USAID-iň YDA taslamasy Mary şäherinde IT ugurlary boýunça ýaş hünärmenleri taýýarlady
USAID-iň Häzirki zaman hünärleri ösdürmek taslamasy (YDA) “TechYouth Bootcamp” maksatnamasynyň Marydaky 2-nji tapgyryny üstünlikli tamamlady. Maksatnama “Akylly hyzmat” hojalyk jemgyýetiniň “Algoritm” okuw merkezi bilen hyzmatdaşlykda 2024-nji ýylyň maý-noýabr aralygynda amala aşyryldy.
USAID-iň YDA taslamasynyň “TechYouth Bootcamp” maksatnamasy IT ugurlar boýunça ýaş hünärmenleri taýýarlamaga gönükdirilendir we “bootcamp” formatynda “doly çümmek” görnüşinde intensiw kurslaryny öz içine alýar. Maksatnamanyň esasy maksady ýaşlara hünär almaga we işe ýerleşmäge mümkinçilik bermek.
Bu maksatnama 2022-nji ýylda başlandy we şondan bäri Aşgabatda, Maryda we Türkmenabatda üstünlikli amala aşyryldy.
2024-nji ýylyň noýabr aýynyň 19-da “Akylly hyzmat” HJ-niň “Algoritm” okuw merkezinde “TechYouth Bootcamp” maksatnamasynyň Marydaky 2-nji tapgyryny uçurymlaryna okuwy üstünlikli tamamlandyklary barada şahadatnamalary gowşurylyş dabarasy baýramçylyk ýagdaýda geçirildi. Dabara ABŞ-nyň Türkmenistandaky Ilçisiniň orunbasary Ändrü Bördi we ABŞ-nyň Halkara ösüş agentliginiň (USAID) Türkmenistandaky Wekili Jeffreý Skarin gatnaşdylar.
Alty aýlyk maksatnamanyň dowamynda gatnaşyjylaryň 35-si şu ugurlaryň biri boýunça hünar aldylar: “IT ulgamlaryna tehniki hyzmat etmek we dolandyrmak” ýa-da “Grafiki dizaýny”. IT ulgamlaryna tehniki hyzmat etmek we dolandyrmak boýunça kursy kompýuter ulgamlary tehnologiýalarynyň esaslaryny, serwerleri dolandyrmak, maglumatlaryň howpsuzlygyny üpjün etmek we ulanyjylara tehniki goldaw bermek ýaly meseleleri öz içine aldy. Gatnaşyjylar serwerleri sazlamak we dolandyrmak, şeýle-de IT infrastrukturasyna degişli meseleleri çözmek ýaly ugurlarda başarnyklaryna eýe boldular. Grafiki dizaýny kursy kompozisiýanyň esaslaryny, reňk nazarýetini, grafiki redaktorlary (meselem, Adobe Photoshop we Illustrator) ulanmak, logo we brending materiallaryny döretmek, şeýle-de çap edilýän we sanly önümler üçin maketleri işläp taýýarlamak ýaly temalary öz içine aldy. Iki kurs hem leksiýalary amaly sapaklary bilen utgaşdyrdylyp geçirildi, bu bolsa gatnaşyjylara ýerli kompaniýalar üçin hakyky taslamalarynyň üstünde işlemek mümkinçiligini berdi.
Maksatnamanyň Marydaky 2-nji tapgyrynyň uçurymlarynyň 35-si zähmet bazarynda isleg bildirilýän hünarlerine eýe boldular. Olaryň ýarysyndan gowragy eýýäm ýerli kompaniýalara işe ýerleşdiler we galanlarynyň köpüsi ýakyn hepdelerde işe girerler diýip garaşylýar.
USAID-iň YDA taslamasy “TechYouth Bootcamp” maksatnamasynyň indiki tapgyrlaryny ähli welaýatlarda amala aşyrmagy meýilleşdirýär.
Balkanabatda Çagalary goramagyň halkara güni mynasybetli baýramçylyk konserti geçirildi
Balkan welaýatynyň merkezi bolan Balkanabat şäherinde «AssA» tans studiýasynyň Çagalary goramagyň halkara güni we tomusky dynç alyş möwsümi mynasybetli baýramçylyk konserti geçirildi. Bu ýatda galyjy çäre şäheriň ýaşaýjylary we ýaş tomaşaçylar üçin ajaýyp sowgat boldy.
Türkmenistanyň wekiliýeti Baku Energiýa hepdeligine gatnaşýar
“Türkmengaz” döwlet konserniniň başlygynyň orunbasary Kemal Durdyýewiň ýolbaşçylygyndaky wekiliýet Azerbaýjanyň Baku şäherinde 2026-njy ýylyň 1-3-nji iýuny aralygynda geçirilýän Energiýa hepdeligi (Baku Energy Week) iri energetika çäresine gatnaşýar.
Robot tehnikasy: Maryda ýaş zehinleriň bäsleşigi jemlendi
Türkmenistanyň Bilim ministrliginiň hem-de Türkmenistanyň Döwlet energetika institutynyň bilelikde gurnamagynda “Ýaşlaryň arasynda robot tehnikasy” boýunça bäsleşigiň jemleýji tapgyry geçirildi. Çekeleşikli geçen bäsleşige ýurdumyzyň dürli künjeklerinden innowasion tehnologiýalara gyzyklanma bildirýän ýaşlaryň 140-a golaýy gatnaşdy.
USSAT GEOLOGY ÝATLAP
Haýsy ugurdan bolsa-da, ussatlar unudylmaýar. Şeýle halypalar nebitgaz pudagynda-da sanardan kän. Bu ugurdan ençeme şägirtleri ýetişdiren Ýagşymyrat Hojagulyýew hem halkymyzyň öňünde uly hyzmat bitiren halypalaryň biri. Halypany hatyralap, ol baradaky ýatlamalary ýetirmegi makul bildik.
Guýularyň önümli gatlaklaryna täsir etmek usullary kämilleşdirilýär
Uzak wagtlap özleşdirilip gelinýän känlerde esasan-da, Goturdepe we Barsagelmez nebitgaz känlerinde gatlak basyşynyň peselmegi, ulanylýan guýulara gatlak suwlarynyň gelmegi netijesinde, onuň önüminiň wagtyndan öň suwlanmagy, guýynyň düýbünde çäge dykylarynyň emele gelmegi, gatlaklary özleşdirmegiň soňky tapgyrynda olardan düzüminde parafin köp bolan agyr nebitleriň akyp gelmegi ýaly kanunalaýyk hadysalar bilen baglydyr.
