Nebitgaz toplumynda hoşallyk maslahaty geçirildi
Ýurdumyzyň nebitgaz toplumynyň merkezi dolandyryş binasynda «Türkmenistanyň Prezidenti Arkadagly Gahryman Serdarymyzyň ösüş maksatnamalaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti» atly maslahat geçirildi. Oňa nebitgaz toplumynyň ýolbaşçylary we işgärleri gatnaşdy.
Dabaraly maslahatda Türkmenistanyň Ministrler Kabinetiniň Başlygynyň orunbasary Batyr Amanow, Türkmenistanyň Döwlet ministri — «Türkmengaz» döwlet konserniniň başlygy Maksat Babaýew, «Türkmennebit» döwlet konserniniň başlygy Guwanç Agajanow, «Türkmengeologiýa» döwlet korporasiýasynyň başlygy Gurbangeldi Garlyýew, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy SaparAtaberdiýew, «Türkmengaz» döwlet konserniniň Ylmy-barlag tebigy gaz institutynyň geofizika bölüminiň uly ylmy işgäri Jennet Jumahanowa, «Türkmennebit» döwlet konserniniň Umumy bölüminiň baş hünärmeni Myrat Atagarryýew, «Türkmengeologiýa» döwlet korporasiýasynyň Ahalgidrogeologiýa ekspedisiýasynyň gidrogeology Bägül Hommyýewa dagy çykyş etdi.
Maslahatyň dowamynda «Pähim-paýhas ummany Magtymguly Pyragy» ýylynyň fewral aýynyň 22-sine türkmen halkynyň Milli Lideri Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde bolan Halk Maslahatynyň Prezidiumynyň mejlisinde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça kesgitlenen gaýragoýulmasyz wezipeler, ykdysadyýeti gurnamakda, dolandyrmakda netijeliligi gazanmagyň oýlanyşykly tejribesiniň kemala gelşi, Gahryman Arkadagymyzyň başlangyçlary, Arkadagly Gahryman Serdarymyzyň üstünlikli dowam etdirmegi bilen döwleti dolandyrmagyň ygtybarly, demokratiýa we hukuga esaslanýan nusgasynyň döredilendigi, jemgyýetimiziň her bir wekiliniň erk-islegini beýan etmeginiň netijeli ulgamynyň kemala gelendigi hakynda çykyşlara giň orun berildi.
Şeýle-de ýurdumyzda alnyp barylýan oýlanyşykly döwlet syýasatynyň netijesinde milli ykdysadyýetimiziň pugtalandyrylyşy, halkymyzyň ýaşaýyş-durmuş şertleriniň yzygider gowulandyrylyşy, Gahryman Arkadagymyzyň, Arkadagly Gahryman Serdarymyzyň tagallasy bilen nebitgaz toplumynyň pudaklarynyň batly depginlerde ösdürilişi, onuň öňde goýlan möhüm wezipeleri durmuşa geçirmekde möhüm ähmiýeti barada çykyşlar diňlenildi.
Maslahatyň barşynda nebitgaz toplumynyň işgärleriniň Garaşsyz, hemişelik Bitarap döwletimiziň Prezidenti Arkadagly Gahryman Serdarymyz tarapyndan tassyklanan Maksatnamadan, türkmen halkynyň Milli Lideriniň Başlyklygynda geçirilen Halk Maslahatynyň Prezidiumynyň mejlisiniň öňde goýan çözgütlerinden gelip çykýan wezipeleri durmuşa geçirmek boýunça «Pähim-paýhas ummany Magtymguly Pyragy» ýylynda bilelikde tutanýerli zähmet çekjekdigi aýratyn nygtaldy.
«Türkmengaz» DK-nyň Medeni-işewürlik merkeziniň sungat ussatlarynyň aýdym-sazly çykyşy dabaraly maslahatyň täsirini artdyrdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
