Türkmenistan we Pakistan TOPH-nyň owgan böleginiň gurluşygyny tizleşdirmek boýunça gepleşikleri dowam etdirer
Türkmenistan we Pakistan TOPH gaz geçirijisiniň owgan böleginiň gurluşygyny tizleşdirmek boýunça gepleşikleri dowam etdirer diýip, ýurdumyzyň daşary syýasat edarasynyň saýty habar berýär.
Bu barada ylalaşyk Türkmenistanyň wise-premýeri Hojamyrat Geldimyradowyň Pakistanyň Daşary işler ministri Jalil Abbas Jilani bilen duşuşygynda gazanyldy. Duşuşyk 26-njy oktýabrda Gyrgyz Respublikasynyň Bişkek şäherinde ŞHG-niň hökümet baştutanlarynyň geňeşiniň mejlisiniň çäginde geçirildi. Taraplar Türkmenistan — Pakistan hyzmatdaşlygynyň ýagdaýy we onuň mundan beýläkde ösdürmegiň ýollary barada pikir alyşdylar.
Türkmenistan-Owganystan-Pakistan-Hindistan gaz geçirijisiniň üstünlikli durmuşa geçirilmegi, şeýle hem Türkmenistan-Owganystan-Pakistan ugry boýunça elektrik geçiriji liniýalar we optiki-süýümli aragatnaşyk taslamasynyň durmuşa geçirilmegi tutuş sebitiň sosial-ykdysady we gurluş taýdan ösüşine täze itergi berjekdigi nygtaldy.
TOPH-nyň owgan böleginde işiň depginini ýokarlandyrmak boýunça goşmaça gepleşikler geçirmek teklip edildi.
Jilani iki ýurduň arasynda dürli ugurlardaky ýola goýlan netijeli hyzmatdaşlygyň ýokary derejesini belläp, taryhy we medeni umumylyga esaslanýan döwletara gatnaşyklaryň mundan beýläk-de pugtalandyryljakdygyna ynam bildirdi.
Mundan başga-da, Söwda-ykdysady ugurda bar bolan kuwwatlyklary netijeli peýdalanmak we özara söwdanyň möçberlerini artdyrmak üçin ähli gurallary ulanmagyň zerurdygy bellenildi diýip, Türkmenistanyň Daşary işler ministrliginiň Metbugat gullugynda habar berildi.
Hyzmatdaşlygyň ileri tutulýan ugurlaryna nebit we gaz pudagy, energiýa we beýlekiler girdi. Şunuň bilen baglylykda, Bilelikdäki Türkmen-Pakistan hökümetara iş toparynyň işiniň möhüm orny nygtaldy.
OGT 2026 halkara forumy 65 ýurtdan 1300-den gowrak wekili jemlär
10-njy oktýabrdaky ýagdaýa görä, 21–23-nji oktýabrda Aşgabatda geçiriljek OGT 2026 halkara maslahatynyň we sergisiniň guramaçylary dünýäniň 65 ýurdundan 1300-den gowrak hasaba alnan wekiliň bardygyny habar berdiler.
OGT 2026 nebitgaz sergisinde Malaýziýanyň milli pawilýony hödürlener
21–23-nji oktýabrda Aşgabatda geçiriljek OGT – 2026 Halkara sergisinde Malaýziýanyň Nebit serişdeleri korporasiýasy (MPRC) bilen hyzmatdaşlykda guralan Malaýziýanyň ilkinji milli pawilýony açylar diýip, forumyň guramaçylary habar berýärler.
Dragon Oil – OGT 2026-nyň göwher hyzmatdaşy
«Dragon Oil» kompaniýasy 21-23-nji oktýabrda Aşgabatda geçiriljek «Türkmenistanyň nebiti we gazy – OGT 2026» 31-nji halkara maslahatynyň göwher hyzmatdaşy bolar diýip, forumyň guramaçylary habar berýärler.
Türkmenistanly mugallym Ýaponiýada wodorod energetikasy boýunça ylmy-barlaglary geçirer
Ýagşygeldi Kakaýew adyndaky Halkara nebit we gaz uniwersitetiniň Himiýa tehnologiýasy we ekologiýa fakultetiniň Senagat ekologiýasy kafedrasynyň mugallymy Baýram Welhanow Ýaponiýanyň Sukuba uniwersitetinde magistr okuw maksatnamasy boýunça bilim alýar we wodorod energetikasy ugrunda ylmy-barlaglary alyp barýar.
Türkmenistanyň nebitgaz toplumynda dokuz aýyň jemlerine garaldy
3-nji oktýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen dokuz aýynda ýerine ýetirilen işleriň jemine bagyşlanan hasabat ýygnagy geçirildi.
