Zähmeti goramakda alnyp barylýan işler döwrebap ösüşlere beslenýär
«Türkmengaz» döwlet konserniniň Ylmy-barlag tebigy gaz institutynda zähmeti goramak, tehniki howpsuzlyk düzgünleri, ýangyn howpsuzlygynyň kadalary bilen bagly maslahat geçirildi. Oňa «Türkmengaz» DK-nyň önümçilik düzümlerinden zähmet howpsuzlygynyň jogapkär işgärleri we hünärmenleri gatnaşdylar.
Çykyşlarda bellenilişi ýaly, Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň tagallalary bilen ýurdumyzda amala aşyrylýan özgertmelerde islendik kärde we wezipede işleýän raýatlarymyzyň zähmet çekmek mümkinçiliklerine, hukuklaryna möhüm orun degişlidir. Zähmetiň kanunçylyk-hukuk binýadyny kämilleşdirmeklige, edara-kärhanalarda iş şertlerini gowulandyrmaklyga, täze tehnologiýalary ornaşdyrmaklyga uly ähmiýet berilýär. Çünki ýurdumyzdaky zähmet ýeňişleri, ýetilýän belent sepgitler talabalaýyk ýola goýulýan amatlyklaryň netijesinde gazanylýar.
Türkmenistanyň kanunçylygy zähmeti goramaklygyň, tehniki we ekologiýa howpsuzlygynyň pugta üpjün edilmegine, ýagny adamyň saglygyny, ömrüni goramaklyga gönükdirilendir. Türkmenistanyň zähmet kanunçylygy döwrüň talaplaryny hem-de raýatyň bähbitlerini nazara alyp, halkara standartlaryna laýyklykda kämilleşdirilýär. Her bir adamyň döredijilik, intellektual mümkinçiliklerini durmuşa geçirmek, zähmeti guramak, zähmetiň netijeliligini gazanmak, hünärmenleriň hünär ussatlygyny ýokarlandyrmak zähmet gatnaşyklarynyň esasy düzüm bölegini emele getirýär. Esasy Kanunymyza laýyklykda, raýatlaryň zähmete, öz islegine görä, hünär, iş ýerini saýlap almaga, zähmetiň sagdyn, howpsuz şertlerine, durmuş üpjünçiligine hukugy bardyr. Ýurdumyzda zähmet gatnaşyklaryny kadalaşdyrmak, zähmeti guramak we goramak boýunça alnyp barylýan işler döwrebap ösüşlere beslenýär.
Häzirki döwürde hormatly Prezidentimiziň tagallasy bilen ýurdumyzyň ähli künjeklerinde täze, döwrebap edara-kärhanalar gurulýar. Olarda işgärler üçin ýokary amatlykly howpsuz zähmet şertleri doly üpjün edilýär. Zähmeti goramak häzirki zaman halkara hukugynyň we milli kanunçylygyň möhüm talabydyr we derwaýys wezipesidir. Şoňa görä-de, ýurdumyzda bu derwaýys işi talabalaýyk ýola goýmaklyga möhüm ähmiýet berilýär. Şundan ugur alnyp, ýurdumyzyň döwrebap senagat kärhanalarynda zähmeti goramaklyga, ýangyn, tehniki, ekologiýa howpsuzlygynyň hem-de önümçilik sanitariýasynyň talaplarydyr kadalaryny doly üpjün etmeklige gönükdirilen çäreler yzygiderli alnyp barylýar.
Türkmenistanyň Zähmet kodeksiniň talaplaryna hem-de Türkmenistanyň Kärdeşler arkalaşyklarynyň Tertipnamasyna laýyklykda, ýurdumyzyň kärdeşler arkalaşyklarynyň guramalary işgärleriň we hünärmenleriň howpsuz iş hem dynç alyş şertleriniň döredilişine jemgyýetçilik gözegçiligini amala aşyrmakda netijeli işleri yzygider alyp barýarlar.
«Türkmengaz» döwlet konserni tarapyndan geçirilen maslahata gatnaşyjylar bilen söhbetdeşlik guralyp, sorag-jogap alşyldy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
