Türkmenistanyň Prezidenti «Çalsana, bagşy!» bäsleşiginiň jemleýji tapgyryna gatnaşyjylary gutlady
Garaşsyz ýurdumyzyň ýaş bagşy ýigitleri we gyzlary!
Gadyrly ýaşlar!
Sizi Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» bäsleşiginiň jemleýji tapgyryna gatnaşmagyňyz mynasybetli tüýs ýürekden gutlaýaryn.
Berkarar döwletiň täze eýýamynyň Galkynyşy döwründe Garaşsyz, baky Bitarap Türkmenistanda iri möçberli döwlet maksatnamalary durmuşa geçirilýär. Ýurdumyzyň ähli ulgamlarynda ýetilýän belent sepgitler, gazanylýan uly üstünlikler mähriban Watanymyzy tanalmaz derejede özgerdýär. Umumadamzat bähbitli öňe sürýän başlangyçlarymyz dünýä bileleşiginde giň goldawa eýe bolup, ýurdumyzyň halkara abraýy has-da ýokarlanýar.
Gadyrly ýaş bagşy-sazandalar!
Garaşsyz ýurdumyzyň ähli ulgamlary bilen birlikde, medeniýet ulgamynda hem uly ösüşler gazanylýar. Häzirki döwürde türkmen medeniýetini, sungatyny, edebiýatyny ösdürmäge, täze, döwrebap aýdym-sazlar bilen baýlaşdyrmaga, medeniýet edaralarynyň maddy-enjamlaýyn binýadyny berkitmäge gönükdirilen tutumly işler barha rowaçlanýar. Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» bäsleşigi hem milli aýdym-saz sungatymyzy ösdürmäge, ýaş bagşy-sazandalary ýüze çykarmaga, olary goldamaga uly ýardam berýär. Bu bäsleşige gatnaşmaga isleg bildirýän zehinli bagşy-sazandalaryň sany ýyl-ýyldan artýar.
Türkmen halkynyň Milli Lideri Gahryman Arkadagymyz «Ile döwlet geler bolsa...» atly çuňňur many-mazmunly kitabynda türkmen halkynyň asyrlaryň dowamynda köp sanly aýdymlary döredendigini, her bir türkmeniň kalbynda aýdym aýtmaga, saz gurallaryny çalmaga bolan söýginiň ýatandygyny, ata-babalarymyzyň aýdym-saz sungatyny söýüp, oňa hormat goýandygyny parasatlylyk bilen belläp geçýär. Hormatly Arkadagymyzyň nygtaýşy ýaly, türkmen halkynyň kalbynda aýdym-saz sungatyna sarpaly garaýyş we egsilmez söýgi bar. Türkmen ilinde tutulýan tomaşaly toýlaryň bezegine öwrülen aýdym-saz sungatymyz dutardyr gyjagyň, tüýdügiň sazlaşykly owazyndan döräp, halkyň ruhy ganatyna öwrülipdir. Häzirki döwürde ýurdumyzda hem-de daşary ýurtlarda geçirilýän medeni çärelerde bagşylarymyzyň aýdýan joşgunly aýdymlary, sazandalarymyzyň çalýan şirin sazlary ynsan kalbyna ýagşy duýgulary eçilip, göwünlere ylham bolup ornaýar.
Mähriban bagşy-sazandalarymyz!
Biz milli bagşyçylyk we saz sungatymyzda öz kämil aýdym-sazlary bilen halkyň hakydasynda ýaşaýan halypa bagşy-sazandalarymyza buýsanmaga haklydyrys. Muhy bagşy, Oraz Saryýew, Geldi Ugurlyýew, Tugur Berdinyýazow, Kiçi Geldimyradow, Giçgeldi Amanow, Geldimämmet Orazgulyýew, Oraznepes Döwletnazarow, Döwletgeldi Ökdirow, Oraz Begnyýazow, Japar Hojanepesow, Baky Maşakow, Tüýli Otuzow, Sarman Hudaýberdiýew, Gurban Seýitmämmedow, Ryzaguly Ataýew, Myrat bagşy, Öwezmyrat bagşy, Durdy Myradow, Gaýgysyz Çaryýew we başga-da ençeme ussat bagşy-sazandalarymyz milli aýdym-saz sungatymyzyň ösmegine uly goşant goşdular. Meşhur halypalaryň sungat älemindäki ýoluny häzirki wagtda ýaş bagşy-sazandalar mynasyp dowam etdirýärler. ÝUNESKO-nyň Adamzadyň maddy däl medeni mirasynyň sanawyna girizilen türkmen halkynyň dutar ýasamak senetçiligi, dutarda saz çalmak we bagşyçylyk sungaty köp ýyllar bäri dünýä halklaryny haýran galdyryp gelýär.
Gündogaryň beýik akyldary, nusgawy şahyry Magtymguly Pyragynyň doglan gününiň 300 ýyllyk şanly baýramynyň giňden bellenilýän «Pähim-paýhas ummany Magtymguly Pyragy» ýylynda türkmen dutarynyň şabram şelpelerinden çykýan şirin mukamlar ajaýyp döwrümiziň, bagtyýar zamanamyzyň belent waspy bolup ýaňlanýar. Geljekde ýurdumyzyň ýaş bagşy-sazandalarynyň şirwan perdelerde ýaňlanýan aýdym-sazlary bilen bagşyçylyk sungatymyzyň has-da ösdürilmegine uly goşantlaryny goşjakdyklaryna berk ynanýaryn.
Gadyrly ýaş bagşy-sazandalar!
Sizi ýurdumyzda şatlyk-şowhunly geçirilýän «Çalsana, bagşy!» bäsleşiginiň jemleýji tapgyryna gatnaşmagyňyz hem-de mukaddes Garaşsyzlygymyzyň 33 ýyllyk baýramy mynasybetli tüýs ýürekden gutlaýaryn. Size berk jan saglyk, bagtyýarlyk, türkmen bagşyçylyk we saz sungatyny täze aýdym-sazlar bilen baýlaşdyrmakda döredijilik üstünliklerini arzuw edýärin.
Türkmenistanyň Prezidenti
Serdar BERDIMUHAMEDOW.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
