Türkmen halkynyň Milli Lideri Gurbanguly Berdimuhamedowyň Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygyndaky çykyşy
Hormatly Rustam Nurgaliýewiç!
Siziň bilen dostlukly Tatarystanyň paýtagtynda duşuşmaga örän şatdyryn. Bu ýerde doganlyk tatar halkynyň bize bolan aýratyn hormatyny, tüýs ýürekden we mähirli gatnaşygyny hemişe duýýarys.
Pursatdan peýdalanyp, Türkmenistanyň Prezidenti Serdar Berdimuhamedowyň Size iberen mähirli salamyny ýetirmäge rugsat ediň! “Russiýa — Yslam dünýäsi: KazanForum — 2024” halkara ykdysady forumyna we “Russiýa — Yslam dünýäsi” strategik garaýyş toparynyň her ýyl guralýan mejlisine gatnaşmaga çakylyk üçin minnetdarlygymy bildirýärin, şeýle hem ähli meýilleşdirilen çäreleriň üstünlikli geçirilmegini arzuw edýärin. Wekiliýetimiziň ähli agzalarynyň adyndan bildirilen myhmansöýerlik üçin minnetdarlygymy beýan etmäge rugsat ediň!
Kazan şäherinde Russiýa Federasiýasynyň yslam dünýäsiniň ýurtlary bilen ykdysady hyzmatdaşlygyny işjeňleşdirmäge gönükdirilen şeýle ähmiýetli halkara çäreleriň geçirilmegi Tatarystanyň uly abraýynyň we oňa ýokary halkara gyzyklanmanyň nyşany bolup durýar. Şulardan ugur alyp, türkmen wekiliýetiniň şu gezekki saparynyň we dürli meýdançalarda geçiriljek duşuşyklaryň Türkmenistan bilen Russiýa Federasiýasynyň strategik hyzmatdaşlygynyň möhüm bölegi bolup durýan biziň ikitaraplaýyn gatnaşyklarymyzyň giňeldilmegine uly goşant goşjakdygyna berk ynam bildirýäris.
Hormatly Rustam Nurgaliýewiç!
Biziň halklarymyz asyrlaryň dowamynda medeniýetleriniň, dilimiziň, däp-dessurlarymyzyň umumylygyna, dinimiziň birligine, birek-birege hormat goýulmagyna we deňhukuklylyga esaslanýan dostlukly gatnaşyklary saklapdyrlar.
Ýokary derejede geçirilýän yzygiderli duşuşyklar netijeli ikitaraplaýyn hyzmatdaşlygyň esasy şertleriniň biri bolup durýar. Şunuň bilen baglylykda, Türkmen bedewiniň milli baýramy mynasybetli çärelere gatnaşmak üçin Siziň ýakynda Türkmenistana amala aşyran saparyňyzy bellemek isleýärin. Onuň dowamynda milli ykdysady bähbitleri, bilelikdäki köpýyllyk işiň baý tejribesini nazara almak bilen, hyzmatdaşlygyň we özara gatnaşyklaryň häzirki ýagdaýy hem-de geljegi ara alnyp maslahatlaşyldy.
Biz dürli ugurlarda, hususan-da, nebitgaz pudagynda, gämi gurluşygynda, himiýa senagatynda, awiasiýa tehnikasyny, ýük awtoulaglaryny ibermek ulgamynda netijeli hyzmatdaşlyk edýäris. Medeni-ynsanperwer ulgamda, şol sanda bilim, medeniýet, sungat boýunça hyzmatdaşlyk hem türkmen-tatar gatnaşyklarynyň möhüm ugry bolup durýar.
Pursatdan peýdalanyp, Russiýa Federasiýasy bilen strategik hyzmatdaşlygyň çäklerinde doganlyk Tatarystan bilen köpugurly gatnaşyklaryň pugtalandyrylmagyna gönükdirilen işi mundan beýläk-de dowam etdirmegi maksat edinýändigimizi ýene-de bir gezek tassyklaýarys.
Hormatly Rustam Nurgaliýewiç!
Sözümiň ahyrynda çakylyk üçin ýene-de bir gezek minnetdarlygymy bildirýärin we Size tüýs ýürekden berk jan saglyk, işiňizde mundan beýläk-de üstünlikleri, Tatarystanyň doganlyk halkyna bolsa parahatçylyk, rowaçlyk, abadançylyk arzuw edýärin.
(Kazan şäheri, 2024-nji ýylyň 15-nji maýy)
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
