Ekologiýa taýdan arassa önümçilikler
Ýurdumyzyň barha ösýän gazhimiýa toplumy barada oýlananyňda, Ahal welaýatynda milli baýlygymyz bolan tebigy gazdan benzin ömdürýän dünýäde ilkinji zawod, Gyýanlydaky polimer zawody ýaly iri önümçilik toplumlary göz öňüňe gelýär.
Gyýanlydaky Polimer zawody häzirki zamanda dünýä sarp edijnileriniň, önüm öndürijileriniň arasynda uly gyzyklanmadan we islegden peýdalanýan polietilen we polipropilen gerdejiklerini öndürýär.
Zawodda öndürilýän polipropilen we polietilen gerdejikleri zawodyň özünde öndürilýän ýörite haltalara gaplanan görnüşde Russiýa Federasiýasy, Koreýa Respublikasy, Gazagystan Respublikasy, Şweýsariýa, Marşall adalary ýaly ýurtlara eksport edilýär. Häzirki wagtda bu türkmen önümine bolan islegler beýleki ýurtlaryň sarp edijileriniň arasynda hem yzygiderli artýar.
Ýurdumyzyň gazhimiýa toplumynyň ýokary derejeli ösüşleri döwletimiziň tebigatyň türkmen topragyna eçilen baýlyklaryny bilelikde peýdalanmak, çig maly gaýtadan işlemek bilen, özümizde importyň ornuny tutýan ýokary hilli önümleriň önümçiligini artdyrmak, ýokary hilli senagat önümleriniň eksport edilişini artdyrmak babatda öňde goýýan maksatlarynyň aýdyň amal bolýandygyny görkezýär.
Alijan Kurbanow,
Ýagşygeldi Kakaýew adyndaky halkara nebit we gaz uniwersitetiniň talyby.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
Türkmenistanyň sanly mediasy — milli KHBS-niň ösüşinde möhüm faktor
Häzirki zaman dünýäsinde sanly köpçülikleýin habar beriş serişdeleri jemgyýetçilik ösüşiniň iň möhüm bölekleriniň birine öwrülýär. Türkmenistanda bu ugra döwlet derejesinde aýratyn ähmiýeti berilýär, sebäbi sanly media milli bitewüligi pugtalandyrmakda, parahatçylyk, ylalaşyk we ynsanperwerlik ideýalaryny wagyz etmekde, şeýle hem ýurduň oňyn halkara abraýyny kemala getirmekde möhüm orny eýeleýär.
Garaşsyz, baky bitarap Türkmenistan — bagtyýarlygyň we rowaçlygyň ýurdy
Hoşniýetlilik hemişe adamyň özünden, onuň oý-pikirlerinden, edim-gylymlaryndan we röwşen geljege bolan ynamyndan gözbaş alýar. Adamlaryň döredijilige ymtylýan ýerinde, parahatçylyga, zähmete we özara hormata gadyr goýýan ýerinde belent maksatlar rowaçlanýar.
Derweze krateri babatda türkmen alymlarynyň toplan tejribesi
Gündogar we Merkezi Türkmenistanyň gaz ýataklaryny özleşdirmek babatda taslama we ylmy işleri amala aşyrmak «Türkmengaz» döwlet konserniniň Ylmy-barlag tebigy gaz institutynyň işiniň esasy ugurlarynyň biri bolup durýar.
