«Arkadag» futbol topary «Ahal» toparynyň ýeňişli ýoluna böwet boldy
2024-nji ýylda geçirilýän Türkmenistanyň çempionatynyň ýokary ligasynyň toparlarynyň arasynda «Arkadag» toparynyň oýunçylary 11-nji gezek ýeňiş gazandylar, diýip «Türkmenistan: Altyn asyr» saýty habar berýär. Türkmenistanyň çempionatynyň ýokary ligasynyň 13-nji tapgyrynda Wladimir Baýramowyň topary täze baş tälimçi Döwletmyrat Annaýewiň ýolbaşçylygynda häzire çenli üç ýeňiş gazanan ýakyn bäsdeşi «Ahal» topary 4:0 hasabynda ýeňdi we öňdeligini has-da berkitdi.
Duşuşyk paýtagtymyzyň «Nusaý» stadionynda geçirildi. Myhmanlar 5-nji minutda Altymyrat Annadurdyýewiň tagallasy bilen öňe saýlandylar. 37-nji minutda ol ýene bir pökgi geçirdi. 53-nji minutda geçen ýylyň iň köp pökgi geçiren oýunçysy Didar Durdyýew üçünji geçirilen pökgiň eýesi boldy. Begenç Akmämmedow 73-nji minutda duşuşygyň soňky nokadyny goýdy.
«Ahal» toparynyň ýeňişli ýörişine böwet bolan «Arkadag» topary 33 utuk gazanyp ýakyn bäsdeşinden utuk tapawudyny 9-a ýetirdi. Özi-de, Türkmenistanyň häzirki çempiony beýlekilerden bir oýun az oýnady.
Geçen ýylky çempionatynyň bürünç medalyny eýelän «Nebitçi» toparyny Balkanabatda 5:0 hasabynda ýeňlişe sezewar eden, 10 duşuşykda 21 utuk gazanan «Altyn asyr» topary üçünji oruny eýeledi. «Türkmenaragatnaşyk» agentliginiň toparyndan Rahman Muratberdiýew (8-nji we 70-nji minutlarda) we Arslan Saparow (32-nji we 51-nji minutlarda) iki, Wahyt Orazsähedow (69-njy minutda) bir pökgi geçirdiler.
Türkmenistanyň çempionatynyň ýokary ligasynyň 13-nji tapgyryň beýleki bir oýnunda paýtagtymyzyň «Köpetdag» topary öz meýdançasynda «Merw» toparyndan 2:0 hasabynda üstün çykyp, birinji aýlawda 1:2 hasabynda ýeňlişi üçin haklaşdy. Tofik Şükürowyň topary duşuşygyň soňky 17 minudynda Batyr Täçnazarowyň 73-nji we Süleýman Mirzoýewiň 84-nji minutlarda geçiren pökgileri netijesinde myhmanlardan rüstem geldi.
Şu ýeňişden soň 9 utuk gazanan «Köpetdag» topary 12 utuk gazanan we bir oýun artyk oýnan, ýedinji orny eýeleýän «Nebitçi» topara golaýlaşdy. 18 utuk gazanan «Merw» topary dördünji orunda galdy.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
