplygyň mümkinçiliklerini ulanmak boýunça deň gepleşikleri dowam etdirmek üçin täsirli platforma bolup hyzmat eder» - diýip N.Drozd belledi. Şeýle hem bu resminamanyň mundan beýläk hem bilelikdäki işler babatynda gönükdiriji bolup hyzmat etjekdigine ynam bildirdi.
Brifingiň dowamynda ÝHHG-niň Aşgabatdaky Merkeziniň başlygy BMG-niň Baş Assambleýasynyň Kararnamasy bilen 2021-nji ýylyň «Halkara parahatçylyk we ynanyşmak ýyly» diýlip yglan edilmeginiň aýratyn ähmiýetini nygtady. «Türkmenistan bu Kararnamany durmuşa geçirmek arkaly, parahatçylygyň we howpsuzlygyň üpjün edilmegine gönükdirilen global tagallalara itergi bermek maksady bilen, bitaraplyk derejesini ulanmak babatyndaky borçnamasyna ygrarlydygyny tassyklady. Bu Kararnama häzirki zamanyň global howpsuzlygyna abanýan howplara garşy göreşmek nukdaýnazaryndan aýratyn ähmiýete eýe bolup durýar» – diýip belledi.
Türkmenistanyň Prezidenti nebitiň çykarylyşyny artdyrmak babatda alnyp barylýan işleri dowam etdirmegi tabşyrdy
28-nji noýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Ýaşlaryň arasynda robot tehnikasy boýunçä bäsleşik geçirildi
21-22-nji noýabrda Ýagşygeldi Kakaýew adyndaky Halkara nebit we gaz uniwersitetinde ýaşlaryň arasynda robot tehnikasy boýunça bäsleşik geçirildi. Türkmenistanyň Bilim ministrligi tarapynda guralan bu bäsleşige ýurdumyzyň çar künjünden ýaşlaryň 300-e golaýy öz taýýarlan robotlary bilen gatnaşdy.
Türkmenistanyň Prezidenti “Türkmengaz” DK tarapyndan gaz geçiriji ulgamlary döwrebaplaşdyrmaga gönükdirilen teklibi makullady
21-nji noýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Aşgabatda «Biz dürli, emma deň» atly festiwal geçirildi
15-nji noýabrda paýtagtymyzyň gözel ýerleriniň birinde ýerleşýän «Aşgabat» seýilgähinde «Biz dürli, emma deň» atly inklýuziw festiwal geçirildi.
Türkmenistanyň Prezidenti watandaşlaryny Hasyl toýy mynasybetli gutlady
Türkmenistanyň Prezidenti watandaşlaryny Hasyl toýy mynasybetli gutlady